Friday 16 Magh, 2071 |
Menu

अर्थ

HUB

दुई जहाज भाडामा लिन टेन्डर आह्वान

(0 votes)
दुई जहाज भाडामा लिन टेन्डर आह्वान
काठमाडौं - राष्ट्रिय ध्वजावाहक नेपाल वायुसेवा निगमले एकैपटक दुई ठूला जहाज भाडामा लिन सोमबार अन्तर्राष्ट्रिय टेन्डर आह्वान गरेको छ। निगमले अन्तर्राष्ट्रिय वायुसेवा कम्पनी, जहाज उत्पादक र भाडामा जहाज उपलब्ध गराउने कम्पनीका लागि टेन्डर आह्वान गरेको हो। टेन्डर बुझाउने म्याद ४५ दिन तोकिएको छ।
वैशाख ३० बाट आगामी असार १२ सम्म टेन्डर बुझाउन पाइन्छ।
'अन्तर्राष्ट्रिय उडानलाई नियमित र प्रभावकारी बनाउने उद्देश्यले दुईवटा जहाज भाडामा लिन ग्लोबल टेन्डर आह्वान गरेका छौं,' निगमका कर्पोरेट डाइरेक्टर तथा प्रवक्ता गणेशबहादुर चन्दले सोमबार नागरिकसँग भने, 'रामै्र भाउमा जहाज पाउने आशा छ।'
निगम व्यवस्थापनले करिब तीन महिनादेखि जहाज भाडामा लिन प्रयास गर्दै आएको थियो। जहाज भाडामा लिन निगमले गठन गरेको उपसमितिले प्रतिवेदन तयार गरी दुई महिनाअघि सञ्चालक समतिलाई बुझाएपछि समितिले जहाज ल्याउन अनुमति दिएको थियो।
निगम प्रवक्ता चन्दले दुइटै जहाज 'ड्राइ लिज' मा लिन टेन्डर आह्वान गरेको बताए। पाँच वर्षका लागि जहाज भाडामा लिइने उनले जानकारी दिए। ड्राइ र वेट लिज गरी जहाज दुई किसिमबाट भाडामा लिने गरिन्छ।
वेट लिजमा जहाज लिँदा 'जहाज, चालकदल, मर्मत र बिमा' जहाज दिने कम्पनीले व्यवस्था गर्छ भने ड्राइ लिजमा जहाजमात्र ल्याउने गरिन्छ र बाँकी सबै व्यवस्था भाडामा लिनेले बेहोर्नुपर्छ। ड्राइ लिजमा जहाजमात्र आउने भएकाले प्रतिघन्टा उडान भाडा दर वेट लिजमा भन्दा कम हुन्छ।
जति छोटो समयका लागि जहाज भाडामा लियो, त्यति महँगो पर्छ भने लामो सयमलाई लिँदा सस्तो पर्न आउँछ। ड्राइ लिजमा लिँदा पनि चालकदल, मर्मत वा बिमामध्ये एक उतैबाट लिन सकिने विकल्प पनि हुन्छ।
निगमले युरोपेली जहाज निर्माता कम्पनी एयरबसबाट उत्पादित तथा आइएई भि२५७ई इन्जिन जडान भएका ए३२०–२०० सिरिजका दुईवटा 'न्यारो बडी' जहाज भाडामा लिन लागेको हो। यस्तो जहाजमा न्यूनतम १ सय ५० सिट हुन्छन्। तर, निगम व्यवस्थापनले भने कति सिट बनाउने भन्ने निर्णय गरिसकेको छैन।
निगमका अनुसार आगामी कात्तिक ९ बाट जहाज भाडामा लिनेछ। ती जहाजमा बिजनेस र इकोनोमी क्लास दुवै हुनुपर्ने छ। ती जहाजलाई त्रिभुवन अन्तर्राष्ट्रिय विमानस्थलमा आधार गरी विदेशका विभिन्न गन्तव्यमा उडाइने छ। जहाजलाई नेपाल नागरिक उड्डयन प्राधिकरणको अनुमतिअनुसार मर्मत गरिने छ।
'जहाज भाडामा दिने कम्पनीले प्राविधिक र वित्तीय प्रस्ताव छुट्टाछुट्टै पेस गर्नुपर्छ,' प्रवक्ता चन्दले भने, 'पाँच वर्ष जहाज दिँदा लाग्ने कुल भाडाको शून्य दशमलव एक प्रतिशत हिस्सा प्रतिबद्धता रकम स्वरूप टेन्डर पेस गर्ने बेलामा बुझाउनुपर्छ। यस्तो रकम भने पछि फिर्ता हुन्छ। टेन्डर फारमको १० हजार रुपैयाँ लाग्छ। यो भने फिर्ता हुँदैन।'
उनका अनुसार भाडामा ल्याइने जहाजको उमेर बढीमा १० वर्ष हुनुपर्ने छ। मुलुकको हवाई नीतिअनुसार १५ वर्षभन्दा बढी उमेर भएका जहाज आयात गर्न पाइँदैन। 'भाडामा जहाज दिने कम्पनीले दुईजना प्रशिक्षक पाइलट पनि ६ महिनाका लागि उपलब्ध गराउनुपर्छ,' उनले भने।
अन्तर्राष्ट्रिय उडान गरिरहेका निगमका पाइलटहरू अमेरिकी जहाज निर्माता कम्पनी बोइङका जहाज उडाउन प्रशिक्षित छन्। उनीहरू साढे दुई दशकदेखि बोइङ उडाइरहेका कारण एयरबसका जहाज उडाउन पुनः तालिम लिनुपर्छ।
निगमले चाँडै नै एयरबससँग जहाज खरिद सम्झौता गर्ने र त्यसपछि एयरबसले निगमका पाइलटलाई तालिम उपलब्ध गराउने चन्दले जानकारी दिए। भाडाको जहाज काठमाडौं आउने बेलासम्म निगमका पाइलट एयरबसका जहाज उडान प्रशिक्षित हुने उनले बताए।
निगमले हाल एयरबससँग खरिद गर्न लागेको जहाज पनि भाडामा लिन खोजिएको जस्तै ए३२०–२०० सिरिजको हो। यसमा १ सय ५० सिट हुने भए पनि निगम भने यसमा सिट बढाएर १ सय ६४ बनाउने योजनामा छ।
निगम र एयरबसबीच दुईवटा ए३२०–२०० जहाज खरिद–बिक्रीका लागि गत चैत २३ गते समझदारीपत्रमा हस्ताक्षर भएको थियो। त्यसपछि वैशाख ९ मा प्रतिबद्धता रकम (बैना) स्वरूप एयरबसलाई ५ लाख अमेरिकी डलर पठाएकेा थियो। द्विपक्षीय समझदारीअनुसार एयरबसले निगमलाई सन् २०१५ फेब्रुअरी (२०७१ फागुन) मा पहिलो जहाज आपूर्ति गर्ने मिति दिएको छ। त्यसको दुई महिनापछि दोस्रो जहाज दिनेछ।
सुरुमा नयाँ नआउन्जेल भाडामा लिने योजना भए पनि निगम व्यवस्थापनले अहिले भने एकैचोटि पाँच वर्षका लागि लिन लागेको हो। चन्दका अनुसार भाडामा जहाज आएपछि निगमसँग तीनवटा ठूला जहाज हुनेछन्। तीन जहाज भएपछि उडान संख्या सातामा ३३ सम्म पुग्नेछ। हाल दुई बोइङ ७५७ बाट सातामा २२ वटासम्म उडान गरिरहेको छ।
भाडाको जहाज आएपछि तिनलाई भारतको नयाँदिल्ली र युनाइटेड अरब इमिरेट्स (युएई) को दुबईका लागि पनि उडाउने योजना छ। निगमले डेढ वर्षदेखि दिल्ली र तीन महिनादेखि दुबई उडान स्थगन गरेको छ। विगतमा दिल्लीका लागि दैनिक उडान गर्थ्यौ भने दुबईका लागि सातामा चार उडानसम्म गरेको थियो।
निगमले हाल १ सय ९० सिट क्षमताका दुई बोइङ ७५७ जहाजबाट अन्तर्राष्ट्रिय उडान गरिरहेको छ। यहाँबाट कतारको दोहा, हङकङ, थाइल्यान्डको बैंकक र मलेसियाको क्वालालम्पुर गइरहेको छ। तर, निगम व्यवस्थापनले आगामी असार २६ (जुलाई १०) बाट पुस १६ (डिसेम्बर ३१) सम्म हङकङ उडान स्थगन गर्ने निर्णय वैशाख २३ मा गरेको थियो। उसले हाल हङकङका लागि सातामा तीन उडान गरिरहेको छ।
पर्यटन बोर्डका कामु प्रमुख निरौलाले भ्रष्टाचार गरेकै हुन् : अख्तियार

पर्यटन बोर्डका कामु प्रमुख निरौलाले भ्रष्टाचार गरेकै हुन् : अख्तियार

काठमाडौं- अख्तियार दुरुपयोग अनुसन्धान आयोगले नेपाल पर्यटन बोर्डका कामु प्रमुख कार्यकारी अधिकृत (सिइओ) सुभाष निरौलालाई भ्रष्टाचारी ठहर गरेको छ। सार्वजनिक खरिद ऐन २०६३ को मर्मविपरित अनियमितता र भ्रष्टाचार गरी पर्यटन...

आइसिटी अझै प्राथमिकताबाहिर

आइसिटी अझै प्राथमिकताबाहिर

कम्प्युटर एसोसिएसन अफ नेपाल महासंघ (क्यान महासंघ) ले सूचना प्रविधि क्षेत्रका विविध आयामलाई समेटेर समय समयमा क्यान इन्फोटेकको नाममा मेला गर्दै आएको छ। क्यानले २ दशकअघि सुरु गरेको इन्फोटेकको २१औं...

एयरबस तालिम ‘पूरा गर्न नसकेपछि' तीन क्याप्टेन फिर्ता

एयरबस तालिम ‘पूरा गर्न नसकेपछि' तीन क्याप्टेन फिर्ता

काठमाडौं-नेपाल वायुसेवा निगमले यही महिनाभित्र प्राप्त गर्ने नयाँ जहाजको तालिम लिन गएका आधा दर्जन वरिष्ठ क्याप्टेन (पाइलट) मध्ये तीनजना तालिम ‘पूरा गर्न नसकेपछि' फिर्ता भएका छन्।

प्याराग्लाइडिङका तीन नयाँ कम्पनी

प्याराग्लाइडिङका तीन नयाँ कम्पनी

पोखरा-प्याराग्लाइडिङका तीनवटा नयाँ कम्पनी थपिएका छन्। अब पोखराको आकाशमा प्याराग्लाइडिङ गर्ने कम्पनी संख्या २२ पुगेको नेपाल हवाई खेलकुद संस्थाले जनाएको छ। साहसी पर्यटकको संख्या बढ्दै गएपछि कम्पनी थपेको पर्यटन व्यवसायीले...

सरकारले नै बाँड्न थाल्यो ग्यास

सरकारले नै बाँड्न थाल्यो ग्यास

काठमाडौं-सरकारले अनुगमन चुस्त गराएर उद्योगीको कार्टेलिङ तोड्न नसकेपछि बजार हस्तक्षेप गर्दै आफैंले ग्यास बाँड्न थालेको छ। दुई महिनादेखि कृत्रिम अभाव गराइरहेका ग्यास उद्योगीलाई कानुनी कारबाही गर्न नसकेपछि उसले आइतबारदेखि टेकुस्थित...

नयाँ जहाजलाई दर्जन पाइलट आह्वान

नयाँ जहाजलाई दर्जन पाइलट आह्वान

काठमाडौं- राष्ट्रिय ध्वजावाहक नेपाल वायुसेवा निगमले अन्तर्राष्ट्रिय उडान गर्ने नयाँ दुई ठूला जहाजका लागि करिब एक दर्जन पाइलट (क्याप्टेन) लिने भएको छ। निगम व्यवस्थापनले शनिबार सार्वजनिक सूचना आह्वान गरी करार...

नेशनल ट्रेडिङले तीन दिन ग्यास बाँड्ने

नेशनल ट्रेडिङले तीन दिन ग्यास बाँड्ने

काठमाडौं– ग्यासको चरम अभाव भएका बेला सरकार तथा निजीक्षेत्रको पहलमा तीन दिनसम्म नेशनल टे्रडिङको जग्गामा स्टल राखेर ग्यास बिक्री गरिने भएको छ। वाणिज्य तथा आपूर्ति मन्त्रालय, ग्यास विक्रेता महासंघ, नेपाल आयल...

दुई आयोजनामा खिचातानी

दुई आयोजनामा खिचातानी

काठमाडौं- बढ्दो विद्युत संकट कम गर्न विकास समिति गठन गरी द्रुत गतिमा निर्माण गर्ने लक्ष्य राखिएका बूढीगण्डकी र नलसिंहगाढ जलाशय जलविद्युत आयोजना अहिले राजनीतिक भागबण्डा र खिचातानीको सिकार बनेका छन्।