Sunday 9 Kartik, 2071 |
Menu

अर्थ

पर्यटकीय मार्गमै पर्यटन गाडीलाई अवरोध

  • १४ बैशाख, २०७०
  • सन्तोष पोखरेल
  • DISQUS_COMMENTS
(1 Vote)
पर्यटकीय मार्गमै पर्यटन गाडीलाई अवरोध
पोखरा - पर्यटकीय पदमार्गमा पर्ने नयाँपुल–घान्दु्रक सडक खण्डका यातायात व्यवसायीले एकाधिकार (सिन्डिकेट) लाद्दै पर्यटकबाहक सवारी चल्न रोकेका छन्। शनिबार जापानी पर्यटकको समूह बोकेर घान्द्रुक गएको एक जिपलाई स्थानीय यातायात व्यवसायीले रोक लगाउँदै जरिवाना तिराएर छाडे। पोखराबाट पाँच जापानी लिएर घान्द्रुक गएको ग. १ य ५६३ नम्बरको पर्यटक नम्बर प्लेटको जिपलाई नयाँपुल, वीरेठाँटी, घान्द्रुक, तिखेढुंगा जिप व्यवसायी समितिमा आबद्ध व्यवसायीका पदाधिकारीले रोकेको गाइड मछिन्द्र राईले जानकारी दिए।
'घान्द्रुकका लागि पोखरादेखि जिप रिजर्भ गरेर गइरहेका थियौँ, वीरेठाँटीबाट अघि बढ्न लागेकै बेला केही युवा आएर हामीलाई जान पाइँदैन भनेर रोके,' उनले भने, 'स्थानीय समितिमा आबद्ध जिपबाहेक अन्य सवारी चल्न नदिने भन्दै उनीहरुले गाडी जान दिएनन्।'
स्थानीय यातायात व्यवसायीको जिपमा जानुपर्ने भन्दै समितिमा आबद्ध युवाले रोकेको उनले बताए। 'कि पर्यटक ओरालेर हिँडेर जानुपर्छ, नत्र हाम्रो जिपमै लैजानुपर्छ भनेर उनीहरुले करिब डेढ घन्टा रोके,' उनले भने, 'पछि १ हजार २ सय रुपैयाँ जरिवाना तिरेपछि बल्लतल्ल जान दिए।' 
एक पटकका लागि भन्दै आफूहरुलाई जान दिएको उनले बताए। जरिवाना तिरेर जिपले पर्यटकलाई घान्द्रुक प्रवेशमार्गको स्याउलीबजार पुर्यालएर फर्केको थियो। वीरेठाँटी–स्याउलीबजार करिब पाँच किलोमिटर दुरीमा छ। 
पर्यटकीय मार्गमा यातायात व्यवसायीले एकाधिकार कायम गर्दा पर्यटकलाई असर परेको उनले बताए। 'स्याउलीबजारसम्म जिप लैजान नपाए टे्रकिङ नै नजाने भन्दै पर्यटक रिसाएपछि जरिवाना तिरेरमात्र अघि बढ्न दिए,' राईले नागरिकसँग भने, 'पर्यटक निकै नै दुःखी छन्। यसले नराम्रो सन्देश प्रवाह हुने अवस्था आएको छ।' 
जापानी पर्यटक घान्द्रुक, लान्द्रुक, पोथाना हुँदै पोखरा फर्कने पाँच दिनको पदयात्रामा गएका थिए। रिजर्भ गरेर लगेको गाडी लैजान नदिने भए 'एसियुक्त' अर्काे जिप खोजिदिन भन्दा त्यसको जिम्मा नलिने जवाफ फर्काएको जिपका चालक दुर्गादत्त दाहालले बताए। 
'पर्यटकहरु यो गर्मीमा हिँड्न सक्दैनन्, त्यसैले एसियुक्त जिप रिजर्भ गरेका हुन्, हाम्रो गाडी जान नदिने भए अर्को यस्तै जिप खोजिदिनुस् भन्दा झनै धम्काए,' दाहालले भने, 'हाम्रै गाडी चढ्नुपर्छ भन्दै जिद्धिमात्र गरिरहे, एसि जिप खोजिदिन नसक्ने भन्दै पैसा असुले।' सुरुमा २ हजार ५ सय रुपैयाँ मागे पनि पछि एक पटकका लागि भन्दै १ हजार २ सयमा जान दिएको उनले बताए। 
पर्यटन व्यवसायीले पनि यो घटनाको विरोध गरेका छन्। मुलुकबाट सिन्डिकेट हटिसकेको अवस्थामा पर्यटकीय पदमार्गमा कायम राख्दा यसले पर्यटन व्यवसायमा नकारात्मक सन्देश फैलाउने नेपाल एसोसिएसन अफ टुर एन्ड ट्राभल एजेन्ट्स (नाट्टा) का अध्यक्ष केदार शर्माले बताए। 
'स्वतन्त्र रुपमा जुनसुकै व्यवसाय गर्न पाइन्छ, तर एकाधिकार कायम गर्न खोजे कानुनविपरीत हो' उनले भने, 'जिप रिजर्भ गरेर गाउँ गएका पर्यटकलाई हतास बनाउने गरी स्थानीय यातायात व्यवसायीले दुःख दिनु निकै लज्जास्पद हो।' 
पदमार्गमा गएका पर्यटकलाई दुःख दिँदा अन्तर्राष्ट्रिय स्तरमा नकारात्मक सन्देश जाने उनले बताए। 'दुःख पाएका ती पर्यटकबाट अब घान्द्रुकबारे सकारात्मक सन्देश पक्कै जाँदैन, त्यसको बेफाइदा समग्र पर्यटन व्यवसायमा पर्छ,' शर्माले भने, 'एकाधिकार कायम गर्न खोज्नेलाई कानुनी कारबाही हुनुपर्छ।'
नयाँपुल, वीरेठाँटी, घान्द्रुक, तिखेढुंगा जिप व्यवसायी समितिले पनि उक्त मार्गमा आबद्धबाहेक अन्य सवारीलाई प्रवेश गर्न नदिने निर्णय गरेको अध्यक्ष दीपक गुरुङले बताए। 
'जबर्जस्ती पैसा लिने हाम्रो नीति छैन, तर समितिमा आबद्धबाहेक अन्य सवारीलाई वीरेठाँटी–घान्द्रुक खण्डमा चल्न नदिने निर्णय गरेका छौं,' उनले भने, 'हामीले पनि व्यवसाय गरेका छौं, लाखौं खर्चेर त्यो रुटमा जिप चलाएका छौं। रिजर्भ गरेर आएका गाडी चल्ने हो भने हामीले खानै पाउँदैनौं।' समितिमा अहिले ३३ वटा जिप आबद्ध छन्। 
कास्कीका प्रमुख जिल्ला अधिकारी यादवप्रसाद कोइरालाले एकाधिकार कायम गर्न खोज्ने व्यवसायीलाई कारबाही गरिने बताए। 'कुन कानुनअन्तर्गत पैसा लिएको हो, छानविन गरेर कारवाही गर्छौं,' उनले भने।
तिहारलाई आधा फूल लोकल, आधा भारतीय

तिहारलाई आधा फूल लोकल, आधा भारतीय

पोखरा-बिरौटाकी मञ्जिता भण्डारीको बारीभरि ढकमक्क सयपत्री फुलेको छ। अहिले ती फूल टिप्ने हो भने बोटका अरु कोपिला मौलाएर फेरि अरु फूल उत्पादन हुन्थ्यो। तर बजारमा बिक्री गर्ने बेला नहुँदै फूल...

माइक्रोसफ्ट सिइओले कति तलब पाउँछन‍्?

माइक्रोसफ्ट सिइओले कति तलब पाउँछन‍्?

सियाटल— विश्वको सफ्टवेयर बादशाह माइक्रोसफ्ट कर्पोरेशनले आफ्ना सिइओलाई कति तलब दिन्छ होला? सम्झौताअनुसार यो वर्षका लागि सबै सुविधा सहित माइक्रोसफ्ट सिइओ सत्य नाडेलाले ८ करोड ४३ लाख अमेरिकी डलर पाउने...

न्यु जेनेरेसन स्कर्पियो बजारमा

न्यु जेनेरेसन स्कर्पियो बजारमा

काठमाडौ– भारतको महिन्द्रा एन्ड महिन्द्रा कम्पनीले न्यु जेनरेसन स्कर्पियो नेपाली बजारमा ल्याएको छ। कम्पनीको नेपालका लागि आधिकारिक वितरक अग्नि इन्कर्पोरेटेडले यो गाडी सोमबार नेपाली बजारमा सार्वजनिक गरेको हो। १२० पीएस पावर...

युवा स्वरोजगार कोष दुरुपयोग : कागजमा एउटा, प्रयोग अन्यत्र

युवा स्वरोजगार कोष दुरुपयोग : कागजमा एउटा, प्रयोग अन्यत्र

सुर्खेत/दैलेख- वीरेन्द्रनगर–५ का मानबहादुर दर्लामीले एक वर्षअघि ‘कुखुरापालन व्यवसाय गर्ने’ भन्दै युवा तथा साना व्यवसायी स्वरोजगार कोषबाट सवा एक लाख रुपैयाँ ऋण लगे। त्यसको करिब आधा रकम खर्चेर उनले केही...

नेपाली ठग्ने भारतीय एजेन्ट कारबाहीमा

काठमाडौं- नेपाल प्रहरीको लागि ल्याएको सामान जाँचपास प्रक्रियामा ठग्ने भारतीय कम्पनीकारबाहीमा परेको छ। कोलकातास्थ्ति नेपाली महावाणिज्यदूतावासले नेपाल प्रहरीको सामान ल्याउँदा ठगेको आरोपमा कोलकाताको रसेल स्ट्रिटस्थित शुभम इन्टरप्राइजेजलाई कारबाही गरेको हो।...

बैंकले खाइदियो ग्राहकको पाँच करोड

बैंकले खाइदियो ग्राहकको पाँच करोड

काठमाडौं-राजधानीको झोंछेस्थित न्यु एसिया प्यासिफिक ट्रेडर्सका सञ्चालक विश्वनाथ अग्रवाल त्यतिखेर छाँगाबाट खसेझैं भए, जब एचएन्डबी डेभलपमेन्ट बैंकमा रहेको आफ्नो खाताबाट झन्डै ५ करोड रुपैयाँ गायब भएको थाहा पाए।

पर्यटक बढे, व्यापार घट्यो

पर्यटक बढे, व्यापार घट्यो

पर्वत-अन्नपूर्ण पदयात्रामा जाने पर्यटक बढे पनि वीरेठाँटी क्षेत्रका होटलको व्यापार ओरालो लागेको छ। पोखरा हुँदै आउने पर्यटक वीरेठाँटी नझरी सवारी साधनमा सिधै ताम्ले पुगेपछि व्यापार घटेको हो।‘गत वर्षभन्दा पर्यटक निकै...

कस्ता छन् एप्पलका सबैभन्दा पातला आइप्याड?

कस्ता छन् एप्पलका सबैभन्दा पातला आइप्याड?

लन्डन— एप्पलले आइप्याड एयर टु र आइप्याड मिनी थ्री दुई नयाँ ट्याब्लेट छिटै बजारमा ल्याउँदैछ। विश्वको सबैभन्दा महँगो ब्रान्डको रुपमा स्थान जमाएको एप्पलकाअनुसार यी दुवै ट्याब अहिलेसम्मका सबैभन्दा पातला हुनेछन्।