Tuesday 21 Baishak, 2073 |
Menu

राजनीति

republica-headerdiscount-subscribe1

istl

एमाले केन्द्रीय सदस्यमा ११ जना थपिँदै

(0 votes)
काठमाडौं – नेकपा एमाले स्थायी कमिटीले बहुपहिचानसहितको संघीयताका पक्षधर आदिवासी जनजाति नेतासहित ११ जनालाई केन्द्रीय सदस्यमा मनोनयनका लागि सिफारिस गरेको छ। 
nepalipatr-april

विभिन्न कारणले केन्द्रीय कमिटीमा रिक्त ९ स्थानका लागि स्थायी कमिटीको सोमबार बसेको बैठकले पाँचथरका गणेश कम्वाङ, भोजपुरका राजेन्द्र राई र शेरधन राई, महोत्तरीका रामदयाल मण्डल, मुगुका चन्द्रबहादुर शाही, सिन्धुपाल्चोकका शेरबहादुर तामाङ, चितवनका केशवलाल श्रेष्ठ, तनहुँका एकबहादुर राना र काठमाडौंका सानु श्रेष्ठको नाम सिफारिस गरेको हो। सोमबार सिफारिस गरिएको नाममा महिला भने छैनन्।
संविधानसभाका पूर्वअध्यक्ष सुभाषचन्द्र नेम्वाङ र महोत्तरीका ज्ञानबहादुर भुजेललाई केन्द्रीय कमिटीले मनोनयन गर्न पाउने पाँच प्रतिशतअतर्गत केन्द्रीय सदस्यका लागि सिफारिस गरिएको छ। यी नाम २५ गतेबाट सुरु हुने केन्द्रीय कमिटी बैठकमा अनुमोदनका लागि प्रस्तुत गरिने छ। त्यसपछि जेठ २२ र २३ गते पोलिटब्युरो बैठक बस्ने छ।
स्थायी कमिटी बैठकले थप गरिने केन्द्रीय सदस्यको नाम सर्वसम्मत पारित गरेको हो। वैशाख पहिलो साता पोलिटब्युरो बैठकले अध्यक्ष झलनाथ खनाल, वरिष्ठ नेता माधवकुमार नेपाल र स्थायी कमिटी सदस्य केपी ओलीलाई मापदण्ड तयार पारी नाम सिफारिस गर्ने जिम्मा दिएको थियो। राज्य पुनर्संरचनाबारे असन्तुष्टि जनाउँदै बाहिरिएका नेताहरूको स्थानमा सोही पृष्ठभूमि र लामो समयदेखि केन्द्रीय सदस्य भएकालाई ल्याउने सहमति बनेको थियो।
एकल पहिचानसहितको संघीयताको पक्षमा पार्टी नलागेको भन्दै उपाध्यक्ष अशोक राईसहितका आदिवासी तथा जनजाति नेताहरूले असन्तुष्टि जनाएका बेला शेरधन राई नेतृत्वको आदिवासी–जनजाति पृष्ठभूमिका विभिन्न जिल्ला अध्यक्षले संस्थापन पक्षलाई साथ दिएका थिए। उनीहरूले बहुजातीय पहिचानको पक्षमा अभियान चलाएका थिए।
अशोक राईसँगै ६ केन्द्रीय सदस्य बाहिरिएका थिए भने निधन, पार्टी कारबाही तथा अर्को पार्टीमा  प्रवेशले थप तीन स्थान खाली थियो। यसरी रिक्त स्थानमा सोही पृष्ठभूमिका व्यक्तिको नाम सिफारिस गरिएको एक स्थायी कमिटी सदस्यले बताए।
तेह्रथुमका विजय सुब्बाका स्थानमा पाँचथरका काम्वाङको नाम परेको छ। त्यसैगरी अशोक राई, अजम्बर काङमाङ राई र रकम चेम्जोङको स्थानमा भोजपुरका जिल्ला अध्यक्ष शेरधन राई र अनेरास्ववियुका पूर्वअध्यक्ष राजेन्द्र राईलाई छानिएको छ। मकवानपुरका वीरबहादुर लामाको स्थानमा सिन्धुपाल्चोकका शेरबहादुर तामाङ, रामचन्द्र झाको स्थानमा महोत्तरीका रामदयाल मण्डल र राजेन्द्र श्रेष्ठको स्थानमा अखिल नेपाल किसान महासंघका उपाध्यक्ष केशवलाल श्रेष्ठको नाम परेको छ।
डिल्लीबहादुर महतको निधन भएपछि रिक्त स्थानमा कर्णालीका अञ्चल कमिटीका सचिव चन्द्रबहादुर शाहीलाई ल्याइएको भने पार्टी कारबाहीमा परेका रविन्द्र श्रेष्ठको स्थानमा उपत्यका समन्वय कमिटीका सचिव सानु श्रेष्ठको नाम सिफारिस गरिएको छ।
पार्टी विधानअनुसार १ सय १६ सदस्यीय केन्द्रीय कमिटीको ५ प्रतिशत सदस्य मनोनयन गर्ने व्यवस्थाअनुसार ६ गरी १५ सदस्य मनोनयन हुन सक्छन्। नेताहरूको छुट्टाछुट्टै लिस्टका कारण लामो समयदेखि सदस्य मनोनयन हुन सकेको थिएन।
विधानअनुसार अझै चार सदस्य मनोनयनको सिफारिस हुन सक्छ। त्यसमा पर्न पुराना तथा युवा नेताबीच चर्को प्रतिस्पर्धा छ। लामो समयदेखि केन्द्रीय नेतृत्वमा रहेका तर आठौं महाधिवेशनमा पराजित भएर जिम्मेवारीविहीन भएकालाई ल्याउने तयारी पार्टी नेतृत्वको छ तर युवा नेतालाई समेटिनु पर्ने माग पनि उठेको छ।

प्रतिक्रिया

यस्तो देखियो फोरम लोकतान्त्रिकको महाधिवेशन [फोटो फिचर]

मधेसी जनअधिकार फोरम लोकतान्त्रिकको प्रथम राष्ट्रिय अधिवेशन आजदेखि बिराटनगरमा सुरु भएको छ। बिराटनगरस्थित सहिद मैदान भएको उद्घापटनमा विभन्न राजनीतिक दलका प्रमुख नेताहरु उपस्थिति थिए। कार्यक्रममा भारतका नेताहरु पनि उपस्थित थिए।...

संसद नियमावलीमा सहमति जुटेन, भोलि संसदमा पेस हुने

काठमाडौं- दलहरुबीच सहमति नजुटेपछि सात महिनादेखि विवादित बन्दै आएको संसद नियमावली व्यवस्थापिका संसदमा प्रस्तुत हुने भएको छ। सोमबार बसेको नियामवली मस्यौदा समितिको बैठकमा पनि सहमति नजुटेपछि भोलि (मंगलबार) बस्ने संसद...

कांग्रेसले दश जिल्लाको अधिवेशन किन गर्न सकेन ?

काठमाडौं- नेपाली कांग्रेसले केन्द्रीय अधिवेशनअघि नै सम्पन्न गरिसक्नुपर्ने १० जिल्लाको अधिवेशन मिति अझै टुङ्गो लगाउन सकेको छैन। केन्द्रीय महाधिवेशन सकिएको दुई महिना हुँदासमेत विविध कारण रोकिएको १० जिल्लाको अधिवेशन अझै...

एमाले अध्यक्षमा ओली पक्षधर शाही विजयी

एमाले अध्यक्षमा ओली पक्षधर शाही विजयी

कालिकोट– नेकपा (एमाले) कालिकोटको नवौं जिल्ला अधिवेशनमा ओली पक्षधरका नगिन्द्र शाही (नेशनल) अध्यक्ष पदमा विजयी भएका छन्। शाहीले २ सय ३२ मत प्राप्त गरी अध्यक्ष पदमा निर्वाचित भएका हुन्।

कांग्रेसले 'छाँया' सरकार बनाउने

काठमाडौं–प्रमुख प्रतिपक्ष नेपाली कांग्रेसले प्रत्येक मन्त्रालयले गरेको कामको अध्ययन गर्न समिति गठन गर्ने भएको छ। सोमबार बसेको कांग्रेस संसदीय दलको बैठकमा सरकारको चर्को आलोचना भएपछि सभापति एवं संसदीय दलका नेता...

सरकार होइन, काम गर्ने शैली परिवर्तन गर्नुपर्छ : दाहाल

बिराटनगर- एकीकृत नेकपा माओवादीका अध्यक्ष पुष्पकमल दाहालले अहिल्यै सरकार परिवर्तन गर्ने बेला नभएको बताएका छन्। फोरम लोकतान्त्रिकको महाधिवेशनमा सम्बोधन गर्दै अध्यक्ष दाहालले सरकार परिवर्तभन्दा पनि सरकारको काम गर्ने शैली परिवर्तन...

फोरम लोकतान्त्रिकको महाधिवेशनमा प्रम ओली गएनन्

बिराटनगर- सत्ता साझेदार दल नेकपा एमाले अध्यक्ष एवं प्रधानमन्त्री केपी शर्मा ओली मधेसी जनअधिकार फोरम लोकतान्त्रिकको महाधिवेशनमा अनुपस्थित भएका छन्। प्रधानमन्त्री ओली आज १२ बजे बिराटनगर एयरपोर्ट अवतरण गर्ने कार्यक्रम...

काँग्रेस सरकार परिवर्तनको पक्षमा छैन: महामन्त्री कोइराला

अमेरिका (क्यालिफोर्निया)— अमेरिका भ्रमणमा रहेका नेपाली काँग्रेसका महामन्त्री डा.शशाङ्क कोइरालाले आफ्नो पार्टी सरकार परिवर्तनको खेलमा नरहेको बताएका छन्।