Monday 21 Ashad, 2072 |
Menu

राजनीति

ist-cc

कांग्रेसमा समन्वय समिति

(0 votes)
काठमाडौं– नेपाली कांग्रेसले पार्टी महाधिवेशन सकिएको अढाई वर्षपछि अञ्चल समन्वय समिति गठन गरेका छन्। पार्टी संगठन सुदृढीकरण र अञ्चलसँग समन्वय गर्न सभापति सुशील कोइरालाले संगठन सुदृढीकरण कार्ययोजनाको परिच्छेद २० र पार्टी नियमावलीअनुसार संयोजक र समिति गठन गरेको पार्टी मुख्यसचिव चिनकाजी श्रेष्ठद्वारा जारी विज्ञप्तिमा छ। 
सोमबारै कांग्रेसको काठमाडौं उपत्यका समन्वय समिति पनि गठन भएको छ।  
कांग्रेसले मेची संयोजकमा महेन्द्र यादव, कोसीमा पदमनारायण चौधरी, सगरमाथामा केशवकुमार बुढाथोकी, जनकपुरमा रामकुमार चौधरी, बागमतीमा सुश्री रत्न शेरचन, नारायणीमा रामचन्द्र तिवारी, गण्डकीमा कृष्णचन्द्र नेपाली, लुम्बिनीमा सुरेन्द्रराज पाण्डे, धवलागिरीमा एन.पी.साउद, कर्णालीमा मीन विश्वकर्मा, सेतीमा ज्ञानेन्द्रबहादुर कार्की र महाकालीमा जीवनबहादुर शाहीलाई तोकेको छ।
यो समितिमा पूर्व केन्द्रीय सदस्य, पूर्व सांसद, जिल्ला सभापतिका साथै क्रियाशील सदस्यबाट पाँचजना रहने छन्। अञ्चलभित्रका केन्द्रीय सदस्य समितिको आमन्त्रित सदस्य रहने कांग्रेसले जनाएको छ।
काठमाडौं उपत्यका समन्वय समितिको संयोजकको जिम्मेवारी रामकृष्ण तामम्राकारले पाएका छन्। उपत्यकाभित्रका जिल्ला र क्षेत्रीय सभापति समितिको सदस्य रहने छन्।
कांग्रेसले अझै सहमहामन्त्री, पाँच केन्द्रीय सदस्य र संसदीय समिति गठन गरेको छैन। यसअघि गठन भएका विभागले पनि विवादका कारण पूर्णता पाउन सकेको छैन। पार्टी विधानले महाधिवेशन सम्पन्न भएको दुई महिनाभित्र सबै तहको समितिलाई पूर्णता दिनु पर्ने व्यवस्था गरेको छ।

विदेशीले पनि एमालेको सरकार चाहेको छ : ओली

विराटनगर– नेकपा एमालेका अध्यक्ष केपी शर्मा ओलीले राष्ट्रिय सरकारको नेतृत्व एमालेले गर्नुपर्नेमा बिदेशीलेसमेत इच्छा राखेको बताएका छन्। उनले सिंहदरवारमा प्रधानमन्त्रीको अर्को एउटा फोटो झुण्ड्याउन एमाले सरकारमा जान नचाहेको समेत बताए।

काठमाडाैंलाई नाकाबन्दीसहित दानापानी बन्द गर्ने महतोको धम्की

काठमाडौं–सदभावना पार्टीका अध्यक्ष राजेन्द्र महतोले संविधानको अन्तिम मस्यौदामा मधेसको माग नसमेटिए दानापानी रोक्ने गरी काठमाडौलाई नाकाबन्दी आन्दोलन गर्ने चेतावनी दिएका छन।

संविधानसभालाई रबर स्ट्याम्प बनाएको भन्दै खेद व्यक्त

काठमाडौं–केही समिति राजनीतिक दलले संविधानसभालाई रबर स्ट्याम्पको रुपमा प्रयोग गरेको भन्दै राप्रपा नेपालले खेद व्यक्त गरेको छ। असार १८ बाट सुरु भएको केन्द्रीय कार्यसमितिको बैठकले संविधानका अर्न्तवस्तुमा प्रयाप्त छलफल गर्न...

काँग्रेस संसदीय दलको बैठकमा 'बहुलवाद'को पक्षमा उभिन सुझाव

काठमाडैं-नेपाली काँग्रेस संसदीय दल र केन्द्रीय कार्यसमितिको आइतबार बसेको संयुक्त बैठकमा बोल्ने अधिकांश सदस्यहरुले लोकतन्त्रको मूल्य मान्यतालाई संस्थागत गर्न बहुलवादको पक्षमा पार्टी स्पष्ट ढङ्गले उभिनुपर्ने सुझाव दिएका छन्।

आठ प्रदेशको खाका अनुचितः पौडेल

काठमाडौं– नेपाली कांग्रेसका उपसभापति रामचन्द्र पौडेले आठ प्रदेशको संघीयताको खाका आफूलाई उचित नलागेको बताएका छन्। मस्यौदामामाथिको छलफलमा आइतबार भाग लिँदै उपसभापति पौडेलले नेपालको अवस्थाका लागि ६ प्रदेश उचित हुने जिकिर...

साउनको दोस्रो सातासम्ममा संविधान जारी हुन्छ: अध्यक्ष ओली

विराटनगर-नेकपा (एमाले) अध्यक्ष केपी शर्मा ओलीले साउनको दोस्रो सातासम्ममा संविधान जारी हुने विश्वास व्यक्त गरेका छन्।विराटनगर विमानस्थलमा आइतबार पत्रकारहरुसँग सङ्क्षिप्त कुराकानी गर्दै उनले संविधानको प्रारम्भिक मस्यौदा संविधानसभाबाट पास भएपछि जनताको...

असन्तुष्ट मधेसी दलद्वारा संविधानसभा बहिष्कार

काठमाडौं–प्रमुख राजनीतिक दलबीच भएको १६ बुँदे सहमतिको विरोधमा रहेका चार मधेस केन्द्रितले दलले आइतबार बसेको संविधानसभाको बैठक बहिष्कार गरेका छन्।

यस्तो छ गृहमन्त्री–आइजिपी सम्बन्ध

काठमाडौं-डेढ वर्षअघि गृहमन्त्रीमा एमाले उपाध्यक्ष वामदेव गौतमको नाम आउँदा प्रहरी अधिकारीहरू सशंकित भएका थिए। दुईचोटि गृह मन्त्रालय सम्हालिसकेका गौतमको हस्पक्षेपकारी कार्यशैली र संगठन प्रमुखसँगको तितो सम्बन्धसँग उनीहरू जानकार थिए।