Thursday 13 Jestha, 2073 |
Menu

अर्थ

republica-headerdiscount-subscribe1

istl

बंगलादेशलाई जित्दै सेमिफाइनल पुग्ने लक्ष्य

(0 votes)
काठमाडौं- बंगबन्धु गोल्डकप फुटबलमा कम्तीमा सेमिफाइनलसम्म पुग्ने लक्ष्यसाथ नेपाली टोली बंगलादेश यात्रामा निस्केको थियो । पहिलो खेलमा मलेसियन सुपर लिगको पाँचौं क्लब फेल्डा युनाइटेडसँग गोलरहित बराबरीमा रोकिएपछि साफ च्याम्पिनसिपमा जस्तै नेपाल समूह चरणबाटै बाहिरिने खतरामा थियो। तर, दुई साताअघि सम्पन्न साफ च्याम्पियनसिपको बदला लिने गरी मंगलबार श्रीलंकालाई १–० ले हराएपछि नेपालको अन्तिम चारमा पुग्ने सम्भावना बढेको छ। साफमा नेपाल पहिलो खेलमा श्रीलंकासँग १–० ले पराजित भएको थियो।

nepali-patro-may

यता बंगबन्धुको नकआउट पुग्ने सम्भावनाबीच नेपालले आज शुक्रबार समूह चरणको अन्तिम खेलमा घरेलु टोली बंगलादेशको सामना गर्दैछ। बंगलादेश त्यही टोली हो, जसले साफ च्याम्पियनसिपअघि मैत्रीपूर्ण खेलमा नेपाललाई १–० ले हराएको थियो। नेपालले शुक्रबार घरेलु टोलीसँग सामना गर्दा एकै खेलमार्फत दोहोरो खुसी आत्मसात गर्ने मौका पाउनेछ। बंगलादेशलाई हराउन सके टोलीको सेमिफाइनल यात्रा निश्चित हुनेछ भने अघिल्लो महिना मैत्री खेलमा भोगेको पराजयको बदला पूरा हुनेछ।

नेपाली टोलीका प्रशिक्षक बालगोपाल महर्जनको भनाइ मान्ने हो भने अर्को खेलको नतिजापछि हेरेर रणनीति बनाउने अवसर छ। तर, बंगलादेशलाई हराएर सेमिफाइनल पुग्न चाहेको महर्जन बताउँछन्। नेपाल खेल्नुअघि श्रीलंका र फेल्डाबीच भिडन्त हुनेछ। सेमिफाइनल दौडबाट बाहिरिसकेकाले श्रीलंकाले फेल्डालाई हराउन सके नेपाल र बंगलादेश एकअर्कासँग खेल्नुअघि नै सेमिफाइनल पुग्नेछन्। त्यस्तो अवस्थामा उक्तले समूह विजेता छान्नेछ। फेल्डा जित्दाको अवस्थामा भने सेमिफाइनल पुग्ने टोलीको निर्णय नेपाल र बंगलादेशको खेलपछि मात्र हुनेछ।

टोलीको लय र बंगलादेश चिरपरिचित टोली भएकाले जित निकाल्न सकिनेमा प्रशिक्षक महर्जन आशावादी छन्। 'साफ च्याम्पिनसिपको तयारीमा हामी हारेका थियौं। तर, बंगलादेश मात्र होइन बंगबन्धुमा सहभागी टोलीमा खासै ठूलो अन्तर छैन,' महर्जनले भने, 'त्यसैले जसले जसलाई पनि हराउन सक्छ। हामी पनि बंगलादेशलाई हराउन सक्छौं। दबाब छ तर, ५०/५० को खेल हुनेछ।'

उनले श्रीलंका र फेल्डासँगको खेलको नतिजाले पनि अर्थ राख्ने भएकाले त्यहीअनुसार रणनीति बनाइने जनाए। 'रणनीति परिस्थितिअनुसार बन्ने हो। हामी बंगलादेशसँग खेल्नुअघि सेमिफाइनल पुग्ने सम्भावना पनि छ,' उनले थपे, 'तर, परिस्थिति जे भए पनि हामी जितका लागि खेल्नेछौं।'

महर्जनले जगजित श्रेष्ठबाहेक कुनै खेलाडीलाई समस्या नभएकाले श्रीलंकाविरुद्धकै टोली उत्रने सम्भावना रहेको बताए। उनले भने, 'जगजित सामान्य चोटग्रस्त छन्। बाँकी सबै फिट छन्। श्रीलंकाविरुद्धकै टोली खेल्न सक्छ।'

फुटबलमा नेपाल र बंगलादेशलाई एकअर्काको भूमि फापेको इतिहास छ। नेपालले पछिल्लोपल्ट अन्तर्राष्ट्रिय स्वर्ण पदक बंगलादेशमा जितेको थियो भने आठौं साफको स्वर्ण पदक जित्न बंगलादेश काठमाडौं आएको थियो।

सन् १९९३ मा तेस्रो दक्षिण एसियाली खेलकुद (साफ) को स्वर्ण नेपालले बंगलादेशमै जितेको हो। फुटबलमा नेपालले जितेको पछिल्लो उपाधि त्यही हो। बंगलादेशलाई त्यसको ६ वर्षपछि नेपाली भूमि फापेको थियो। १९९९ मा नेपालमा भएको आठौं साफको फाइनलमा नेपाललाई हराएर बंगलादेशले उपाधि जितेको थियो। तथापि अहिलेसम्मको १७ भेटमा बंगलादेश हाबी छ। नेपालले ५ खेलमात्र जितेको छ भने १ खेल बराबरीमा टुंगिएको थियो। बाँकी ११ खेलमा बंगलादेश विजयी भएको थियो।

.........................

राष्ट्रिय टोलीको प्रशिक्षकका रूपमा 'डेब्यू' खेलमै श्रीलंकाविरुद्ध जित निकाल्न सकेको क्षण स्मरणीय रहेको महर्जनले बताएका छन्। 'फुटबलमा बंगलादेशसँग मेरो अलि भावनात्मक सम्बन्ध छ। खेलाडीका रुपमा छैटौं साफ बंगलादेशमै जित्यौं। मैले तीन बर्ष व्यवसायिक खेल जीवन यहि बिताए,' नागरिकसँग टेलिफोनमा महर्जनले भने,'अहिले राष्ट्रिय टोलीको प्रशिक्षकका रुपमा डेब्यू खेलमै जित हासिल गर्दा प्रशिक्षण जीवनमा पनि यो मेरो लागि अविस्मरणीय क्षण हो।' यसै बर्ष भदौमा साफ यू–१९ को उपाधि नेपाललाई दिलाउदाका प्रशिक्षक महर्जनले यसपटक विदेशी प्रशिक्षक प्याटि्रक आजेम्सको अखिल नेपाल फुटबल संघ (एन्फा) संगको असमझारीका कारण राष्ट्रिय टोलीको जिम्मा महर्जनको काँधमा आएको थियो। 'फुटबलमा एकैजनाले सफलता दिलाउन सक्दैन। सफलता सामूहिक प्रयासबाट मात्र प्राप्त हुन्छ,' महर्जनले भने,'अहिले पनि हामीले त्यहि सामूहिक भावनाबाट सफलता प्राप्त गरेका हौं। म प्रशिक्षण टोली, व्यवस्थापन र सँगै खेलाडीलाई धन्यवाद दिन चाहन्छु। एन्फाले म प्रति देखाएको विश्वास प्रति आभार व्यक्त गर्न चाहन्छु।'

श्रीलंकासँगको जितलाई उनले अर्को अर्थमा पनि विश्लेषण गरेका छन्। 'मेरो प्रशिक्षणमा टोलीले सफलता हासिल गर्नु भनेको नेपाली प्रशिक्षक पनि सफलता दिलाउन सक्षम छन् भन्ने प्रमाण हो,' उत्साहित हुँदै उनले भने,'हामीका थ्रुपै फुटबल प्रशिक्षक क्रियासिल छन्। मौका पाउँदा आफुलाई प्रमाणित गर्न सक्छन् भन्ने यो एउटा राम्रो उदाहारण हो। त्यसअर्थमा पनि म बढी खुसी छु।'

यद्दपी बंगलादेश उड्नुअघि एन्फाले राष्ट्रिय टोली वा यू–२३ टोलीले सहभागी गरिरहेको प्रष्ट पारेको थिएन। फिफाले नेपाल र श्रीलंकाबीचको खेललाई अन्तर्राष्ट्रिय खेलको मान्यता दिएपछि महर्जन राष्ट्रिय टोलीको प्रशिक्षक र विराज महर्जन कप्तान भएको प्रष्ट भएको थियो। राष्ट्रिय टोलीको हैसियतमा टिम बंगलादेश पठाए पनि एन्फाले त्यो विषय प्रष्ट पारेको थिएन।

प्रतिक्रिया

भएभरका योजनालाई राष्ट्रिय गौरव भनेर हुँदैन

भएभरका योजनालाई राष्ट्रिय गौरव भनेर हुँदैन

काठमाडौं–बजेट आर्थिक दस्तावेज मात्र नभई राजनीतिक दस्तावेज पनि हो । बजेट मुलुकका समस्या समाधान गर्नेतर्फ केन्द्रित हुनुपर्छ । यतिखेर नेपालमा रोजगारीको चरम अभाव छ । गरिबीका कारण ठूलो संख्याका युवा...

गिरान्चौर बस्तीलाई अमेरिकाबाट नुवाकोटे दिण्डुको ६ लाख

गिरान्चौर बस्तीलाई अमेरिकाबाट नुवाकोटे दिण्डुको ६ लाख

काठमाडौं– गिरान्चौर एकीकृत बस्ती निर्माणका लागि दिण्डु लामा ह्योल्मोले ६ लाख ६ हजार ६ सय ६ रुपैयाँ सहयोग गरेका छन्।  

हिमालय एयरलाइन्सले जेठ १८ देखि दोहाको सिधा उडान गर्ने (भिडियो)

हिमालय एयरलाइन्सले जेठ १८ देखि दोहाको सिधा उडान गर्ने (भिडियो)

काठमाडौं— नेपाल चीन संयुक्त लगानीको हिमालय एयरलाइन्सले १८ जेठ (३१ मे) देखि काठमाडौं—दोहा रुटमा दैनिक सिधा उडान गर्ने भएको छ। हिमालयको एयरबस ३२०—२१४ जहाज काठमाडौंबाट राति ११ बजे उड्नेछ भने...

अवरोध पश्चात बैंकहरुको कर्जामा वृद्धि

अवरोध पश्चात बैंकहरुको कर्जामा वृद्धि

२९ वटै वाणिज्य बैंकहरुले चालु आवको तेस्रो त्रैमास (चैत मसान्तसम्म)को वित्तीय विवरण सार्वजनिक गरिसकेका छन्। एक दुई अपावादलाई छाड्ने हो भने सबै वाणिज्य बैंकले विनाशकारी भूकम्पलगत्तै लामो तराई–मधेस आन्दोलन र...

विदेशी कब्जामा बिजुली-नदी

काठमाडौं- अधिंकाश ठूला जलविद्युत आयोजना निर्माण जिम्मा लिएका विदेशी कम्पनीले दशकौंदेखि नदी तथा खोला कब्जामा राखेका छन्। बिजुली उत्पादन नहुँदा नेपाली भने दैनिक १५ घन्टासम्म लोडसेडिङ झेल्दै अँध्यारोमा बाँच्न बाध्य...

पर्यटन प्रवर्द्धन गर्न 'मिसन कोरला–२०१६'

पर्यटन प्रवर्द्धन गर्न 'मिसन कोरला–२०१६'

पोखरा– नेपाल पर्यटन बोर्डको सहयोग एवम् पोखरा पर्यटन परिषद्को संयोजनमा पर्यटन प्रवर्द्धन गर्ने उद्देश्यका साथ पोखरादेखि नेपाल चीनबीचको नाका कोरलासम्मको ५ दिवशीय अवलोकन भ्रमण गरिने भएको छ।  

प्राथमिकता निर्धारण गरी कार्यक्रम ल्याऊ : निजी क्षेत्र

प्राथमिकता निर्धारण गरी कार्यक्रम ल्याऊ : निजी क्षेत्र

वीरगन्ज- पछिल्लो पटक ६ महिने मधेस आन्दोलन र साढे चार महिना चलेको सिमानाका बन्दको प्रत्यक्ष मार खपेको मुलुककै प्रमुख औद्योगिक तथा व्यापारिक नगर वीरगन्जका निजी क्षेत्रका अगुवासँग नेपाल रिपब्लिक मिडियाले...

आज पनि ४० आरोही सगरमाथा शिखरमा

आज पनि ४० आरोही सगरमाथा शिखरमा

काठमाडौं– शुक्रबार पनि ४० जनाभन्दा बढी आरोहीले सगरमाथा शिखर चुम्न सफल भएका छन्। महिना दिनदेखि उपयुक्त मौसम कुरेर सगरमाथा आधार शिविरमा बसिरहेका २ सय ८८ विदेशी र १ नेपाली आरोही...