Friday 29 Magh, 2072 |
Menu

अर्थ

istl

पेट्रोल पम्पबाट नै इन्धनको कालोबजारी

(0 votes)
परासी-इन्धनको अभावको कारण देखाउँदै नवलपरासीमा स्वयम् पेट्रोल पम्पहरुले नै व्यापक मात्रामा पेट्रोलियम पदार्थको कालोबजारी गर्दै आएका छन्।
nepalipatro-nagarik
भारतीय बजारबाट अवैध रुपमा भित्र्याइएको पेट्रोल वा डिजेललाई पम्प सञ्चालकहरुले स्वयम् पम्पमा राखी पम्पबाटै चर्को मूल्यमा पेट्रोल र डिजेलको बिक्री वितरण गरी कालोबजारी गर्दै आएका हुन्। विशेष गरी नवलपरासीको दक्षिणी क्षेत्रका अधिकांश पेट्रोल पम्पले पेट्रोलियम पदार्थको कालोबजारी गरेका छन् । पम्पबाट सोझै पेट्रोल वा डिजेलको खुलेआम कालोबजारी हुँदासमेत प्रहरी प्रशासन मौन छ ।

देशभरि नै पेट्रोलियम पदार्थको हाहाकारसँगै जिल्लाको दक्षिणी क्षेत्रको गोपीगन्ज, सेमरीलगायतका अधिकांश दक्षिण क्षेत्रका पेट्रोल पम्पले चरम मात्रामा पेट्रोलियम पदार्थको कालोबजारी गर्दै आएका हुन्। अझ यस्तो पेट्रोल वा डिजेलको कालोबजारी गर्ने कार्यमा पेट्रोलियम पदार्थ बोक्ने निजी ट्याङ्करसमेत प्रयोग गरिएको छ। यसरी पेट्रोलपम्पले प्रतिलिटर पेट्रोल रु ३०० र डिजेल रु २०० मा कालोबजारीमार्फत बाहिर जिल्लामा पठाउने गरेका छन् ।

पेट्रोल वा डिजेललाई खुलेआम पम्पबाटै प्रहरीको अगाडि पेट्रोलियम पदार्थको कालोबजारी गरी पेट्रोलियम पदार्थलाई महँगो मूल्यमा काठमाडौँ, चितवन, पोखरा, बुटवललगायतका क्षेत्रमा पठाउने गरेका हुन्।

यसबारे पश्चिमाञ्चल डिलर एसोसिएसनका अध्यक्ष प्रेमनारायण पङ्गेनीले जिल्लाको ग्रामीण क्षेत्रका अधिकांश पेट्रोल पम्पले खुलेआम पम्पबाटै पेट्रोलियम पदार्थको कालोबजारी गरेको स्वीकार गरेका छन्। उनले भने-"प्रहरी प्रशासन यसबारे मौन बसेपछि केही पेट्रोल पम्पले कालोबजारी गर्दै आएका छन् ।" अहिले दैनिक करिब १० हजार लिटर पेट्रोलियम पदार्थ भारतीय बजारबाट ल्याएर नवलपरासी हुँदै जिल्लाभित्र र बाहिर पठाउने काम हुँदै आए पनि प्रहरी प्रशासन पूर्ण रुपमा मुकदर्शक बनेको छ । रासस

प्रतिक्रिया

पेट्रोलियम पदार्थको हाहाकार  कायमै

पेट्रोलियम पदार्थको हाहाकार कायमै

झापा–भारतीय बजारबाट सहजै इन्धन भित्रिरहे पनि झापामा पेट्रोलियम पदार्थको हाहाकार यथावतै छ। यातायात व्यवसायीले आयल निगम र पेट्रोलियम व्यवसायीले नियतवश कृत्रिम अभाव देखाएर तस्करी धन्दालाई प्रोत्साहित गरेको आरोप लगाएका छन्।

भ्यालेन्टाइन डेमा ठमेल रातभर खोल्ने तयारी

भ्यालेन्टाइन डेमा ठमेल रातभर खोल्ने तयारी

काठमाडौं– प्रत्येक वर्षको फेब्रुअरी १४ तारिकमा विश्वभर मनाउने गरिएको भ्यालेन्टाइन डे(प्रणय दिवस)का दिन यस वर्ष काठमाडौंको मुख्य पर्यटकीय क्षेत्र ठमेल रातभर खोल्ने तयारी भइरहेको छ।

एउटा इन्जिन मर्मतमा ५० करोड खर्चंदै निगम

एउटा इन्जिन मर्मतमा ५० करोड खर्चंदै निगम

काठमाडौं- राष्ट्रिय ध्वजावाहक नेपाल वायुसेवा निगमले अन्तर्राष्ट्रिय उडान गरिरहेको आफ्नो बोइङ जहाजको एक थान इन्जिन पूर्णमर्मत (ओभरहल) गर्न करिब ५० करोड रुपैयाँ खर्च गर्ने भएको छ।

लोडसेडिङ कम गर्न फागुन ४ देखि ८० मेगावाट विद्युत् आयात गरिने

लोडसेडिङ कम गर्न फागुन ४ देखि ८० मेगावाट विद्युत् आयात गरिने

काठमाडौं– ढल्केबर–मुजफ्फरपुर ४०० केभी अन्तरदेशीय प्रसारण लाइनमार्फत नेपाल विद्युत् प्राधिकरणले फागुन ४ गतेदेखि ८० मेगावाट विद्युत् आयात गर्ने तयारी गरेको जनाएको छ।

रक्सौलबाट ९५ ट्यांकर इन्धन

वीरगन्ज–संयुक्त लोकतान्त्रिक मधेसी मोर्चाले सीमा नाकामा जारी राखेको अवरोध हटेसँगै रक्सौलस्थित इन्डियन आयल कर्पोरेसनको डिपोबाट वीरगन्ज नाका भएर इन्धन भित्रिने अनुपात बढ्दो क्रममा छ। वीरगन्ज नाकाबाट मंगलबार ९५ ट्यांकर भित्रिएका...

पेट्रोल पाँच दिनमै सहज, ग्यास सहज हुन डेढ महिना कर्नुपर्ने

पेट्रोल पाँच दिनमै सहज, ग्यास सहज हुन डेढ महिना कर्नुपर्ने

काठमाडौं– नेपाल आयल निगमले मट्टितेल, डिजेल, पेट्रोलजस्ता पेट्रोलियम पदार्थ अबको ५ दिनभित्रमा सबै पम्पहरुबाट वितरण गर्ने व्यवस्था मिलाउने भएको छ। आन्दोलनरत मधेसी मोर्चाले औपचारिक रुपमै बन्दहड्तालका कार्यक्रम फिर्ता लिइसकेको, इन्डियन...

सुन एक वर्षयताकै महँगो, प्रतितोला रु. ५४ हजार

सुन एक वर्षयताकै महँगो, प्रतितोला रु. ५४ हजार

काठमाडौं– सुनको भाउ करिब १२ महिनाकै उच्च भई प्रतितोला रु. ५४ हजार पुगेको छ। २०७१ साल माघ १९ गते प्रतितोला ५४ हजार पुगेको सुनको मूल्यले त्यसयता पुनः यो बिन्दुलाई छोएको...

बहाना बनाउँदै ठूला आयोजना

बहाना बनाउँदै ठूला आयोजना

नेपालगन्ज- राष्ट्रिय गौरवको बहुप्रतिक्षित सिक्टा सिँचाइ आयोजनामा चालु आर्थिक वर्ष ०७२/७३ को साउन महिनायता कामको प्रगति शून्य छ। चालू वर्षको ६ महिना बितिसक्दा पनि आयोजनाले लक्ष्यअनुरूप काम अगाडि बढाउन सकेको...