16 Shrawn, 2072 |
Menu

कला

ist-cc

'शिरीषको फूल' शुक्रबारदेखि

(0 votes)
'शिरीषको फूल' शुक्रबारदेखि
काठमाडौं – पारिजातको उपन्यास 'शिरीषको फूल'मा आधारित फिल्म शुक्रबार रिलिज हुने भएको छ। जापानका तोसिआकी इतोहले चार वर्ष लगाई निर्देशन गरेको फिल्म अहिले काठमाडौं उपत्यकामा मात्र चल्नेछ। टोकियो युनिभर्सिटीका आम सञ्चार विभागका प्राध्यापक रहेका तोसिआकीले यसअघि बालमनोविज्ञानमा आधारित ५० मिनेट लामो नेपाली फिल्म 'कठपुतली' निर्देशन गरेका थिए। नेपाली फिल्मको इतिहासमाथि नै विद्यावारिधी गरेका तोसिआकीले 'शिरीषको फूल'लाई जापानी भाषामा समेत रिलिज गर्नेछन्।

दोस्रो विश्वयुद्धबाट भागेर आएका सुयोगवीर र जीवनलाई निस्सारवादी कोणबाट नियाल्ने मध्यम वर्गीय परिवारकी सकम्बरी फिल्मका मुख्य पात्र हुन्। सुयोगवीरको भूमिकामा गणेश लामा र सकम्बरीमा शर्मिला गुरुङको अभिनय रहेको छ। फिल्म बनाउँदा कलात्मक मूल्यको दायराभित्र बस्ने प्रयास गरिएको निर्मातासमेत रहेका लामाले बताएका छन्। निर्माण पक्षले जापानी भाषामा उपलब्ध गराएपछि निर्देशक तोसिआकीले 'शिरीषको फूल' पढ्न पाएका हुन्। उपन्यासको कलात्मकता र जापानी सेनाको प्रसंगले उनी प्रभावित भएका रहेछन्।

नेपाली फिल्ममाथि विद्यावारिधी गर्दा फिल्मको धार, स्वाद र दर्शक चाहनालाई राम्रोसँग बुझ्न पाएकोले आफूमा फेरि नेपाली फिल्म निर्देशन गर्ने हिम्मत पलाएको उनले बताए। फिल्म बनाउनुअघि उनले उपन्यास दर्जनौंपटक पढे। 'मेरो विचारमा कुनै पनि कृतिमाथि फिल्म बनाउनु सजिलो कुरा होइन। यस्तोमा अनेक कृतिगत सीमानाहरु हुन्छन्, जसलाई निर्देशकले चाहेरै पनि स्वतन्त्र रुपमा तोड्न सक्दैन। यसमा पनि मैले यस्तै कोसिस गरेको छु' निर्देशकले भने। फिल्म क्रियशन नेपाल र जमिन फिल्मस्को सहकार्यमा बनेको 'शिरीषको फूल'का सहनिर्देशक देशभक्त खनाल र विजयरत्न तुलाधर हुन्। नयनराज पाण्डे र तोसिआकी इतोहको पटकथामा अप्सरा कार्की, सौजन्य सुब्बा, वसुन्धरा भुषाल, श्याम राई, जगत राजथला, गोपाल भुटानी, लक्ष्मी भुषाल, सन्तोष लामा, गणेश मुनाल, इन्दिरा गोले गुरुङ लगायतले पनि अभिनय गरेका छन्। गौरीशंकर ध्वजुको सिनेमाटोग्राफीमा नारायण जिसीले फिल्म खिचेका हुन्। फिल्मको सुटिङ पनौती, भक्तपर, खोकना, बुङमती, बज्रबाहारी र पोखरामा भएको थियो।

प्रतिक्रिया

पचास वर्ष धकेलिए नारायण!

पचास वर्ष धकेलिए नारायण!

काठमाडौं– भूकम्पका कारण लेखक नारायण ढकालको नयाँ उपन्यास ‘वृषभ वध' विमोचन नगरीकनै बजारमा आएको छ। प्रकाशक फाइन प्रिन्टले विमोचनको तयारी गर्दै गर्दा भूकम्प आएको थियो। पाठकको मागका कारण पुस्तकलाई ढिलो...

सिनेमा हलमा दर्शक फर्कंदै

सिनेमा हलमा दर्शक फर्कंदै

काठमाडौं-महाभूकम्पको पराकम्पनले तर्साइरहे पनि सामान्य मर्मतसम्भारपछि केही सिनेमा हलहरु सुचारु हुन थालेका छन्। राजधानीका विश्वज्योति, गोपीकृष्ण मुभिज, पुष्पाञ्जली, क्युएफएक्स अन्तर्गतका जयनेपाल र कुमारी, बिग सिनेमा, राइजिङ मलस्थित क्युज सिनेमाज् लगायत...

परदेशिनेहरुका ‘जिम्दा सपना’

परदेशिनेहरुका ‘जिम्दा सपना’

काठमाडौं– राजधानीको कालिकास्थानस्थित सर्वनाम रंगमञ्चमा राज शाह लिखित–निर्देशित ‘जिम्दा सपना’ मञ्चन भइरहेको छ। नाटकले बोकेको कथाका कारण दर्शकहरुले यसलाई रुचाइरहेको निर्देशक राजले बताएका छन्। ‘हामीले भारी–भरकम कुनै विषय उठाएका छैनौँ,’...

‘अझै पनि' र ईशाको जम्काभेट

‘अझै पनि' र ईशाको जम्काभेट

काठमाडौं– नेपाली फिल्म ‘अझै पनि' युनिटले बलिउड अभिनेत्री ईशा देवललाई भेटेको छ। प्रचारप्रसारका लागि भ्रमणमा रहेको फिल्म टोलीले पोखराबाट फर्कने क्रममा कुरिनटारमा रहेकी ईशालाई सोमबार भेटेको हो। भेटमा ईशाले नेपाली...

मलिना बन्ने भो ‘झम्की'

मलिना बन्ने भो ‘झम्की'

काठमाडौं– पूर्व मिस नेपाल मलिना जोशी ‘ऋतु'पछि फेरि अर्को फिल्म ‘झुम्की'मा नायिका बन्ने भएकी छन्। सोमबार काठमाडौंको मण्डला थियटरमा निर्माण घोषणा भएको ‘झुम्की'बाट ‘ऋतु' फिल्मका एक निर्माता अपिल विष्ट निर्देशनमा...

सिम्पल र स्वीट 'जेरी'

सिम्पल र स्वीट 'जेरी'

यात्राले मान्छेलाई धेरै थोक सिकाउँछ। जेरीले पनि सिक्छ। मुस्ताङसम्म तन्किएको घुमफिरमा उसले थुप्रै हन्डर खान्छ र आफूलाई चिन्ने अवसर पाउँछ।मुस्ताङलाई फन्को लगाउने क्रममा जेरी (अनमोल केसी) र काठमाडौंकी किशोरी आकांक्षा...

रत्‍नजीत र सरादेवी च्याम्पियन

काठमाडौं- साविक विजेता रत्‍नजीत तामाङले चौथो पुष्पलाल स्मृति राष्ट्रिय र्याशङकिङ ब्याडमिन्टन प्रतियोगितामा उपाधि रक्षा गरेका छन्। आर्मीका रत्नजीतले आइतबारको फाइनलमा त्रिपुरेश्वरस्थित राष्ट्रिय खेलकुद परिषदको कभर्ड हलमा आफ्नै क्लबका विकास श्रेष्ठलाई...

सिनेमाण्डुमा सहाराको 'इन्द्रेणी खोज्दै जाँदा'

सिनेमाण्डुमा सहाराको 'इन्द्रेणी खोज्दै जाँदा'

काठमाडौं– निर्देशक सहारा शर्माको फिल्म 'इन्द्रेणी खोज्दै जाँदा'ले अन्तरक्रियात्मक कार्यक्रममा सहभागिता जनाएको छ। बुधबार राजधानीको नेपाल भारत पुस्तकालयमा आयोजित सिनेमाण्डुमा 'इन्द्रेणी खोज्दै जाँदा' फिल्म समेत प्रदर्शन गरियो। फिल्म प्रदर्शनसहित फिल्म...