Friday 29 Magh, 2072 |
Menu

अर्थ

istl

काजका कर्मचारी फिर्ता गर्न समस्या

(0 votes)
काठमाडौं-निजामति कर्मचारीलाई सामान्य प्रशासन मन्त्रालयले पटक–पटक काजबाट फिर्ता हुन ताकेता गरेपनि काजमा फर्कन सकेका छैनन्। तीनपटक पत्राचार गर्दा पनि अझैसम्म सबै कर्मचारी काजबाट फर्केनन्।


nepalipatro-nagarik
सरकारले तत्कालका लागि काम पूरा गर्न काजमा खटाउँछ। तर, तत्कालको समस्या समाधान गर्न दिइएको काज दीर्घकालीन समस्याको रुपमा देखा पर्दैछ । काज फिर्ता गर्न मन्त्रालयमा समेत समस्या देखिएको छ । उपत्यका बाहिर झन ठूलो समस्या रहेको छ । ताकेता गरिएपनि व्यवहारिक समस्याका कारण काजका कर्मचारी व्यवस्थापन गर्न गाह्रो भएको सामान्य प्रशासन मन्त्रालयका प्रवक्ता राजेन्द्र पौडेलले बताए ।

धेरै कर्मचारी काजमा रहेको भनिएपनि सामान्य प्रशासनमा यसको तथ्यांक भने राखिएको छैन । कतिजना कर्मचारी काजमा छन् भन्ने बारे एकीन तथ्यांक नभएको कर्मचारी बताउँछन् ।काजमा पठाउने व्यवस्था सजिलो भएका कारण यो फिर्ता गर्न समस्या देखिएको प्रवक्ता पौडेल बताउँछन् ।

प्रायजसो कर्मचारी आकर्षक ठाउँमा बस्न खोज्ने परम्पराले वर्तमान समस्या निम्तिएको देखिन्छ । निजामति सेवा ऐन २०४९ बमोजिम सामान्य प्रशासनको निर्णयबाट निकायका कार्यालयमा दरबन्दीमा रहेका कर्मचारीलाई काजमा खटाइएको थियो । काज अवधि सकिएपनि कर्मचारी पदाधिकार रहेकै कार्यालयमा फर्कन सकेका छैनन् ।

प्रमुख जिल्ला अधिकारी, स्थानीय विकास अधिकारी समेत काजमा रहेकाले गाविस, जिविस परिषद् हुन्जेल काजबाट फिर्ता हुन नसक्ने आग्रह आएको प्रवक्ता पौडेलले बताए । गत मंसिर दोस्रो साता बसेको मन्त्रिपरिषद्को वैठकपछि सम्बन्धित मन्त्रालयहरुमा परिपत्र गरिएपनि काज फिर्ता हुन सकेका छैनन् ।

निजामति कर्मचारीलाई सरुवा गर्दा वा काज खटाउँदा निजामति सेवा ऐन २०४९, नियमावली २०५० मा सरुवा तथा काज सम्बन्धी व्यवस्था प्रतिकुल नहुने गरी सरुवा तथा कामकाजमा खटाउन निर्देशन दिएको छ ।

अहिलेसम्म १८ मन्त्रालयले काजमा कर्मचारी भए नभएको र भएकाको काज फिर्ता गरेको विवरण सामान्य प्रशासन मन्त्रालयमा पेश गरेका छन् । सामान्य प्रशासन मन्त्रालय आफैले काजमा खटाएका पनि समावेश छन् । बाँकी रहेका मन्त्रालयले ठोस उत्तर दिन सकेका छैनन् । १८ मन्त्रालयबाट ७० जना काज फिर्ता गरिएको सामान्य प्रशासन मन्त्रालयले जनाएको छ ।

प्रतिक्रिया

महिला पछ्याउँदै दलाल

महिला पछ्याउँदै दलाल

काठमाडौं- पतिसँग सम्बन्धविच्छेद गरेपछि सुनसरी, हसुनपुर–४ की मनिषा राईको चाहना वैदेशिक रोजगारीमा जाने थियो। यही चाहना पूरा गर्ने सिलसिलामा उनको थुप्रै मेनपावर र एजेन्टसँग भेट भयो।

पेट्रोलियम पदार्थको हाहाकार  कायमै

पेट्रोलियम पदार्थको हाहाकार कायमै

झापा–भारतीय बजारबाट सहजै इन्धन भित्रिरहे पनि झापामा पेट्रोलियम पदार्थको हाहाकार यथावतै छ। यातायात व्यवसायीले आयल निगम र पेट्रोलियम व्यवसायीले नियतवश कृत्रिम अभाव देखाएर तस्करी धन्दालाई प्रोत्साहित गरेको आरोप लगाएका छन्।

भ्यालेन्टाइन डेमा ठमेल रातभर खोल्ने तयारी

भ्यालेन्टाइन डेमा ठमेल रातभर खोल्ने तयारी

काठमाडौं– प्रत्येक वर्षको फेब्रुअरी १४ तारिकमा विश्वभर मनाउने गरिएको भ्यालेन्टाइन डे(प्रणय दिवस)का दिन यस वर्ष काठमाडौंको मुख्य पर्यटकीय क्षेत्र ठमेल रातभर खोल्ने तयारी भइरहेको छ।

एउटा इन्जिन मर्मतमा ५० करोड खर्चंदै निगम

एउटा इन्जिन मर्मतमा ५० करोड खर्चंदै निगम

काठमाडौं- राष्ट्रिय ध्वजावाहक नेपाल वायुसेवा निगमले अन्तर्राष्ट्रिय उडान गरिरहेको आफ्नो बोइङ जहाजको एक थान इन्जिन पूर्णमर्मत (ओभरहल) गर्न करिब ५० करोड रुपैयाँ खर्च गर्ने भएको छ।

लोडसेडिङ कम गर्न फागुन ४ देखि ८० मेगावाट विद्युत् आयात गरिने

लोडसेडिङ कम गर्न फागुन ४ देखि ८० मेगावाट विद्युत् आयात गरिने

काठमाडौं– ढल्केबर–मुजफ्फरपुर ४०० केभी अन्तरदेशीय प्रसारण लाइनमार्फत नेपाल विद्युत् प्राधिकरणले फागुन ४ गतेदेखि ८० मेगावाट विद्युत् आयात गर्ने तयारी गरेको जनाएको छ।

रक्सौलबाट ९५ ट्यांकर इन्धन

वीरगन्ज–संयुक्त लोकतान्त्रिक मधेसी मोर्चाले सीमा नाकामा जारी राखेको अवरोध हटेसँगै रक्सौलस्थित इन्डियन आयल कर्पोरेसनको डिपोबाट वीरगन्ज नाका भएर इन्धन भित्रिने अनुपात बढ्दो क्रममा छ। वीरगन्ज नाकाबाट मंगलबार ९५ ट्यांकर भित्रिएका...

पेट्रोल पाँच दिनमै सहज, ग्यास सहज हुन डेढ महिना कर्नुपर्ने

पेट्रोल पाँच दिनमै सहज, ग्यास सहज हुन डेढ महिना कर्नुपर्ने

काठमाडौं– नेपाल आयल निगमले मट्टितेल, डिजेल, पेट्रोलजस्ता पेट्रोलियम पदार्थ अबको ५ दिनभित्रमा सबै पम्पहरुबाट वितरण गर्ने व्यवस्था मिलाउने भएको छ। आन्दोलनरत मधेसी मोर्चाले औपचारिक रुपमै बन्दहड्तालका कार्यक्रम फिर्ता लिइसकेको, इन्डियन...

सुन एक वर्षयताकै महँगो, प्रतितोला रु. ५४ हजार

सुन एक वर्षयताकै महँगो, प्रतितोला रु. ५४ हजार

काठमाडौं– सुनको भाउ करिब १२ महिनाकै उच्च भई प्रतितोला रु. ५४ हजार पुगेको छ। २०७१ साल माघ १९ गते प्रतितोला ५४ हजार पुगेको सुनको मूल्यले त्यसयता पुनः यो बिन्दुलाई छोएको...