Share this
Twitter
Digg
Del.icio.us
StumbleUpon
Facebook
Print
E-mail
भाषा, साहित्य र सँस्कृतिको विकास गरी हङकङमा नेपाली समाज निर्माण गर्ने उद्देश्यले आयोजना गरिएको ‘नेपाली सप्ताह २००९' अन्तर्गत सोमबार चिनियाँ सरकारका प्रतिनिधिलाई पनि ज्ञापनपत्र बुझाइएको छ। चीनका अन्य प्रान्तमा जस्तै आधारभूत कानुन अर्न्तगत हङकङका अल्पसंख्यकलाई अधिकार सम्पन्न बनाउन उक्त पत्रमा माग गरिएको छ। त्यस्तै नेपाली बालबालिकाले मातृ भाषामा पढ्न पाउनु पर्ने माग गर्दै बुधबार संयुक्त राष्ट्रसंघलाई ज्ञापनपत्र दिने कार्यक्रम छ।
हङकङ नेपाली कला मन्दिरको आयोजना र हङकङ नेपाली फाउण्डेशनले संयोजन गरेको कार्यक्रममा स्कूलमा पढाउने नेपाली शिक्षक र विद्यार्थीहरू बढी सक्रिय छन्। कला मन्दिर सम्बद्ध शिक्षक देवराज राईका अनुसार पाँच वर्षदेखि नियमित रुपमा नेपाली सप्ताह आयोजना गरिएको छ र यसमा नेपालीहरूसँगै चिनियाँहरूको सहभागीता पनि बढिरहेको छ।
साताव्यापी कार्यक्रमको सबभन्दा रोचक पक्ष विभिन्न झाँकी सहितको शोभायात्रा र त्यसपछि देखाइएको साँस्कृतिक कार्यक्रम बन्यो। हङकङमा बस्ने नेपाली, खासगरी विद्यार्थी केन्द्रित कार्यक्रममा प्राकऐतिहासिक कालदेखि वर्तमान संक्रमणकालीन नेपालको साँस्कृतिक र राजनीतिक चरित्र चित्रण गरिएको थियो। विद्यार्थीहरूले नाटक, गीत, नृत्यका माध्यमबाट बुद्धको जन्मदेखि राजतन्त्रको पतनसम्मका घटनाक्रम केलाएका थिए।
पुस १० गते शुरु भएको नेपाली सप्ताह हङकङका स्कूलमा पढिरहेका नेपाली विद्यार्थीहरूबीच नेपाली भाषा, कला र संगीत सम्बन्धी प्रतियोगिता आयोजना गरी बिहीबार सकिँदै छ।
प्रतिक्रियाहरुको RSS फीड
प्रतिक्रियाहरु देखाउनुस्/लुकाउनुस्
