Tuesday 11 Jestha, 2073 |
Menu

अर्थ

republica-headerdiscount-subscribe1

istl

'आउँदो वर्ष नै १० प्रतिशत लाभांश दिने क्षमता बैंकसँग छ'

(0 votes)
प्युठान जिल्लाको झिमरुक विकास बैंकले वैशाख २७ गतेबाट १ लाख ६० हजार कित्ता साधारण सेयर निस्कासन गर्दैछ। एक जिल्ला कार्यक्षेत्र भएको बैंकको सेयर निस्कासनपछि चुक्ता पुँजी ४ करोड रुपैयाँ पुग्ने छ। सुन धितोदेखि व्यवसायिक क्षेत्रसम्म कर्जा लगानी गरेको बैंकले नियमन निकायबाट स्वीकृति पाए आउँदो वर्ष नै १० प्रतिशत नगद लाभांश बाँड्ने योजना बनाएको छ।
nepali-patro-may

तीन वटा शाखा र एउटा एक्सटेन्सन काउन्टर रहेको बैंकको सेयर, आगामी योजनालगायतका बारेमा नागरिकले प्रमुख कार्यकारी अधिकृत मदनवहादुर केसीसँग गरिएको कुराकानी : 

लगानीकर्ताले झिमरुकको साधारण सेयरमा किन लगानी गर्ने?
हामीले तीन वर्षदेखि प्युठानका दुर्गम स्थानमा दुःख गरेर कारोबार अगाडि बढाएका छौं। अन्य बैंक नभएर बैंकिङ पहुँचबाट बाहिर रहेकाहरुले हाम्रो उपस्थितिबाट सेवा पाएका छन्। प्युठानमा निजी क्षेत्रको पहिलो बैंक भएर उभिँदा हामीले जनतालाई बैंकसम्म ल्याउन धेरै मिहिनेत गरेका छौं। यही कारण अहिले हाम्रो वित्तीय अवस्था सबल छ। गत चैतमा हामीले ७६ लाख नाफा गरेका छौं। आउँदो असार मसान्तसम्म १ करोड नाफा पुग्छ। यो हिसाबले आउँदो वर्ष हामी अकर्षक लगानी दिन सक्ने अवस्थामा पुग्ने भएकाले हाम्रो सेयरमा लगानीकर्ताले पैसा हाल्दा राम्रो लाभ उठाउन सक्छन्।

अहिले कतिपय वित्तीय संस्थाको सेयर नै सय रुपैयाँभन्दा कममा पाइरहेका बेला, झिमरुकमा किन बढी पैसा हाल्ने?
सेयर भनेको दीर्घकालिन लगानी पनि हो। दोस्रो बजारमा किनबेच गरेर पनि यसबाट लाभ उठाउन सकिन्छ। हाम्रो कारोबारको वृद्धि राम्रो भएकाले आगामी दिनमा लाभांश पनि राम्रो नै हुन्छ। नियमन निकायले स्वीकृति प्रदान गरेमा आउँदो वर्ष नै हामी १० प्रतिशत नगद लाभांश दिन्छौं। अहिले हाम्रो तीन वटा शाखा र एउटा एक्सटेन्सन काउन्टर छ। सञ्जाल बढाएर कारोबार विस्तार गर्दैछौं। अहिले हामीसँग ३० करोड निक्षेप छ। हामीजस्तै प्रकृति भएका अन्य बैंकको भन्दा यो ठूलो निक्षेप हो। कर्जा विस्तार पनि २५ करोड गरिसकेका छौं। हाम्रो खराव कर्जा ०.०२५ प्रतिशत मात्र छ। सानो सानो लगानी गर्ने भएकाले हाम्रोमा जोखिम पनि कम छ। त्यही भएर यसमा हालेको पैसा खेर जाँदैन। राम्रो लाभ हुन्छ।

लगानी सुरक्षाको पनि कुरा आउँछ। कतिको ढुक्क हुन सकिन्छ?
हामीसँग ५५ जना संस्थापक सेयरधनी छन्। जुन व्यवसायिक क्षेत्रका साथै प्रशासक, चिकित्सकलगायत हुन्। उनीहरुको प्रतिष्ठाका कारण पनि लगानी सुरक्षित मान्न सकिन्छ। यसबाहेक हामीले सानो सानो लगानी गर्ने भएकाले ऋण डुबिहाले पनि समस्या हुन्न। तर अहिलेसम्म हाम्रो ऋण राम्रो अवस्थामा छ। ऋण दिँदा धितो पनि बलियो लिएका छौं। सञ्चालन जोखिममा केही समस्या हुन्छ कि भनेर यसमा विशेष सचेतना अपनाएका छौं। ठूलो भनिएको ऋण ५ देखि १५ लाखको बीचमा छ। २ लाखभन्दा माथिका कर्जा धेरै कम छ। चौतर्फी रुपमा हेर्दा लगानीका लागि झिमरुकलाई सुरक्षित मान्न सकिन्छ। 

कस्तो खालको ऋण लगानी गरिरहनु भएको छ?
हामीले हायर पर्चेज, व्यवसायिक, साना तथा मझौला, कृषि, कुखरा पालन, वैदेशिक रोजगारलागायत क्षेत्रमा लगानी गरिरहेका छौं। यातायातका साधनका साथै सुन धितो कर्जा पनि दिइरहेका छौं। यहाँ सुन कर्जाको माग बढि भएकाले त्यो कर्जा दिन्छौं। गाउँमा २४ देखि ३६ प्रतिशतसम्म चल्ने सुन धितो कर्जा हामीले निकै सस्तोमा दिइरहेका छौं सुन कर्जा हामी कागजात पुगेको १५ मिनेटभित्र नै दिन्छौं। यो कर्जा हाम्रो कुल लगानीको २० प्रतिशत जति छ। वैदेशिक रोजगार कर्जा आवश्यक प्रक्रिया पुरा गरेर डेढ लाख रुपैयाँसम्म दिइरहेका छौं।

बैंकलाई दीगो रुपमा अगाडि बढाउने कस्ता योजनाहरु छन्?
अब हामीलाई एउटा जिल्लाको निक्षेपबाट मात्र कारोबार अगाडि बढाउन कठिन हुन थालेको छ। अहिले एउटा वाणिज्य बैंक, एक राष्ट्रियस्तरको विकास बैंक र हामीसहित अर्को एउटा एक जिल्ले विकास बैंक यहाँ छ। त्यही भएर हामीले कार्यक्षेत्र विस्तार गर्नु पर्ने भएको छ। कारोबार विस्तारका लागि हामीसँग दुई वटा विकल्पहरु छन्। कि कार्य क्षेत्र विस्तार गर्ने नभए अर्को बलियो र सञ्जाल भएको संस्थासँग मर्ज हुने। हामीले दुवै विकल्पका लागि साधारणसभाबाट स्वीकृति लिइसकेका छौं। चाँडै यो प्रक्रिया अगाडि बढ्छ। हामीसँग लगानी गर्ने पूर्वाधार तयार भइसकेकाले पनि क्षेत्र विस्तार गर्नु पर्ने आवश्यकता छ।

प्रतिक्रिया

गिरान्चौर बस्तीलाई अमेरिकाबाट नुवाकोटे दिण्डुको ६ लाख

गिरान्चौर बस्तीलाई अमेरिकाबाट नुवाकोटे दिण्डुको ६ लाख

काठमाडौं– गिरान्चौर एकीकृत बस्ती निर्माणका लागि दिण्डु लामा ह्योल्मोले ६ लाख ६ हजार ६ सय ६ रुपैयाँ सहयोग गरेका छन्।  

हिमालय एयरलाइन्सले जेठ १८ देखि दोहाको सिधा उडान गर्ने (भिडियो)

हिमालय एयरलाइन्सले जेठ १८ देखि दोहाको सिधा उडान गर्ने (भिडियो)

काठमाडौं— नेपाल चीन संयुक्त लगानीको हिमालय एयरलाइन्सले १८ जेठ (३१ मे) देखि काठमाडौं—दोहा रुटमा दैनिक सिधा उडान गर्ने भएको छ। हिमालयको एयरबस ३२०—२१४ जहाज काठमाडौंबाट राति ११ बजे उड्नेछ भने...

अवरोध पश्चात बैंकहरुको कर्जामा वृद्धि

अवरोध पश्चात बैंकहरुको कर्जामा वृद्धि

२९ वटै वाणिज्य बैंकहरुले चालु आवको तेस्रो त्रैमास (चैत मसान्तसम्म)को वित्तीय विवरण सार्वजनिक गरिसकेका छन्। एक दुई अपावादलाई छाड्ने हो भने सबै वाणिज्य बैंकले विनाशकारी भूकम्पलगत्तै लामो तराई–मधेस आन्दोलन र...

विदेशी कब्जामा बिजुली-नदी

काठमाडौं- अधिंकाश ठूला जलविद्युत आयोजना निर्माण जिम्मा लिएका विदेशी कम्पनीले दशकौंदेखि नदी तथा खोला कब्जामा राखेका छन्। बिजुली उत्पादन नहुँदा नेपाली भने दैनिक १५ घन्टासम्म लोडसेडिङ झेल्दै अँध्यारोमा बाँच्न बाध्य...

पर्यटन प्रवर्द्धन गर्न 'मिसन कोरला–२०१६'

पर्यटन प्रवर्द्धन गर्न 'मिसन कोरला–२०१६'

पोखरा– नेपाल पर्यटन बोर्डको सहयोग एवम् पोखरा पर्यटन परिषद्को संयोजनमा पर्यटन प्रवर्द्धन गर्ने उद्देश्यका साथ पोखरादेखि नेपाल चीनबीचको नाका कोरलासम्मको ५ दिवशीय अवलोकन भ्रमण गरिने भएको छ।  

प्राथमिकता निर्धारण गरी कार्यक्रम ल्याऊ : निजी क्षेत्र

प्राथमिकता निर्धारण गरी कार्यक्रम ल्याऊ : निजी क्षेत्र

वीरगन्ज- पछिल्लो पटक ६ महिने मधेस आन्दोलन र साढे चार महिना चलेको सिमानाका बन्दको प्रत्यक्ष मार खपेको मुलुककै प्रमुख औद्योगिक तथा व्यापारिक नगर वीरगन्जका निजी क्षेत्रका अगुवासँग नेपाल रिपब्लिक मिडियाले...

आज पनि ४० आरोही सगरमाथा शिखरमा

आज पनि ४० आरोही सगरमाथा शिखरमा

काठमाडौं– शुक्रबार पनि ४० जनाभन्दा बढी आरोहीले सगरमाथा शिखर चुम्न सफल भएका छन्। महिना दिनदेखि उपयुक्त मौसम कुरेर सगरमाथा आधार शिविरमा बसिरहेका २ सय ८८ विदेशी र १ नेपाली आरोही...

एकैदिन २०२ ले चुमे शिखर

एकैदिन २०२ ले चुमे शिखर

काठमाडौं- सर्वोच्च शिखर सगरमाथा आरोहणक्रममा बिहीबार एकैदिन २ सयभन्दा बढी आरोहीले चुचुरोमा विजयी झन्डा फहराएका छन्। बुधबार रातिदेखि उकालो लागेका दर्जनौंमध्ये स्वदेशी तथा विदेशी २ सय २ जना आरोही बिहीबार...