Sunday 13 Baishak, 2072 |
Menu

राजनीति

sagoon

भारतविरोधी गतिविधि रोक्न प्रतिबद्ध छौं : दाहाल

(0 votes)
काठमाडौं - भारतीय प्रधानमन्त्री मनमोहन सिंहले नेपाल भारतबीचको दुई देशीय साझेदारीको अभिवृद्धिपछि मात्रै भारत, नेपाल र चीनबीचको त्रिपक्षीय साझेदारी सम्भव हुने बताएका छन्। चार दिने भारत भ्रमणमा रहेका एकीकृत नेकपा माओवादीका अध्यक्ष पुष्पकमल दाहालसँगको भेटमा भारतीय प्रधानमन्त्री सिंहले त्यस्तो बताएका हुन। भारतको सुरक्षा चासोलाई सम्बोधन गर्न आफूहरु सम्वेदनशील भएको भन्दै दाहालले नेपालको भूमिमा हुने सबैखाले भारतविरोधी गतिविधि रोक्ने प्रतिबद्धता व्यक्त गरे।

सिंहले एकीकृत नेकपा माओवादीले हेटौडा महाधिवेशनपछि लिएको प्रगतिशील राष्ट्रवाद र आर्थिक उत्पादनको अवधारणालाई समर्थन गर्दै त्यसको लागि भारत सहयोग गर्न तयार रहेको बताएका थिए। उनले भारतको चाहना राजनीतिक रुपमा स्थायीत्व प्राप्त गरेको सम्पन्न नेपाल हेर्ने भएको स्पष्ट पार्दै त्यसको लागि सहयोग गर्ने प्रतिबद्धता व्यक्त गरेका थिए। सिंहले नेपालमा लोकतन्त्रको विकासको लागि दलहरुको सहमतिको आधारमा मंसिर भित्रै संविधानसभाको निर्वाचन हुनु पर्नेमा जोड दिँदै निर्वाचनको लागि आवश्यक सहयोग गर्न भारत तयार रहेको समेत बताएका थिए।

नेपालमा निर्वाचनकै लागि प्रधान न्यायधीशको नेतृत्वमा चुनावी सरकार गठन भएकोमा सिंहले खुसी व्यक्त गरेका थिए।

प्रधानमन्त्री सिंहले शान्ति प्रक्रियालाई सफलतापूर्वक सम्पन्न गरेकोमा बधाई दिँदै संविधानसभा मार्फत संविधान लेखेर नेपालको लोकतन्त्र बलियो बनाउन शुभकामना दिएका थिए। वार्तामा दाहालले भारतबाट लामो समयदेखि प्रधानमन्त्री तहको नेपाल भ्रमण हुन नसकेको भन्दै प्रधानमन्त्री सिंहलाई नेपाल भ्रमणको निम्तो दिएका थिए। जसमा सिंहले पनि आफू नेपाल आउन इच्छुक भए पनि उपयुक्त समय नभएकोले नगएको भन्दै उपयुक्त समयमा नेपाल भ्रमणमा आउने प्रतिबद्धता व्यक्त गरेका थिए।

भारतीय प्रधानमन्त्रीको रेसकोर्स रोडस्थित निवासमा झण्डै ३५ मिनेट भएको भेटवार्तामा एमाओवादीका नेता कृष्णबहादुर महरा र भारतको तर्फबाट प्रधानमन्त्रीका सुरक्षा सल्लाहकार शिवशंकर मेनन, विदेश सचिव रञ्जन मथाई, नेपाल हेर्ने सहसचिव अखिलेष मिश्र र नेपालका लागि भारतीय राजदुत जयन्तप्रसाद सहभागी थिए।

दाहालको नयाँ विकल्प : दुवैको प्रस्ताव मस्यौदामा

काठमाडौं- एकीकृत नेकपा माओवादी अध्यक्ष पुष्पकमल दाहालले संघीयताका मुद्दामा सहमति जुट्न नसके सत्तापक्ष र विपक्षी दुवैको प्रस्ताव संविधानको मस्यौदामा उल्लेख गरेर जनताको राय लिन सकिने विकल्प अघि सारेका छन्।

बाङडुङ सम्मेलन : शान्ति, विकास र समृद्धि साझा लक्ष्य

जाकर्ता (इन्डोनेसिया)- इन्डोनेसियाको जाकार्तामा जारी एसिया–अफ्रिका सम्मेलन शुक्रबार समापन भएको छ। जाकार्तामा बिहीबार सम्पन्न शिखर सम्मेलनले पारित गरेका महŒवपूर्ण तीनवटा दस्ताबेजलाई ऐतिहासिक सहर बाङडुङमा आयोजित स्मृति सभामार्फत घोषणा गर्दै सम्मेलनको...

मधेस मुद्दामा 'व्यक्तित्व टकराव'

मधेस मुद्दामा 'व्यक्तित्व टकराव'

काठमाडौं- संविधान निर्माणसँग सम्बन्धित राजनीतिक मुद्दालाई लिएर मधेसका दुई प्रभावशाली नेता विजयकुमार गच्छदार र उपेन्द्र यादवबीच 'व्यक्तिगत टकराव' चुलिँदो छ। यसले तराई–मधेस राजनीतिक वृत्तलाई नै दुई भागमा विभाजित गरेको छ...

छात्रवृत्तिमा पढ्ने चिकित्सकको विवरण देऊ : सर्वोच्च

काठमाडौं– सर्वोच्च अदालतले सरकारी छात्रवृत्तिमा अध्ययन गर्न विदेश गएका सम्पूर्ण चिकित्सकको अद्यावधिक विवरण उपलब्ध गराउन शिक्षा मन्त्रालयको नाममा आदेश जारी गरेको छ।

म्यानमारका राष्ट्रपतिको सोधे- 'लुम्बिनीमा विमानस्थल कहिले बन्छ?'

म्यानमारका राष्ट्रपतिको सोधे- 'लुम्बिनीमा विमानस्थल कहिले बन्छ?'

जाकर्ता (इन्डोनेसिया)– इन्डोनेसियाको जाकर्तामा जारी एशिया–अफ्रिका सम्मेलन शुक्रबार समापन भएको छ । जाकर्तामा बिहीबार सम्पन्न शिखर सम्मेलनले पारित गरेका महत्वपूर्ण तीनवटा दस्ताबेजलाई ऐतिहासिक सहर बाङडुङमा आयोजित स्मृति सभामार्फत् घोषणा गर्दै...

संविधान बनाउने जिम्मा दिए दुई घन्टामै बनाएर देखाइदिन्छु : दाहाल

काठमाडौं- एकीकृत माओवादीका अध्यक्ष पुष्पकमल दाहालले संविधान बनाउने जिम्मा आफूलाई दिए दुई घन्टामै बनाइदिने बताएका छन्। लाजिम्पाटस्थित निवासमा सञ्चारकर्मीसँग कुराकानी गर्दै अध्यक्ष दाहालले संविधान बनाउने भूमिकामा आफूभन्दा बढी सत्तारुढ भएकाले...

जातीय राज्य असम्भव : खनाल

इलाम– संविधान निर्माणका झण्डै ९५ प्रतिशत काम सकिएको र संघीयताका विषयमा मात्रै विवाद रहेको उल्लेख गर्दै एमाले वरिष्ठ नेता झलनाथ खनालले बहुमतीय प्रणालीबाटै भए पनि अविलम्ब संविधान निर्माण गरिने बताएका...

एसिया–अफ्रिका सम्मेलन आज सकिँदै

जाकर्ता (इन्डोनेसिया)- इन्डोनेसियाको जाकर्तामा जारी एसिया–अफ्रिका सम्मेलन आज सकिँदै छ। जाकर्तामा बिहीबार सम्पन्न शिखर सम्मेलनले पारित गरेका महत्वपूर्ण तीनवटा दस्ताबेजलाई ऐतिहासिक सहर बाङडुङमा हुने स्मृति सभामार्फत आज घोषणा गरिदैँछ। शिखर...