Tuesday 21 Baishak, 2073 |
Menu

अर्थ

republica-headerdiscount-subscribe1

istl

चोरी-तस्करी समूह वीरगन्जबाट छोटीतिर

(0 votes)
काठमाडौं- भारतको अघोषित नाकाबन्दी र करिब आधा वर्ष लामो तराई आन्दोलनका कारण वीरगन्ज नाका ठप्प भएपछि यहाँबाट हुने चोरी तस्करी अन्य नाकातिर सरेको छ। भन्सार कर्मचारी र नाकामा खटिएको सुरक्षा निकायसँगको साँठगाँठमा वीरगन्जमार्फत वर्षौंदेखि चोरीतस्करीमा संलग्न व्यापारिक समूह अहिले सुनौलीलगायत विभिन्न छोटी नाकामा सक्रिय भएका हुन्।

nepalipatr-april
भन्सार नाकाबाट हुने अवैध व्यापारलाई नियन्त्रण गर्ने जिम्मेवारी पाएको राजस्व अनुसन्धान विभागले केही दिनअघि सुनौली नाकाबाट भन्सार छलेर आएका कन्टेनर नियन्त्रणमा लिएपछि चोरी तस्करीमा सक्रिय समूह वीरगन्जबाट अन्यत्र सरेको देखिएको हो।

'यसअघि वीरगन्जलाई आधार बनाएर चोरी तस्करी गर्दै आएका व्यापारिक समूह अहिले सुनौली नाकामा सक्रिय भएको देखिएको छ,' अर्थ मन्त्रालयका एक उच्च अधिकारीले सोमबार नागरिकसँग भने, 'वीरगन्ज नाका लामो समयदेखि बन्द भएकाले यो समूह अन्यत्र लागेको हो।'

उनका अनुसार वीरगन्जस्थित कालिका ट्रेडर्सले करिब २ करोड रुपैयाँका सामान सुनौली नाकाबाट भन्सार नतिरी नेपाल भित्याउने क्रममा विभागको टोलीले नियन्त्रणमा लिएको थियो।

कालिकाका प्रोप्राइटर राजेन्द्र थापा हुन्। उनले वीरगन्जकै बालाजी ट्रान्सपोर्ट कम्पनीका वीरेन्द्र गुप्तासँग मिलेमतो गरी उक्त सामान चोरी पैठारी गराएका हुन्। विभागले कालिका ट्रेडर्सलाई बिगोसहित तीन करोड ४२ लाख रुपैयाँ जरिवाना तोकेको छ। यसले रेडिमेड गार्मेन्ट, हार्डवेर, मोटर पार्ट्सजस्ता महँगा वस्तु ल्याएको थियो।

नाकाबन्दीपछि चोरी तस्करी बढेका बेला सक्रिय बनेको राजस्व विभागले कालिका जस्तै वीरगन्जकै विवेक इन्टरप्राइजेज र बालाजी इम्पेक्सले पनि सुनौली नाका प्रयोग गरेर दुई कन्टेनर सामान नेपाल भित्याउने क्रममा नियन्त्रणमा लिएको थियो। सस्ता सामान ल्याएका यी व्यापारिक समूहलाई विभागले बिगोसहित ३७ लाख रुपैयाँ जरिवाना तोकेको छ।

'तराई आन्दोलन र नाकाबन्दीपछि वीरगन्जबाट हुने चोरी तस्करी सुनौलीसँगै अन्य छोटी नाकामा पनि सरेको फेला परेको छ,' अर्थका ती अधिकारीले भने, 'विभागले महोत्तरी, सर्लाही, धनुषा लगायत जिल्लामा पर्ने छोटी नाकाबाट भन्सार नतिरी छिरेका धेरै सामान नियन्त्रणमा लिएको छ।'

भन्सार विभागका महानिर्देशक शिशिरकुमार ढुंगानाले पनि सुनौली नाकामार्फत आएका केही कन्टेनरमा समस्या देखिएको जानकारी दिए।

'वीरगन्जका व्यापारीले आयात गरेका केही ट्रकमा समस्या देखिएको थियो,' उनले सोमबार नागरिकसँग भने, 'यसबारे मैले सबै जानकारी लिइसकेको छैन।' उनले नाकाबन्दी लगायत कुनै पनि बहानामा अवैध व्यापार गर्नेले छुट नपाउने भन्दै यस्तो व्यापारमा संलग्न व्यापारीलाई कडा कारबाही गर्ने बताए। अवैध व्यापारमा सहयोग पुर्याेउने कर्मचारी वा अन्य जोसुकैलाई पनि कारबाही गरिछाड्ने प्रतिबद्धता उनले व्यक्त गरे।

नेपाल–भारतबीच व्यापारमध्ये करिब ६० प्रतिशत हिस्सा वीरगन्ज नाकामार्फत मात्रै हुँदै आएको छ। ठूलो व्यापारिक हिस्सा मात्र नभएर वीरगन्जलाई अवैधानिक व्यापारको राजधानी पनि भन्ने गरिन्छ। यहाँ वषर्ौंदेखि चोरी तस्करीमा ठूलो संख्यामा व्यापारिक घराना सक्रिय छन्।

तराई आन्दोलन र भारतीय नाकाबन्दीको असर भारतसँग जोडिएका अन्य नाकालाई भन्दा बढी वीरगन्जलाई पारेको छ। तराई आन्दोलन सुरु भएयता छिटफुट रुपमा सामान नेपाल भित्रिए पनि असोज ७ बाट सुरु भएको नाकाबन्दीपछि एक कन्टेनर सामान पनि वीरगन्ज नाकाबाट आउन सकेको छैन।

संयुक्त लोकतान्त्रिक मधेसी मोर्चाआबद्ध कार्यकर्ताले वीरगन्जस्थित दसगजा क्षेत्रमा धर्ना दिएकाले यो नाकाबाट वैधसँगै अवैध व्यापार गर्न पनि सम्भव छैन। पछिल्लो एक महिनादेखि भने वीरगन्जबाहेक मुलुकका अन्य सबै प्रमुख नाकाबाट आयातनिर्यात सुरु भएको छ। लामो समय वीरगन्ज नाका अवरुद्ध हुँदा छटपटाएका व्यापारी अहिले खुला भएका अन्य नाकातर्फ लागेका हुन्।

नेपालको नयाँ संविधानप्रति असन्तुष्टि जनाउँदै भारतले अघोषित नाकाबन्दी लगाएपछि सीमा नाकाबाट अहिले पेट्रोलियम पदार्थ र खाना पकाउने ग्यासको खुलमखुला चोरी तस्करी भइरहेको छ। यस्तो व्यापारमा संलग्न हुनेलाई सरकारले नै अप्रत्यक्ष सहयोग गर्दै आएको छ।

व्यापारीका अनुसार सीमामा भइरहेको अवरोध र असहज अवस्थाको मौका छोपेर बिनाभन्सार सामान भित्याउने व्यापारिक समूह अहिले सक्रिय भएका छन्। नाकामा राज्यको उपस्थिति दह्रो नभएको मौकामा भन्सारका कर्मचारीसँग मिलेमतो गरी फाइदा लिने गरिएको छ।

प्रतिक्रिया

६० हजार युवायुवतीको कोरिया सपना

६० हजार युवायुवतीको कोरिया सपना

काठमाडौं- बिबिएसमा ५७ प्रतिशत अंक ल्याएपछि काभ्रेकी प्रमिला लामाले जिन्दगीमा ठूलो उपलब्धि हासिल गरेको ठानिन्। अधिकांश साथी–भाइ, आफन्तले स्नातक तहमा राम्रै अंक ल्याएकाले जागिर पाउन कुनै अप्ठेरो नहुने भन्दै लामालाई फुरुंग...

खडेरीले खेतबारी खङ्ग्रङ्ग

खडेरीले खेतबारी खङ्ग्रङ्ग

झापा–बोटले थामिनसक्नु गरी लागेका आँपका चिचिला धमाधम झर्न थालेका छन् । लिचीको हालत पनि उस्तै छ । सधैँ यतिबेला खेतबारीमा हरियै भएर मौलाउने मकैका बोट ओइलाउँदैछन् । चिया बगानमा अरुबेला...

'नेपालको पर्यटन अकासिँदै छ'

'नेपालको पर्यटन अकासिँदै छ'

उपल मजुमदार मुलुकको सबैभन्दा जेठो र पहिलो डिलक्स पाँचतारे होटल सोल्टी क्राउन प्लाजाका महाप्रबन्धक हुन्। उनी दुई दशकदेखि पर्यटन उद्योगमा छन्। विनाशकारी भूकम्प र नाकाबन्दीमा पनि सोल्टीको व्यापारलाई थामेका उनी...

ग्यास उत्खनन्ः पूरा भएन मन्त्रीको प्रतिबद्धता

ग्यास उत्खनन्ः पूरा भएन मन्त्रीको प्रतिबद्धता

दैलेख-एक महिनाभित्र यहाँ रहेको ग्यास र पेट्रोलियम पदार्थ उत्खनन प्रक्रिया थाल्ने मन्त्रीको प्रतिबद्धता पाँच महिना पुग्दा नपुग्दै सेलाएको छ । खनिज भएकै स्थानमा गएर अवलोकन गरेका उद्योगमन्त्री सोमप्रसाद पाण्डेले पत्रकार...

पूर्वाधार बैंक खोल्ने तयारी

पूर्वाधार बैंक खोल्ने तयारी

काठमाडौं–नेपाल राष्ट्र बैंकले 'राष्ट्रिय पूर्वाधार बैंक'लाई अनुमति दिन आवश्यक नीति बनाउन कार्यदल गठन गरेको छ । जलविद्युत, सडक तथा अन्य ठूला पूर्वाधार आयोजनामा लगानी गर्ने उद्देश्यले बैंक गठनको तयारी भइरहेको...

अभावको मौका छोपेर दोब्बर मूल्य

अभावको मौका छोपेर दोब्बर मूल्य

काठमाडौं–सुक्खायामको मौका छोप्दै खानेपानी ट्यांकर व्यवसायीले पानीको मूल्य दोब्बर बढाएका छन् । पानीको हाहाकार बढ्दै जाँदा उपत्यकामा चल्ने खानेपानी ट्यांकरले दोब्बरभन्दा धेरै मूल्य बढाउँदै कालोबजारी गरिरहेका छन्।

टमाटरसँगै उम्रिए, लहराए, फूले अनि फले उनी

टमाटरसँगै उम्रिए, लहराए, फूले अनि फले उनी

सर्लाही– 'पत्रिकामा छापिएका रोजगारीसम्बन्धी प्रत्येक विज्ञापन नछुटाई हेर्थें,' लटरम्म फलिरहेको आफ्नो कृषि फार्मको टमाटर टनेलबाट बाहिर निस्किएपछि दीपेन्द्रले सम्झिए, तीन वर्षअघि काठमाडौंमा भौंतारिँदाको आफ्नो दैनिकी।

चिनियाँ जहाज नेपाल लाने अन्तिम तयारी

चिनियाँ जहाज नेपाल लाने अन्तिम तयारी

सियान (चीन)-नेपालका लागि निर्मित चारवटा जहाज अब छिट्टै नेपाल ल्याइने भएको छ । यसको अन्तिम तयारी भएको चिनियाँ कम्पनीले जनाएको छ। सन् २०१५ को डिसेम्बरमा नै तयार भएका ती जहाज...