Sunday 19 Baishak, 2073 |
Menu

अर्थ

republica-headerdiscount-subscribe1

istl

संवैधानिक संयन्त्रमा बनाउन मधेसी मोर्चा तयार

(0 votes)
काठमाडौं- संवैधानिक मान्यताप्राप्त राजनीतिक संयन्त्र निर्माण गरी प्रदेश सीमांकन विवाद मिलाउन प्रमुख तीन दल र आन्दोलनरत संयुक्त लोकतान्त्रिक मधेसी मोर्चा सहमत देखिएका छन्। बालुवाटारस्थित प्रधानमन्त्री निवासमा प्रमुख तीन दल र मोर्चाको बैठकमा शुक्रबार यस्तो सहमति भएको हो।
nepalipatr-april
सीमांकनसहित मोर्चाका ११ बुँदे माग सम्बोधन गर्न निर्माण गरिने उक्त उच्चस्तरीय राजनीतिक संयन्त्रको कार्यविधिबारे समेत बैठकमा छलफल भएको छ। कार्यविधि र प्रक्रिया टुंगो लागेपछि मोर्चासमेत सम्मिलित संयन्त्रलाई संसदबाट अनुमोदन गरिनेबारे बैठकमा समझदारी भएको छ।

'हिजो जुन–जुन विषय अड्केका थिए, त्यसैमा टेकेर अघि जाने सहमति आज भएको छ,' मोर्चासम्बद्ध नेता उपेन्द्र यादवले नागरिकसँग भने, 'राजनीतिक संयन्त्रको विधि र प्रक्रिया निर्माण गर्नुपर्नेमा हाम्रो जोड छ।' विधि र प्रक्रिया टुंगो नलागी संयन्त्रमा सहमति हुन नसक्ने मोर्चाले अडान राखेको उनले जानकारी दिए।

माघ ७ देखि रोकिएको उक्त कार्यदलसँग शुक्रबार वार्ता सुरु भएको हो।

उच्चस्तरीय राजनीतिक समितिको संयोजकको हैसियतमा एमाओवादी अध्यक्ष पुष्पकमल दाहालले गत मंसिर २ गते राखेको प्रस्तावको सेरोफेरोमै रहेर सीमांकनमा सहमति प्रयास भएको छ।

सीमांकनलगायत विवाद टुंग्याउन प्रमुख तीन दलले राखेको तीन महिना समयावधि दिने गरी उच्चस्तरीय राजनीतिक संयन्त्र गठन प्रस्तावप्रति मोर्चा सकारात्मक बनेको छ।

प्रधानमन्त्री केपी शर्मा ओली फागुन ७ मा भारत भ्रमण निस्कनुअघि नै मधेसी मोर्चासँग सहमति गर्ने योजनासहित शुक्रबार मोर्चा सम्मिलित कार्यदलसँग छलफल गरिएको हो। कार्यदलका तर्फबाट मोर्चाले संयन्त्रको कार्यविधि र प्रक्रियाबारे प्रमुख तीन दल अझै अन्योलग्रस्त भएकाले समस्या भएको आरोप लगाएको थियो। जवाफमा तीन दलले संयन्त्रको प्रक्रिया र विधिबारे साझा धारणा बनाएर अर्को बैठकमा प्रस्तुत हुने प्रतिबद्धता जनाएका छन्।

मोर्चासहितको संयन्त्र निर्माण भएपछि त्यही संयन्त्रलाई व्यवस्थापिका संसदबाट अनुमोदन गराएर स्वामित्व ग्रहण गर्ने योजनामा प्रमुख तीन दल र मोर्चा सहमत देखिएका छन्। 'यसरी निर्माण भएको संयन्त्रलाई व्यवस्थापिका संसदबाट अनुमोदन गरिनेछ, कांग्रेसका तर्फबाट कार्यदल सदस्य रहेका नेता महेश आचार्यले नागरिकसँग भने।

प्रधानमन्त्री ओलीसहित तीन दल फागुन ४ गते व्यवस्थापिका संसद बैठक बस्नुअघि नै उक्त संयन्त्र निर्माण गर्ने योजनामा छन् भने त्यो सहमतिमा स्वामित्व ग्रहण गर्न मोर्चामा तीन दल थपिएका छन्। संसदभित्र प्रतिनिधित्व गर्ने आन्दोलनरत तराई–मधेसकेन्द्रित दलले स्वामित्व ग्रहण गर्ने गरी मोर्चाको विस्तार पनि गरिसकिएको छ।

'प्रधानमन्त्रीको भारत भ्रमणअघि नै सहमति गर्ने योजना देखिएको छ, मोर्चा विस्तार पनि त्यसैका लागि हो,' मोर्चाका एक नेताले नागरिकसँग भने, 'सबै संसदवादी दलले एकैपटक स्वामित्व ग्रहण गरुन् भनेर उक्त मोर्चाको विस्तार गरिएको हो।'

उनका अनुसार आगामी दिनमा हुने सहमतिमा मोर्चाका नेताले संयुक्त रुपमा हस्ताक्षर गर्ने सम्भावना छ। 'छरिएर रहेका मधेसी मोर्चालाई एकै ठाउँमा उभ्याउन छिमेकी मुलुक भारतले पनि दबाब दिएको छ जसको उद्देश्य तराई–मधेस केन्द्रित संसदवादी दलले पनि राजनीतिक संयन्त्र निर्माणको स्वामित्व लिऊन् भन्ने छ,' स्रोतले भन्यो।

नयाँ संविधानप्रति विमति जनाउँदै तराई–मधेसको भूगोलमा मुख्यतः दुई समूह आन्दोलनरत थिए। मोर्चामा उपेन्द्र यादव नेतृत्वको संघीय समाजवादी फोरम नेपाल, महन्थ ठाकुर नेतृत्वको तराई मधेस लोकतान्त्रिक पार्टी, राजेन्द्र महतो नेतृत्वको सद्भावना पार्टी र महेन्द्र राय यादव नेतृत्वको तराई मधेस सद्भावना पार्टी सम्बद्ध छन्।

यसैगरी, संघीय समावेशी मधेसी गठबन्धनमा शरदसिंह भण्डारी नेतृत्वको राष्ट्रिय मधेस समाजवादी पार्टी, अनिलकुमार झा नेतृत्वको नेपाल सद्भावना पार्टी र राजकिशोर यादव नेतृत्वको मधेसी जनअधिकार फोरम गणतान्त्रिक आबद्ध छन्।

मधेसी मोर्चामा शुक्रबारबाट औपचारिक रुपमा ती दल आबद्ध भएको फोरम गणतान्त्रिकका अध्यक्ष यादवले बताए।

प्रतिक्रिया

६० हजार युवायुवतीको कोरिया सपना

६० हजार युवायुवतीको कोरिया सपना

काठमाडौं- बिबिएसमा ५७ प्रतिशत अंक ल्याएपछि काभ्रेकी प्रमिला लामाले जिन्दगीमा ठूलो उपलब्धि हासिल गरेको ठानिन्। अधिकांश साथी–भाइ, आफन्तले स्नातक तहमा राम्रै अंक ल्याएकाले जागिर पाउन कुनै अप्ठेरो नहुने भन्दै लामालाई फुरुंग...

खडेरीले खेतबारी खङ्ग्रङ्ग

खडेरीले खेतबारी खङ्ग्रङ्ग

झापा–बोटले थामिनसक्नु गरी लागेका आँपका चिचिला धमाधम झर्न थालेका छन् । लिचीको हालत पनि उस्तै छ । सधैँ यतिबेला खेतबारीमा हरियै भएर मौलाउने मकैका बोट ओइलाउँदैछन् । चिया बगानमा अरुबेला...

'नेपालको पर्यटन अकासिँदै छ'

'नेपालको पर्यटन अकासिँदै छ'

उपल मजुमदार मुलुकको सबैभन्दा जेठो र पहिलो डिलक्स पाँचतारे होटल सोल्टी क्राउन प्लाजाका महाप्रबन्धक हुन्। उनी दुई दशकदेखि पर्यटन उद्योगमा छन्। विनाशकारी भूकम्प र नाकाबन्दीमा पनि सोल्टीको व्यापारलाई थामेका उनी...

ग्यास उत्खनन्ः पूरा भएन मन्त्रीको प्रतिबद्धता

ग्यास उत्खनन्ः पूरा भएन मन्त्रीको प्रतिबद्धता

दैलेख-एक महिनाभित्र यहाँ रहेको ग्यास र पेट्रोलियम पदार्थ उत्खनन प्रक्रिया थाल्ने मन्त्रीको प्रतिबद्धता पाँच महिना पुग्दा नपुग्दै सेलाएको छ । खनिज भएकै स्थानमा गएर अवलोकन गरेका उद्योगमन्त्री सोमप्रसाद पाण्डेले पत्रकार...

पूर्वाधार बैंक खोल्ने तयारी

पूर्वाधार बैंक खोल्ने तयारी

काठमाडौं–नेपाल राष्ट्र बैंकले 'राष्ट्रिय पूर्वाधार बैंक'लाई अनुमति दिन आवश्यक नीति बनाउन कार्यदल गठन गरेको छ । जलविद्युत, सडक तथा अन्य ठूला पूर्वाधार आयोजनामा लगानी गर्ने उद्देश्यले बैंक गठनको तयारी भइरहेको...

अभावको मौका छोपेर दोब्बर मूल्य

अभावको मौका छोपेर दोब्बर मूल्य

काठमाडौं–सुक्खायामको मौका छोप्दै खानेपानी ट्यांकर व्यवसायीले पानीको मूल्य दोब्बर बढाएका छन् । पानीको हाहाकार बढ्दै जाँदा उपत्यकामा चल्ने खानेपानी ट्यांकरले दोब्बरभन्दा धेरै मूल्य बढाउँदै कालोबजारी गरिरहेका छन्।

टमाटरसँगै उम्रिए, लहराए, फूले अनि फले उनी

टमाटरसँगै उम्रिए, लहराए, फूले अनि फले उनी

सर्लाही– 'पत्रिकामा छापिएका रोजगारीसम्बन्धी प्रत्येक विज्ञापन नछुटाई हेर्थें,' लटरम्म फलिरहेको आफ्नो कृषि फार्मको टमाटर टनेलबाट बाहिर निस्किएपछि दीपेन्द्रले सम्झिए, तीन वर्षअघि काठमाडौंमा भौंतारिँदाको आफ्नो दैनिकी।

चिनियाँ जहाज नेपाल लाने अन्तिम तयारी

चिनियाँ जहाज नेपाल लाने अन्तिम तयारी

सियान (चीन)-नेपालका लागि निर्मित चारवटा जहाज अब छिट्टै नेपाल ल्याइने भएको छ । यसको अन्तिम तयारी भएको चिनियाँ कम्पनीले जनाएको छ। सन् २०१५ को डिसेम्बरमा नै तयार भएका ती जहाज...