Monday 17 Jestha, 2073 |
Menu

अर्थ

republica-headerdiscount-subscribe1

istl

निगम जहाजको इन्जिन स्टार्ट नहुँदा...

(0 votes)
काठमाडौं–राष्ट्रिय ध्वजावाहक नेपाल वायुसेवा निगमको एउटा ठूलो जहाज त्रिभुवन अन्तर्राष्ट्रिय विमानस्थलबाट भारत नयाँदिल्लीका लागि उडान भर्न तयार थियो । जहाजमा १ सय २२ जना यात्रु सिट बेल्ट बाँधेर बसेका थिए।
nepali-patro-may
'ककपिट' भित्र रहेका कमान्डर युवराजकुमार (वाइके) भट्टराई र को–पाइलट नरबहादुर (एनबी) विश्वकर्मा जहाज उडाउन तयारी अवस्थामा बसेका थिए । जब दुई पाइलटले जहाजको इन्जिन 'स्टार्ट' गर्न खोजे, भएन । 'के भयो ?' क्षणभरमै थाहा भयो– जहाजको बायाँ इन्जिन स्टार्ट भए पनि दायाँ इन्जिन स्टार्ट भएको थिएन ।

चालकदलले फेरि प्रयास गरे, दायाँ इन्जिनले काम गरेन । उनीहरूले आधा घन्टासम्म भरमग्दुर प्रयास गरे तर केही सीप लागेन । त्यसपछि जहाजका इन्जिनियरहरूलाई जानकारी दिइयो र पुनः स्टार्ट गर्ने अर्को प्रयास भयो । उनीहरूको पनि केही लागेन । गन्तव्य पुग्न आतुर जहाजभित्रका यात्रु आक्रोशित थिए । सबैलाई सम्झाइ–बुझाइ बाहिर निकालेर चालकदल ककपिटबाट बाहिर आए । जहाज मर्मतमा इन्जिनियरहरू लागिरहे ।

यो घटना सोमबार दिउँसो ४ बजे त्रिभुवन विमानस्थलको हो । वायुसेवा निगमको १ सय ९० सिट क्षमतायुक्त र कलसाइन '९एन–एसिए' भएको 'बि७५७' सिरिजको जहाज काठमाडौंबाट दिल्ली जाने नियमित तालिकाअनुसार उडान भर्ने तयारीमा थियो । यो जहाज अमेरिकी जहाज निर्माता कम्पनी बोइङमा उत्पादन भएको हो । निगमले खरिद गरेको करिब ३० वर्ष भइसकेको छ ।

सम्बद्ध स्रोतका अनुसार यो जहाजको दायाँ इन्जिनतर्फ रहेको 'फ्युल भल्भ' नखुलेपछि इन्जिन स्टार्ट नभएको हो । चालकदल र यात्रु बाहिर आएपछि इन्जिनियरले डेढ घन्टा लगाएर साँझ साढे ६ बजे जहाज मर्मत गरे र उड्न तयार भएको घोषणा गरे ।

'त्यसपछि सबै यात्रु आ–आफ्ना सिटमा बसे र चालकदलले जहाज स्टार्ट गर्न खोजे, फेरि त्यही समस्या आयो, दायाँ इन्जिन स्टार्ट नै भएन,' स्रोतले मंगलबार नागरिकसँग भन्यो, 'यो समस्याले सबैको 'निद हराम' गरिदियो । पुनः यात्रुलाई बाहिर निस्किन आग्रह गरियो तर, यात्रुले मान्दै मानेनन् । बल्ल–बल्ल फकाएर बाहिर निकालियो ।'

त्यसपछि निगम व्यवस्थापनले '९एन–एसिबी' कलसाइन आफ्नो यस्तै अर्को जहाजबाट दिल्ली उडान गर्न खोजे पनि इन्जिनियरिङ विभागले त्यो जहाजको 'ल्यान्डिङ साइकल' सकिएको भन्दै उडाउन नमिल्ने बताएको स्रोतले जानकारी दियो ।

त्यसपछि अर्को साढे दुई घन्टासम्म निरन्तर प्रयास गर्दै मर्मत गरिए पनि फ्युल भल्भ नखुलेपछि बाध्य भएर निगम व्यवस्थापनले दिल्ली उडानै रद्द भएको घोषणा ग¥यो । दिल्ली पुग्न दिउँसो १ बजे नै विमानस्थल छिरेका यात्रु यतै अड्किए । 'अब म जीन्दगीमा कहिल्यै पनि नेपाल वायुसेवा निगमको जहाजबाट यात्रा गर्दिनँ,' त्यही जहाजबाट दिल्ली जान लागेको एक भारतीय यात्रुले आक्रोश पोखे, 'मलाई त ट्राभल एजेन्सीले निगमको टिकट नकाट भनेकै थियो तर मैले नै होइन यसैमा जान्छु भनेको बिजोग भयो ।' एक नेपाली यात्रु भने '६ वर्षपछि पहिलो पटक निगमको जहाजमा उड्न लागेको यतिविधि कष्ट पाइयो' भन्दै गुनासो गर्दै थिए ।

भएभरका यात्रु जहाजबाट बाहिर आउनासाथ निगमले हालै खरिद गरेका दुई जहाज एयरबस 'ए३२०' केही मिनेटको अन्तरमा विमानस्थलमा अवतरण गरेका थिए । त्यो देखेपछि यात्रुले त्यही नयाँ जहाजमा भए पनि दिल्ली लान माग गरेका थिए । 'चालकदलले एसिबी जहाजको दायाँ इन्जिनतर्फको फ्युल भल्भमा समस्या आएको भनेर लगबुकमा चार–चार पटक लेखिसकेका रहेछन्,' सम्बद्ध स्रोतले भन्यो, 'तर, इन्जिनियरिङ विभागले वास्तै गरेको रहेनछ ।'

दुई दशकभन्दा बढी अवधिदेखि निगमको बोइङ ७५७ उडाउँदै आएका एक वरिष्ठ क्याप्टेनले पनि इन्जिनियरिङ विभागको 'लापरबाही' का कारण बेलाबेला यस्तो समस्या आउने गरेको बताए । 'हवाई उडानजस्तो अति संवेदनशील विषयमा पनि गम्भीर नहुने हो भने दुर्घटना टार्न कसैले सक्दैन,' आफ्नो नाम उल्लेख नगर्ने सर्तमा ती क्याप्टेनले भने, 'यसमा व्यवस्थापनको लापरबाही पनि उत्तिकै देखिन्छ ।'

सोमबार दिउँसोदेखि मर्मत प्रयास गरिएको उक्त जहाज राति झन्डै ११ बजे उड्न तयार भएको थियो । त्यो जहाजले राति साढे ११ बजे मलेसियाको क्वालालम्पुर उडान गरेको थियो । सोमबार दिल्ली जान नपाएका यात्रुलाई भने निगमले मंगलबार बिहान अर्को बि७५७ ९एन–एसिबीबाट पठाएको थियो ।

प्रतिक्रिया

महँगी निम्त्याउने वितरणमुखी बजेट

महँगी निम्त्याउने वितरणमुखी बजेट

काठमाडौं- अर्थमन्त्री विष्णु पौडेलले शनिबार संसदमा १० खर्ब ४८ अर्बको बजेट पेस गरेका छन्। पूर्वाधार विकासलाई उच्च प्राथमिकता दिइएको, सामाजिक क्षेत्रमा दिल खोलेर राज्यकोष वितरण गरेको र विकासका नाममा जताततै...

किसानलाई अनुदानै–अनुदान

किसानलाई अनुदानै–अनुदान

काठमाडौं–विगतमा सरकार र वैदेशिक सहयोगमा सञ्चालित कृषि परियोजनाको अनुदान कार्यक्रमले परिणाम दिन नसकेको गुनासो आइरहे पनि सरकारले कृषि क्षेत्रको उत्पादन र उत्पादकत्व बढाउन किसानलाई अनुदानै–अनुदानका कार्यक्रम ल्याएको छ । विगतका...

फास्टट्रयाक बनाउन १० अर्व विनियाेजन

फास्टट्रयाक बनाउन १० अर्व विनियाेजन

काठमाडौं-सरकारले काठमाडौं-तराई-मधेस फास्ट ट्रयाकको लागि १० अर्ब बजेट विनियोजन गरेको छ। यो अघिल्लो वर्षको बजेटभन्दा ९ अर्बले बढी हो । अघिल्लो वर्ष सरकारले एक अर्ब बजेट विनियोजन गरेको थियो। सरकारले...

तरकारी फलाउँदै पूर्वसभासद

तरकारी फलाउँदै पूर्वसभासद

नेपालगन्ज- पहिलो संविधानसभा संविधान नबनाइ विघटन भएपछि पट्टु थारु निराश भएर राजधानी काठमाडौंबाट घर फर्किए। उनी पहिलो संविधानसभा सदस्य थिए। संविधान सभा विघटन भएपछि उनको रोजाइ बन्यो कृषि। बाँके, बैजापुर–१, नवलपुरका...

संस्थानको नाफा बढे पनि सरकारको लाभांश घट्दो

संस्थानको नाफा बढे पनि सरकारको लाभांश घट्दो

काठमाडौं- सार्वजनिक संस्थानको नाफा बढे पनि सरकारले ती संस्थानमा सेयर लगानी गरेबापत पाउने प्रतिफल भने घटेको छ। गत आर्थिक वर्षमा सार्वजनिक संस्थानले खुद नाफा ३३ अर्ब ९२ करोड कमाए पनि लगानी...

मलेसियाबाट रेमिटेन्स आप्रवाह स्थिर

मलेसियाबाट रेमिटेन्स आप्रवाह स्थिर

मलेसिया- श्रम स्वीकृति लिएर सबभन्दा धेरै नेपाली कामदार आएको मलेसियाबाट स्वदेश जाने रेमिटेन्स पहिलोपटक स्थिर अवस्थामा पुगेको छ। पछिल्लो ४–५ वर्षयता निरन्तर नेपाल पठाउने रेमिटेन्स वृद्धि भइरहेको बेला चालु आर्थिक...

भएभरका योजनालाई राष्ट्रिय गौरव भनेर हुँदैन

भएभरका योजनालाई राष्ट्रिय गौरव भनेर हुँदैन

काठमाडौं–बजेट आर्थिक दस्तावेज मात्र नभई राजनीतिक दस्तावेज पनि हो । बजेट मुलुकका समस्या समाधान गर्नेतर्फ केन्द्रित हुनुपर्छ । यतिखेर नेपालमा रोजगारीको चरम अभाव छ । गरिबीका कारण ठूलो संख्याका युवा...

गिरान्चौर बस्तीलाई अमेरिकाबाट नुवाकोटे दिण्डुको ६ लाख

गिरान्चौर बस्तीलाई अमेरिकाबाट नुवाकोटे दिण्डुको ६ लाख

काठमाडौं– गिरान्चौर एकीकृत बस्ती निर्माणका लागि दिण्डु लामा ह्योल्मोले ६ लाख ६ हजार ६ सय ६ रुपैयाँ सहयोग गरेका छन्।