Tuesday 18 Jestha, 2073 |
Menu

अर्थ

republica-headerdiscount-subscribe1

istl

मुन्ना बिबी एमबीबीएस र राजेश हमालको उठबस

(32 votes)
मुन्ना बिबी एमबीबीएस र राजेश हमालको उठबस

नामः आफूलाई डा. सुहाना, अदिति, सृष्टि केसी बताउने भगवती केसी
उमेरः अन्दाजी २३ वर्ष
ठेगानाः गुल्मी, हस्तिचौर– ९ (हालः काठमाडौँ, पोखरालगायत स्थानमा बस्दै आएको)
सम्पर्क नम्बरः ९८६०७०७५६५, ९८०३१९६३६२, ९८१३६८४८१४, ९८१३६८४८२०, ९८०३६४२६०६, ९८६७२८४३५५, ९८२५१६२४१८, ९८१४११५२९६, ९८१३०५८८७१।

अपराध आरोप- चिकित्सक हुँ भन्दै विभिन्न अस्पतालका चिकित्सकलाई नै ठगेको। बिहेको बहानामा कैयौँ धनाढ्य युवकहरूलाई फसाएको। बेहोस बनाएर धनमालसमेत लुटेको। डीआईजीकी छोरी हुँ भनेर होटल तथा स्टोरका सञ्चालकहरूलाई धम्काएर, ढाँटेर ठगेको। नक्कली चिकित्सक बनेर पोखराका अस्पतालहरूमा बिरामी जाँचेको।


nepali-patro-may
अनेकथरी परिचयमा थरी–थरी ठगी धन्दा चलाउँदै आएकी यी युवती अहिले प्रहरी खोरमा छिन्। आफूलाई कहिले डाक्टर त कहिले डीआईजीकी छोरी भनेर चिनाउने उनी एक युवकलाई भगाएर दिल्ली पुर्याेएको अवस्थामा पक्राउ परेकी हुन्। भारतीय प्रहरीसँगको समन्वयमा दिल्लीबाट काठमाडौँ झिकाइएकी उनलाई महानगरीय प्रहरी अपराध महाशाखाले अनुसन्धान गरिरहेको छ।

यस्तो छ ठगी शृंखला
अपराध महाशाखा प्रमुख एसएसपी सर्वेन्द्र खनालका अनुसार गत वैशाखसम्म पोखरालाई आधार बनाएर ठगी धन्दा चलाउँदै आएकी उनले त्यहाँका चिकित्सक, कलाकार, ठूला व्यापारी र सम्पन्न परिवारका युवकहरूलाई 'मुर्गा' बनाउँदै आएकी थिइन्। फेसबुक र भाइबरबाट केटा पट्याउँदै आएकी उनी पोखराका स्थानीय मिडियामा उनको ठगी धन्दाबारे खबर सार्वजनिक भएपछि राजधानी पसेकी थिइन्। प्रहरीका अनुसार पोखराको गण्डकी, मणिपाल र फेवा अस्पतालका केही चिकित्सक उनीबाट ठगिए।

भगवती राजधानी पसेलगत्तै उनको ठगी जालमा परिहाले, यहाँका चिकित्सक, व्यापारी र धनाढ्य युवकहरू। बिहे, प्रेम र रोमान्सको नाटक रचेर उनले कैयौँलाई ठगिन्। केही युवकलाई त बेहोस हुने औषधी खुवाएरसमेत धनमाल लुट्ने गरेको प्रहरी अनुसन्धानमा खुलेको छ।

यसरी सुरु भयो प्रहरी पिछा
उनी राजधानीको ठमेलस्थित पान्डा होटलमा लामो समयदेखि बस्दै आएकी थिइन्। होटल सञ्चालकले पैसा मागेपछि उनले आफ्नो बुबा भन्दै एउटा पाको व्यक्तिसँग होटल सञ्चालकको भाइबर कुराकानी गराउँथिन्। जो व्यक्तिले आफू सशस्त्र प्रहरीको डीआईजी सनत केसी भएको बताउँदै आफ्नी छोरीको पैसा 'म पठाइदिन्छु, छोरीलाई दुःख नदिनू' भन्थे। काठमाडौँमा पनि आफ्नो ठगी धन्दाबारे अरूले सुइँको पाएको पत्तो लागेपछि उनले काठमाडौँबाट फरार हुने योजना बनाइन्। यसैक्रममा १२ कक्षा पढ्ने होटल सञ्चालकको छोरालाई प्रेमका नाममा आफ्नो जालमा फसाइहालिन् उनले। एक्कासि ती युवती फरार भइन् होटलबाट। होटल सञ्चालकका छोरासमेत बेपत्ता भए। होटल साहूजीले छोरा खोजी पाउँ भन्दै प्रहरीमा उजुरी दिए। उजुरीकै आधारमा महिलाको पृष्ठभूमि नियाल्दै जाँदा धेरैलाई ठगेको पाइएपछि प्रहरी उनको ठगी धन्दा खोतल्न लाग्यो। युवकलाई दिल्ली पुर्याएको अवस्थामा ती युवती त्यहीँ पक्राउ परिन्।

ठग्ने युवती पक्राउ परेको खबर सार्वजनिक भएपछि त्रिवि शिक्षण अस्पतालका डाक्टरसमेत गरी आठजनाले उजुरी दर्ता गरिसकेको एसएसपी खनालले बताए। ५० भन्दा बढी व्यक्ति उनीबाट ठगिएको प्रहरी आँकलन छ। उनी नौवटा सिमकार्ड प्रयोग गर्थिन्। केही युवकको मोटरसाइकलसमेत चोर्न पछि पर्थिनन् उनी।

अनुसन्धानका क्रममा 'डाक्टर हुँ' भन्दै वैवाहिक सम्वन्ध राख्न खोज्दा एक चिकित्सकसँग भएको विवादका कारण भगवती गत वर्षको असोज २६ गते सातदोबाटो प्रहरी हिरासतमा एक रात बसेको समेत खुलेको छ।

राजेश हमालसँग उठबस
ठगीको महाजाल बिछ्याउँदै राजधानी पसेकी भगवतीको अभिनेता राजेश हमालसँग समेत बाक्लै उठबस देखिएको अनुसन्धानमा खटेका प्रहरीले जनाएका छन्। उनले फेसबुकमा राजेश हमालसँग खिचेका ताल–तालका फोटा पोस्ट गरेकी छिन्। हमाललाई पनि उनले ठगेको हुनसक्ने आकलनसाथ प्रहरीले यसबारे पनि अनुसन्धान अघि बढाएको छ। 'अनुसन्धान गर्दै जाँदा उनी त ठूलै नटवरलाल पो देखिइन् त,' एसएसपी खनालले भने, 'उनको ठग्ने धन्दा थाहा पाउनेहरू उनलाई 'मुन्ना बिबी एमबीबीएस' भन्दा रहेछन्। उनलाई ठगीलगायत मुद्दामा हदैसम्मको कारबाहीका लागि अनुसन्धान भइरहेको छ। उजुरी पर्ने क्रम जारी छ। ठगिनेहरू कति छन् भन्ने नै यकिन गर्न सकिएको छैन। केही उच्च पदस्थ व्यक्तिहरूसमेत उनीबाट ठगिएको हुन सक्ने देखिएको छ।' अनुहार, जीउडाल र लवाइखवाइ देखेर धेरैले उनका गफमा सीधै विश्वास गर्ने गरेको प्रहरीको बुझाइ छ।

एक सहकारी संस्थामा काम गर्ने क्रममा भगवतीको एक युवकसँग प्रेम सम्बन्ध झाँगिएको थियो। प्रेमीले धोका दिएपछि त्यो केटोलाई देखाउनैका लागि उनमा बदला भाव आएको र विरक्तिएर ठगी गर्दै हिँडेको अनुसन्धानमा खुलेको छ। उनले हातमा 'आई लभ यू शक्ति' लेखेर ट्याटू खोपेकी छिन्। गत वैशाखमा भूकम्प गएका बेला उनी काठमाडौँको गोंगबु क्षेत्रका एक दर्जनभन्दा बढी होटलमा बसेर पैसासमेत नतिरी भागेको त्यस क्षेत्रका होटल सञ्चालकहरूले बताएको एसएसपी खनालले जानकारी दिए। उनको ठग्ने प्रपञ्च नै फरक थियो। एउटा पनि प्रमाण फेला नपर्नेगरी काम गर्ने उनको बानी रहेको प्रहरीले जनाएको छ। उनका चारवटा 'फेक फेसबुक आईडी' थिए। उनले नक्कली डाक्टर बनेर पोखराको फेवा अस्पतालमा काम गरेको पनि भेटिएको छ।

दिल्ली पुग्नासाथ पान्डा होटल मालिकका छोरालाई बन्धक बनाएर उनले नेपालमा रहेका उनको परिवारसँग मोटो रकम माग गरेको प्रहरीले जनाएको छ। युवकका बाबुले छोरो हराएको जानकारी प्रहरीसमक्ष गराएपछि खोजी गर्ने क्रममा प्रहरीले उनको फेसबुक एकाउन्ट पहिचान गरेको थियो। त्यही फेसबुक एकाउन्ट ट्र्याक गरेको भरमा उनलाई पक्राउ गर्न प्रहरी सफल भएको खनालले बताए।

Leave a comment

क्यासिनो नियमावली संशोधन रोक्न माग

क्यासिनो नियमावली संशोधन रोक्न माग

काठमाडौं–विदेशी लगानीमा राजधानीको लाजिम्पाटमा सञ्चालित क्यासिनो मिल्लेनायर्स क्लबले विश्व व्यापार संगठनमा व्यक्त प्रतिबद्धताविपरीत 'क्यासिनो नियमावली २०७०' संशोधन गर्न भइरहेको गृहकार्य रोक्न सरकारसँग माग गरेको छ ।

द्विविधामा राष्ट्र बैंक : महँगी नियन्त्रण कि आर्थिक वृद्धि?

द्विविधामा राष्ट्र बैंक : महँगी नियन्त्रण कि आर्थिक वृद्धि?

काठमाडौं— सरकारले वितरणमुखी बजेट घोषणासँगै आर्थिक वृद्धिदर ६.५ प्रतिशत पु¥याउने तर मूल्यवृद्धि ७.५ प्रतिशत कायम राख्ने लक्ष्य लिएपछि नेपाल राष्ट्र बैंकलाई मौद्रिक नीति तय गर्नै समस्या परेको छ। नीतिमा महँगी नियन्त्रणलाई...

बजेटप्रति कर्णालीबासीको आक्रोश

बजेटप्रति कर्णालीबासीको आक्रोश

जुम्ला- तत्कालीन प्रधानमन्त्री बाबुराम भट्टराईको सरकारले कर्णालीको विकासलाई प्रभावकारी रुपमा अघि बढाउने नाममा कर्णाली विकास आयोग गठन गर्योन। त्यसपछि बनेका सरकारले आयोगलाई अपहरण गरी एउटा शाखामा खुम्च्यायो। जसको नेतृत्व राष्ट्रिय...

महँगी निम्त्याउने वितरणमुखी बजेट

महँगी निम्त्याउने वितरणमुखी बजेट

काठमाडौं- अर्थमन्त्री विष्णु पौडेलले शनिबार संसदमा १० खर्ब ४८ अर्बको बजेट पेस गरेका छन्। पूर्वाधार विकासलाई उच्च प्राथमिकता दिइएको, सामाजिक क्षेत्रमा दिल खोलेर राज्यकोष वितरण गरेको र विकासका नाममा जताततै...

किसानलाई अनुदानै–अनुदान

किसानलाई अनुदानै–अनुदान

काठमाडौं–विगतमा सरकार र वैदेशिक सहयोगमा सञ्चालित कृषि परियोजनाको अनुदान कार्यक्रमले परिणाम दिन नसकेको गुनासो आइरहे पनि सरकारले कृषि क्षेत्रको उत्पादन र उत्पादकत्व बढाउन किसानलाई अनुदानै–अनुदानका कार्यक्रम ल्याएको छ । विगतका...

फास्टट्रयाक बनाउन १० अर्व विनियाेजन

फास्टट्रयाक बनाउन १० अर्व विनियाेजन

काठमाडौं-सरकारले काठमाडौं-तराई-मधेस फास्ट ट्रयाकको लागि १० अर्ब बजेट विनियोजन गरेको छ। यो अघिल्लो वर्षको बजेटभन्दा ९ अर्बले बढी हो । अघिल्लो वर्ष सरकारले एक अर्ब बजेट विनियोजन गरेको थियो। सरकारले...

तरकारी फलाउँदै पूर्वसभासद

तरकारी फलाउँदै पूर्वसभासद

नेपालगन्ज- पहिलो संविधानसभा संविधान नबनाइ विघटन भएपछि पट्टु थारु निराश भएर राजधानी काठमाडौंबाट घर फर्किए। उनी पहिलो संविधानसभा सदस्य थिए। संविधान सभा विघटन भएपछि उनको रोजाइ बन्यो कृषि। बाँके, बैजापुर–१, नवलपुरका...

संस्थानको नाफा बढे पनि सरकारको लाभांश घट्दो

संस्थानको नाफा बढे पनि सरकारको लाभांश घट्दो

काठमाडौं- सार्वजनिक संस्थानको नाफा बढे पनि सरकारले ती संस्थानमा सेयर लगानी गरेबापत पाउने प्रतिफल भने घटेको छ। गत आर्थिक वर्षमा सार्वजनिक संस्थानले खुद नाफा ३३ अर्ब ९२ करोड कमाए पनि लगानी...