Friday 14 Kartik, 2071 |
Menu

राजनीति

गाउँबस्तीमा निर्वाचनको माहोल सुरु भइसकेको छ : आयुक्त उप्रेती

  • मङ्गलबार १७ बैशाख, २०७०
  • रासस
  • DISQUS_COMMENTS
(0 votes)
पोखरा - प्रमुख निर्वाचन आयुक्त नीलकण्ठ उप्रेतीले मुलुकका गाउँबस्तीमा निर्वाचनको माहोल सुरु भइसकेकाले सबै राजनीतिक दललाई सो कार्यमा अघि बढ्न आग्रह गरेका छन् । जिल्ला निर्वाचन कार्यालय कास्कीको आयोजनामा सरोकारवालाहरुसँगको एकदिने अन्तरक्रिया कार्यक्रमलाई आज सम्बोधन गर्दै प्रमुख निर्वाचन आयुक्त उप्रेतीले निर्वाचन आयोग एक साझा संवैधानिक निकाय भएकाले यसले गर्ने निष्पक्षतामा शङ्का नगर्न पनि आग्रह गरे ।
आगामी संविधानसभाको निर्वाचनमा करिब एक करोड ५४ लाख मतदाताले मतदान गर्ने जानकारी उनले दिए ।निर्वाचनलाई स्वच्छता, निष्पक्षता र विश्वसनीयताको उचाइमा पुर्याएर परिणाम निकाल्न निर्वाचन आयोग प्रतिबद्ध छ भन्दै उनले सबै राजनीतिक दल, मतदाता, कर्मचारी र सुरक्षाकर्मीलाई निर्वाचनमा सहभागी हुन आग्रह गरे ।
निर्वाचनका लागि मतदाता र आवश्यक ऐन, कानुन अत्यावश्यक पर्ने भएकाले आयोगले मतदाता नामावली सङ्कलन गर्न गाउँगाउँमा पठाएको टोलीलाई सहयोग पुर्यायउन सबै दलसँग उनले आग्रह गरे ।
प्रमुख निर्वाचन आयुक्त उप्रेतीले सरकारले केही दिनपछि निर्वाचनको मिति तोक्ने पनि जानकारी दिए । 
प्रमुख जिल्ला अधिकारी यादव कोइरालाको अध्यक्षतामा भएको उक्त कार्यक्रममा निर्वाचन आयोगका सचिव नारायणगोपाल मलेगो, सहक्षेत्रीय प्रशासक ध्रुव ढकाल र जिल्ला निर्वाचन कार्यालयका प्रमुख घनश्याम भण्डारीले पनि मन्तव्य व्यक्त गरेका थिए ।
अन्तरक्रिया कार्यक्रममा कास्की र स्याङ्जा जिल्लाका निर्वाचन कार्यालयका कर्मचारी, सबै राजनीतिक दल, विभिन्न कार्यालय र सङ्घसंस्थाका प्रतिनिधि तथा सञ्चारकर्मीहरुको सहभागिता रहेको छ।

राजनीतिक भागबन्डाले सहमति जटिल : भट्टराई

कठमाडौं– संवैधानिक-राजनीतिक संवाद तथा सहमति समितिका अध्यक्ष बाबुराम भट्टराईले संविधानका विवादित विषयमा सहमतिमा पुग्ने कार्य केही नेता र पार्टीको सत्ताप्रतिको चासोले गर्दा जटिल भएको बताएका छन्। कुनै पार्टीको नाम नलिई...

संघीयता बारे रसियन राजदूतले के भने?

काठमाडौं– नेपालका लागि रुसका राजदुत सेरेगेई भ्यासिलोभिच भेलिच्किनले यान्त्रिक पहिचानको आधारमा संघीय राज्य बनाउन नहुने सुझाव दिएका छन्। बिहीबार रिपोर्टर्स क्लबले आयोजना गरेको साक्षात्कार कार्यक्रममा राजदुत भेलिच्किनले सिमान्तकृत तथा पिछडिएका...

कोइराला, ओली र दाहाल गोप्य बैठक गर्दै

काठमाडौं– संविधान सभाका विवादित विषयमा सहमति जुटाउन सक्रिय मुख्य तीन दलका शीर्ष तीन नेताहरुले गोप्य बैठक गर्ने भएका छन्। आज अपरान्हका बबरमहल स्थित शान्ति कोषको सचिवालयमा तोकिएको बैठक विषय प्रवेश...

भट्टराईद्वारा सूर्यबहादुर र कमल थापाहरुसँग परामर्श

काठमाडौं— संविधान सभाको संवैधानिक–राजनीतिक संवाद तथा सहमति समितिका सभापति बाबुराम भट्टराईले बिहीबार पूर्वपञ्च एवं कम्युनिस्ट नेताहरुसँग सामुहिक परामर्श गरेका छन्। आज उनले पूर्वप्रधानमन्त्री सूर्यबहादुर थापा, राप्रपा नेपालका अध्यक्ष कमल थापा,...

प्रदेशमा कांग्रेस–एमालेबीच सहमति

काठमाडौं- संविधान सभाका मुख्य दुई ठूला दल नेपाली कांग्रेस र नेकपा (एमाले) ले ६ वा ७ प्रदेशमा राज्यको संघीय पुन:संरचना गर्नेबारे सहमत भएका छन्।

१० दिनमा १४२ अभियुक्त पक्राउ

काठमाडौं-अदालतबाट भएको अन्तिम फैसला बेवास्ता गरेर बसेका अभियुक्तसँग कैद तथा जरिवाना असुल गर्न न्यायालयले अभियान थालेयता १ सय ४२ जना पक्राउ परेका छन्।

क्षतिपूर्ति बडापत्र लागु गर्न निर्देशन

काठमाडौं-राष्ट्रिय सतर्कता केन्द्रले क्षतिपूर्तिसहितको बडापत्र सञ्चालनमा ल्याउन सबै सरकारी निकायलाई निर्देशन दिएको छ। केन्द्रले सबै मन्त्रालयहरुलाई मातहतका निकायमा ढिलासुस्ती रोक्न क्षतिपूर्तिसहितको नागरिक बडापत्र सञ्चालनमा ल्याउन निर्देशन दिएको हो।

सार्क सम्मेलनको नारा- ‘शान्ति र समृद्धिका लागि गहन सम्मिलन'

काठमाडौं– आसन्न दक्षिण एसियाली क्षेत्रीय सहयोग सङ्गठन (सार्क) को अठारौं शिखर सम्मेलनका लागि ‘शान्ति र समृद्धिका लागि गहन सम्मिलन' भन्ने नारा तय भएको छ। शिखर सम्मेलन आगामी मङ्सिर १० र...