Wednesday 19 Jestha, 2073 |
Menu

अर्थ

republica-headerdiscount-subscribe1

istl

पूर्वका शहरमा मोटरसाइकल चोरी गर्ने गिरोह सक्रिय

(0 votes)
इटहरी–डेढ साताअघि इटहरी–८ का सानु सुब्बाको घरको प्यासेजमा राखेको को १५ प ४६८ नम्बरको स्कुटी चोरी भयो। दुई दिनपछि प्रहरीले इटहरी–८ कै रोशन झालाई स्कुटीसहित पक्राउ ग¥र्यो। अहिले प्रहरीले उनलाई चोरीमा मुद्दा दर्ता गरेर कारबाही प्रक्रिया अगाडि बढाएको छ।
nepali-patro-may
एक साताअघि नै पेशेवर मोटरसाइकल चोरी गर्ने र बिक्री गर्न सहयोग गर्ने आठ जनालाई उर्लाबारी प्रहरीले पक्राउ गरि मुद्दा दर्ता गरेको छ। पूर्वका सुनसरी, मोरङ र झापाका मुख्य बजार क्षेत्रमा पार्किङ गरिरहेका मोटरसाइकल चोरी गर्ने र पूर्वी पहाडी जिल्लामा लगेर बिक्री गर्न सहयोग गर्ने उर्लावारी–१ मा बस्ने राजकुमार राई, शुम्भु राई, वडा नं. ३ का सुजित राई, मधुमल्ला वडा नं. ५ का शुक्र लिम्बु, मधुमल्ला–७ का योगेन्द्र विक, रोशन कार्की डोली, इलाम चुलाचुली–१ का कुमार लावुङ र सोही ठाउँका अटल नेम्वाङलाई पक्राउ मुद्दा दर्ता गरिएको हो।

पूर्वका मुख्य बजार क्षेत्रमा पार्किङ गरिराखेको मोटरसाइकल चोरी गर्ने गिरोह सक्रिय भएको बेला केही दिनअघि इनरुवाबाट मोटरसाइकल चोरी गरी बिक्री गर्न ग्यारेज पु¥याउँदा इनरुवाकै विशाल बस्नेत पक्राउ परे। उनी अहिले ७० हजार रुपैयाँ धरौटी बुझाएर छुटसकेका छन्। प्रहरीको अनुसन्धान अनुसार बस्नेत लागुऔषध प्रयोगकर्ता हुन्।

पछिल्लो समय पूर्वका मुख्य बजारहरुमा पार्किङ गरिराखेका मोटरसाइकल चोरी हुने क्रम बढ्दो छ। पुस महिनामा इटहरीबाट मात्र चारवटा मोटरसाइकल चोरी भएको छ। मोटरसाइकल चोरी नियन्त्रण गर्न इटहरी प्रहरी कार्यालयमा शनिबार आकस्मिक बैठक समेत बसेको डिएसपी ओम अधिकारीले बताए। उनका अनुसार मोटरसाइकल चोरी नियन्त्रण गर्न एउटा विशेष टोली नै परिचालन गरिएको छ।

अब इटहरीमा मोटरसाइकल राखिएका स्थान निगरानी गर्न सादा पोशाकमा प्रहरी टोली नै खटाउन थालिएको छ। इनरुवाबाट पुस महिनामै दुईवटा मोटरसाइकल चोरी भएकोमा प्रहरीले तत्काल सूचना पाएर चोर पक्राउ गर्न सफल भएको जिल्ला प्रहरी कार्यालयका डिएसपी चिरञ्जिवी कोइरालाले बताए। मोटरसाइकल चोरी गर्ने गिरोहले आसपासका ग्यारेजमा लगेर सस्तो मूल्यमा बिक्री गर्ने वा मोटरसाइकलको स्वरुप परितवर्तन गरी चलाउने गरेको पाइएको छ। केहीले भने पूर्वका पहाडी जिल्लामा लगेर बिक्री गर्ने गरेको पाइएको छ।

चोरीका मोटरसाइकल प्रयोग गर्ने व्यक्तिले नयाँ नम्बर पिलेट लेखी यातायात व्यवस्था कार्यालयको नक्कली कागजात बनाएर चलाउने गरेको समेत पाइएको पूर्व क्षेत्रीय ट्राफिक प्रहरी कार्यालय इटहरीले जनाएको छ। ट्राफिक प्रहरी कार्यालयका अनुसार सुनसरी, मोरङ, झापा, सिराह र सप्तरीका बजारबाट बढी मोटरसाइकल चोरी हुने गरेका छन्।

शहरमा चोरी गरिएका मोटरसाइकल ग्रामीण क्षेत्रमा अत्याधिक हुने गरेको पाइएको छ। पछिल्लो समय तराई–मधेसमा मधेसी मोर्चाले गरेको आन्दोलन र प्रहरीको कमजोर उपस्थितीको फाइदा उठाएर ग्रामीण क्षेत्रमा चोरीका मोटरसाइकल बढी प्रयोग हुने गरेको पाइएको छ।

प्रतिक्रिया

पेट्रोलिय पदार्थको मूल्य घटबढ हुने

पेट्रोलिय पदार्थको मूल्य घटबढ हुने

काठमाडौं— अर्थमन्त्री विष्णु पौडेलले बजेट भाषणमा उपभोक्तालाई मार नपर्ने गरी पेट्रोलियम पदार्थमा प्रतिलिटर थप ५ रुपैयाँ थप कर लगाउने घोषणा गरेर उपभोक्तालाई झुक्याएका छन्। मन्त्रीले भार नपर्ने बताए पनि निगमले...

क्यासिनो नियमावली संशोधन रोक्न माग

क्यासिनो नियमावली संशोधन रोक्न माग

काठमाडौं–विदेशी लगानीमा राजधानीको लाजिम्पाटमा सञ्चालित क्यासिनो मिल्लेनायर्स क्लबले विश्व व्यापार संगठनमा व्यक्त प्रतिबद्धताविपरीत 'क्यासिनो नियमावली २०७०' संशोधन गर्न भइरहेको गृहकार्य रोक्न सरकारसँग माग गरेको छ ।

द्विविधामा राष्ट्र बैंक : महँगी नियन्त्रण कि आर्थिक वृद्धि?

द्विविधामा राष्ट्र बैंक : महँगी नियन्त्रण कि आर्थिक वृद्धि?

काठमाडौं— सरकारले वितरणमुखी बजेट घोषणासँगै आर्थिक वृद्धिदर ६.५ प्रतिशत पु¥याउने तर मूल्यवृद्धि ७.५ प्रतिशत कायम राख्ने लक्ष्य लिएपछि नेपाल राष्ट्र बैंकलाई मौद्रिक नीति तय गर्नै समस्या परेको छ। नीतिमा महँगी नियन्त्रणलाई...

बजेटप्रति कर्णालीबासीको आक्रोश

बजेटप्रति कर्णालीबासीको आक्रोश

जुम्ला- तत्कालीन प्रधानमन्त्री बाबुराम भट्टराईको सरकारले कर्णालीको विकासलाई प्रभावकारी रुपमा अघि बढाउने नाममा कर्णाली विकास आयोग गठन गर्योन। त्यसपछि बनेका सरकारले आयोगलाई अपहरण गरी एउटा शाखामा खुम्च्यायो। जसको नेतृत्व राष्ट्रिय...

महँगी निम्त्याउने वितरणमुखी बजेट

महँगी निम्त्याउने वितरणमुखी बजेट

काठमाडौं- अर्थमन्त्री विष्णु पौडेलले शनिबार संसदमा १० खर्ब ४८ अर्बको बजेट पेस गरेका छन्। पूर्वाधार विकासलाई उच्च प्राथमिकता दिइएको, सामाजिक क्षेत्रमा दिल खोलेर राज्यकोष वितरण गरेको र विकासका नाममा जताततै...

किसानलाई अनुदानै–अनुदान

किसानलाई अनुदानै–अनुदान

काठमाडौं–विगतमा सरकार र वैदेशिक सहयोगमा सञ्चालित कृषि परियोजनाको अनुदान कार्यक्रमले परिणाम दिन नसकेको गुनासो आइरहे पनि सरकारले कृषि क्षेत्रको उत्पादन र उत्पादकत्व बढाउन किसानलाई अनुदानै–अनुदानका कार्यक्रम ल्याएको छ । विगतका...

फास्टट्रयाक बनाउन १० अर्व विनियाेजन

फास्टट्रयाक बनाउन १० अर्व विनियाेजन

काठमाडौं-सरकारले काठमाडौं-तराई-मधेस फास्ट ट्रयाकको लागि १० अर्ब बजेट विनियोजन गरेको छ। यो अघिल्लो वर्षको बजेटभन्दा ९ अर्बले बढी हो । अघिल्लो वर्ष सरकारले एक अर्ब बजेट विनियोजन गरेको थियो। सरकारले...

तरकारी फलाउँदै पूर्वसभासद

तरकारी फलाउँदै पूर्वसभासद

नेपालगन्ज- पहिलो संविधानसभा संविधान नबनाइ विघटन भएपछि पट्टु थारु निराश भएर राजधानी काठमाडौंबाट घर फर्किए। उनी पहिलो संविधानसभा सदस्य थिए। संविधान सभा विघटन भएपछि उनको रोजाइ बन्यो कृषि। बाँके, बैजापुर–१, नवलपुरका...