Thursday 13 Jestha, 2073 |
Menu

अर्थ

republica-headerdiscount-subscribe1

istl

२५ करोड लगानीमा तीनतारे होटल अमादब्लम

(0 votes)
२५ करोड लगानीमा तीनतारे होटल अमादब्लम
काठमाडौं- विनाशकारी भूकम्प र भारतको नाकाबन्दीबाट प्रत्यक्ष मारमा परेको पर्यटन क्षेत्रले विस्तारै गति लिन थालेको संकेत होटल क्षेत्रको लगानीमा देखिन थालेको छ। पछिल्लो पटक राजधानीको गौशालामा २५ करोड रुपैयाँ लगानीमा तीनतारे स्तरको 'द अमादब्लम होटल' तयार भएपछि पर्यटन क्षेत्रले विस्तारै गति लिन थालेको हो। होटल अमादब्लम आगामी सोमबार (माघ १८) बाट सञ्चालनमा आउने भएको यसका व्यवस्थापकहरूले जानकारी दिएका छन्।

nepali-patro-may
एउटा प्रेसिडेन्सियल सुइट, चार सुइट डिलक्ससहित ६२ वटा डिलक्स कोठा रहेको होटल अमादब्लममा निजी कम्पनी 'हाम्रो इन्भेस्टमेन्ट प्रालि' ले २५ करोड रुपैयाँ लगानी गरेको हो। गौशालास्थित होटल इन्द्रेणी हिमालय बन्द भएपछि हाम्रो इन्भेस्टमेन्टले सोही होटल खरिद गरेर सञ्चालनमा ल्याउन लागेको हो।

हाम्रो इन्भेस्टमेन्टको अध्यक्षमा पर्यटन व्यवसायी विजय श्रेष्ठ छन् भने होटलको अध्यक्षमा नारायण जोशी छन्। यो कम्पनीले पोखरा र चितनवमा पनि होटल सञ्चालन गरिरहको छ।

'पाहुनालाई आवश्यक सम्पूर्ण सेवा–सुविधासहित द अमादब्लम होटल माघ १८ बाट सञ्चालनमा ल्याउँदै छौं,' होटलका वरिष्ठ बजार तथा बिक्री प्रबन्धक कमल क्षेत्रीले बिहीबार नागरिकसँग भने, 'सुरुवातमा २० देखि २५ कोठामा पाहुना भरिने आशा छ र त्यसपछि विस्तारै होटलले गति लिँदै जाने छ।'

उनका अनुसार १० तला अग्लो होटलको सातौं, आठौं र नवौं तलामा ६२ कोठा रहेका छन्। पाँचौं र छैठौं तलामा ब्यांक्वेट हल छ जसमा एकै पटक १ हजार २ सयजना अटाउन सक्छन्। चौथो तलामा कफी सप, रेस्टुरेन्टलगायत छन्। होटलमा फिटनेस सेन्टर, स्पाजस्ता सुविधा पनि उपलब्ध छन्।

त्यसैगरी 'सेन्ट्रल एयर कन्डिसन सिस्टम' रहेको होटलको सुइटमा लिभिङ रुम र मास्टर बेडरुम छन्। 'प्रतिरात प्रतिकोठा चारदेखि दस हजार रुपैयाँसम्ममा बिक्री गर्छौं,' उनले भने, 'यसमा दस प्रतिशत सेवा शुल्क र तेह्र प्रतिशत मूल्य अभिवृद्धि कर (भ्याट) जोडिएको छैन।'

हाम्रो इन्भेस्टमेन्टले खरिद गर्नुअघिको होटल इन्द्रेणी हिमालय गत वैशाखमा आएको विनाशकारी भूकम्पको प्रभावपछि पर्यटक कम हुँदै गएका कारण असार २३ बाट औपचारिक रूपमा बन्द भएको थियो। त्यसपछि हाम्रो इन्भेस्टमेन्टले इन्द्रेणी खरिद गरेको थियो।

'हाम्रो स्वामित्वमा आएपछि होटललाई पूरै 'रिनोभेट' गर्यौंो,' बजार प्रबन्धक क्षेत्रीले भने, 'कोठादेखि भान्छासम्म सबैलाई नयाँ स्वरूपमा परिवर्तन गरेका छौं। नयाँ होटल, नयाँ लगानीकर्ता र नयाँ व्यवस्थापन भएपछि कर्मचारी पनि सबै नयाँ नियुक्त गरेका छौं।' तत्कालका लागि ३५ जनाजति नयाँ कर्मचारी नियुक्त गरिएको छ। अन्य कर्मचारी 'आउट सोर्सिङ' गरिने उनले बताए।

आगामी फेबु्रअरी महिनाका लागि केही कोठा बुकिङ भएको उनले जानकारी दिए।। मार्चबाट कोठा भराइ दर (अकुपेन्सी) उल्लेख्य दरमा पुग्ने उनको भनाइ छ। त्रिभुवन अन्तर्राष्ट्रिय विमानस्थलबाट नजिक रहेका कारण पर्यटक आकर्षित गर्न थप सहज हुने उनले बताए। पशुपतिनाथ मन्दिर पनि सँगै भएका कारण भारतीय पर्यटक पनि सम्भावित पाहुनाको सूचीमा रहेको उनले उल्लेख गरे।

भूकम्प र नाकाबन्दीपछि पर्यटन उद्योगले विस्तारै गति लिन थालेपछि भविष्य हेरेर होटल सञ्चालनमा ल्याउन लागिएको उनले बताए। 'सन् २०१७ बाट होटल तीव्र गतिल अगाडि बढ्ने विश्वास छ,' क्षेत्रीले भने, 'हामी विस्तारै तीनतारेबाट चारतारे स्तरमा जाने छौं।'

प्रतिक्रिया

मलेसियाबाट रेमिटेन्स आप्रवाह स्थिर

मलेसियाबाट रेमिटेन्स आप्रवाह स्थिर

मलेसिया- श्रम स्वीकृति लिएर सबभन्दा धेरै नेपाली कामदार आएको मलेसियाबाट स्वदेश जाने रेमिटेन्स पहिलोपटक स्थिर अवस्थामा पुगेको छ। पछिल्लो ४–५ वर्षयता निरन्तर नेपाल पठाउने रेमिटेन्स वृद्धि भइरहेको बेला चालु आर्थिक...

भएभरका योजनालाई राष्ट्रिय गौरव भनेर हुँदैन

भएभरका योजनालाई राष्ट्रिय गौरव भनेर हुँदैन

काठमाडौं–बजेट आर्थिक दस्तावेज मात्र नभई राजनीतिक दस्तावेज पनि हो । बजेट मुलुकका समस्या समाधान गर्नेतर्फ केन्द्रित हुनुपर्छ । यतिखेर नेपालमा रोजगारीको चरम अभाव छ । गरिबीका कारण ठूलो संख्याका युवा...

गिरान्चौर बस्तीलाई अमेरिकाबाट नुवाकोटे दिण्डुको ६ लाख

गिरान्चौर बस्तीलाई अमेरिकाबाट नुवाकोटे दिण्डुको ६ लाख

काठमाडौं– गिरान्चौर एकीकृत बस्ती निर्माणका लागि दिण्डु लामा ह्योल्मोले ६ लाख ६ हजार ६ सय ६ रुपैयाँ सहयोग गरेका छन्।  

हिमालय एयरलाइन्सले जेठ १८ देखि दोहाको सिधा उडान गर्ने (भिडियो)

हिमालय एयरलाइन्सले जेठ १८ देखि दोहाको सिधा उडान गर्ने (भिडियो)

काठमाडौं— नेपाल चीन संयुक्त लगानीको हिमालय एयरलाइन्सले १८ जेठ (३१ मे) देखि काठमाडौं—दोहा रुटमा दैनिक सिधा उडान गर्ने भएको छ। हिमालयको एयरबस ३२०—२१४ जहाज काठमाडौंबाट राति ११ बजे उड्नेछ भने...

अवरोध पश्चात बैंकहरुको कर्जामा वृद्धि

अवरोध पश्चात बैंकहरुको कर्जामा वृद्धि

२९ वटै वाणिज्य बैंकहरुले चालु आवको तेस्रो त्रैमास (चैत मसान्तसम्म)को वित्तीय विवरण सार्वजनिक गरिसकेका छन्। एक दुई अपावादलाई छाड्ने हो भने सबै वाणिज्य बैंकले विनाशकारी भूकम्पलगत्तै लामो तराई–मधेस आन्दोलन र...

विदेशी कब्जामा बिजुली-नदी

काठमाडौं- अधिंकाश ठूला जलविद्युत आयोजना निर्माण जिम्मा लिएका विदेशी कम्पनीले दशकौंदेखि नदी तथा खोला कब्जामा राखेका छन्। बिजुली उत्पादन नहुँदा नेपाली भने दैनिक १५ घन्टासम्म लोडसेडिङ झेल्दै अँध्यारोमा बाँच्न बाध्य...

पर्यटन प्रवर्द्धन गर्न 'मिसन कोरला–२०१६'

पर्यटन प्रवर्द्धन गर्न 'मिसन कोरला–२०१६'

पोखरा– नेपाल पर्यटन बोर्डको सहयोग एवम् पोखरा पर्यटन परिषद्को संयोजनमा पर्यटन प्रवर्द्धन गर्ने उद्देश्यका साथ पोखरादेखि नेपाल चीनबीचको नाका कोरलासम्मको ५ दिवशीय अवलोकन भ्रमण गरिने भएको छ।  

प्राथमिकता निर्धारण गरी कार्यक्रम ल्याऊ : निजी क्षेत्र

प्राथमिकता निर्धारण गरी कार्यक्रम ल्याऊ : निजी क्षेत्र

वीरगन्ज- पछिल्लो पटक ६ महिने मधेस आन्दोलन र साढे चार महिना चलेको सिमानाका बन्दको प्रत्यक्ष मार खपेको मुलुककै प्रमुख औद्योगिक तथा व्यापारिक नगर वीरगन्जका निजी क्षेत्रका अगुवासँग नेपाल रिपब्लिक मिडियाले...