Sunday 17 Shrawn, 2072 |
Menu

राजनीति

ist-cc

निर्वाचन मितिबारे राष्ट्रपति परामर्शमा

(0 votes)
काठमाडौं– राष्ट्रपति रामवरण यादवले निर्वाचन मितिबारे परामर्श थालेका छन्। केही दिन गृहनगर बसेर राजधानी फर्केका उनले सोमबार मन्त्रिपरिषद अध्यक्ष खिलराज रेग्मी र नेपाली कांग्रेसका सभापति सुशील कोइरालालाई सबै पक्षको सहमतिमा निर्वाचन मिति घोषणा गर्न आग्रह गरे। 

राष्ट्रपति यादवलाई भेट्न अध्यक्ष रेग्मी साँझ र कोइराला बिहान शीतल निवास पुगेका थिए। राष्ट्रपतिले रेग्मीसँग निर्वाचनसम्बद्ध तयारी, दलहरूसँगको छलफलका साथै निर्वाचनसम्बन्धी अध्यादेशबारे जानकारी लिएका थिए। 'निर्वाचनको विपक्षमा देखिएका दलसँगको छलफल कहाँ पुग्यो?' राष्ट्रपतिलाई उद्धृत गर्दै स्रोतले भने, 'वार्ता र छलफललाई तीब्र बनाउनुस्।'
राष्ट्रपतिले अध्यादेशसहित सबै विषयमा दलीय सहमति जुटाउन आग्रह गरेका थिए। जवाफमा रेग्मीले सरकारको तर्फबाट प्रयास भइरहेको र निर्वाचनसम्बन्धी अध्यादेशमा छिट्टै सहमतिमा पुग्ने आश्वासन दिएका थिए।
रेग्मीका प्रेस सल्लाहकार विमल गौतमले भने भेटमा राजनीतिक कुरा नभएको दाबी गरे। 'नियमित तर अनौपचारिक भेट भएकाले राजनीतिक विषयमा कुरा भएन,' उनले भने।
यसअघिको भेटमा मन्त्रिपरिषद अध्यक्ष रेग्मीले निर्वाचनको विरोधमा रहेका दललाई सहमतिमा ल्याउन राष्ट्रपति र प्रमुख चार दलको सहयोग मागेका थिए। राष्ट्रपतिले असन्तुष्ट दललाई सहमतिमा ल्याउन पहल गर्ने आश्वासन दिएका थिए।
राष्ट्रपति यादवले उच्चस्तरीय राजनीतिक समितिका संयोजक एवं कांग्रेस सभापति कोइरालासँग पनि निर्वाचनको विरोधमा रहेका दललाई सहमतिमा ल्याउने प्रयासबारे चासो व्यक्त गरेका थिए। 'तपाई उच्चस्तरीय राजनीतिक समितिको संयोजक भएपछि निर्वाचनको वातावरण बनाउन के–के प्रयास गर्नुभयो?' राष्ट्रपतिलाई उद्धृत गर्दै स्रोतले भने, 'विरोधमा रहेका दललाई तत्काल सहमतिमा ल्याई छिटो निर्वाचनको वातावरण बनाउने काम गर्नुहोस्।'
कोइरालाले विरोधमा रहेका दलसँग छलफल थालेको बताएका थिए। निर्वाचनसम्बन्धी ऐनमा पनि छिट्टै सहमतिमा पुग्ने आश्वासन उनले दिएका थिए। राष्ट्रपति यादवले मंगलबार बिहान एमाले अध्यक्ष झलनाथ खनालसँग परामर्श गर्दैछन्।

प्रतिक्रिया

कांग्रेसमा बहुलवाद नछाड्न दबाब

कांग्रेसमा बहुलवाद नछाड्न दबाब

काठमाडौं- नेपाली कांग्रेसका अधिकांश नेताले संविधान मस्यौदाको प्रस्तावनामा बहुलवाद शब्द राख्न नेतृत्वलाई दबाब दिएका छन्। केन्द्रीय समिति र संसदीय दलको संयुक्त बैठकमा बोल्दै नेताहरूले पार्टीको आदर्श र सिद्धान्त छाडेर सम्झौता...

वार्ता उपसमितिले बुझायो प्रतिवेदन

काठमाडौं- संवैधानिक–राजनीतिक संवाद तथा सहमति समितिको प्रारम्भिक वार्ता उपसमितिले आफ्नो प्रतिवेदन समितिसमक्ष बुझाएको छ। कांग्रेस नेता आनन्दप्रसाद ढुंगानाको नेतृत्वमा रहेको उपसमितिले संविधानसभामा रहेका राजनीतिक दल, बाहिर रहेका दल र सशस्त्र...

स्वायत्त थरुहट माग्दै आन्दोलन घोषणा

स्वायत्त थरुहट माग्दै आन्दोलन घोषणा

काठमाडौं- थारुको स्वायत्त र संरक्षित प्रदेश माग गर्दै थारु सभासदले चरणबद्ध आन्दोलन घोषणा गरेका छन्। राजधानीमा शनिबार संयुक्त पत्रकार सम्मेलन गर्दै उनीहरूले संविधानसभा बैठकमा रोस्ट्रम घेराउ, नाराबाजी, बहिष्कार र थरुहट...

आइतबार चार बजेसम्म विवादित विषयमा सहमति जुटाइने

काठमाडौँ-संवैधानिक राजनीतिक संवाद तथा सहमति समितिले आइतबार अपराह्न चार बजेसम्म संविधान निर्माणमा देखिएका विवादित विषयलाई टुङ्गो लगाएर एकीकृत मस्यौदा तयार पार्ने भएको छ ।

खुला बजार अर्थतन्त्रलाई स‍ंविधानमा लिपिबद्ध गर्छाैं: अध्यक्ष दाहाल

काठमाडाैं– एकीकृत नेकपा माओवादीका अध्यक्ष पुष्पकमल दाहालले खुला बजार अर्थतन्त्रको मूल्य र मान्यतामा नै आफ्नो पार्टी प्रतिबद्ध रहेको बताएका छन्।

फेरि सर्यो कांग्रेसको महाधिवेशन

काठमाडौं–नेपाली कांग्रेस केन्द्रीय कार्यसमितिको शनिबार बसेको बैठकले गाउँदेखि जिल्ला अधिवेशनको मिति सारेको छ । भदौ १ देखि सुरु गर्ने भनिएको अधिवेशन भदौ १७ गते गर्ने गरी सारिएको हो ।

चार मधेसी दलद्वारा संघर्षका कार्यक्रम सार्वजनिक

काठमाडौं–प्रमुख चार राजनीतिक दलबीच भएको १६ बुँदे सहमतिको विरोधमा रहेका चार मधेस केन्द्रित दलले संघर्षका कार्यक्रम सार्वजनिक गरेका छन् ।

एजेण्डा केन्द्रित विरोध गर्नुस् :भट्टराई

काठमाडौं–संवैधानिक राजनीतिक संवाद तथा सहमति समितिका सभापति बाबुराम भट्टराईले संविधानमा आफ्ना एजेण्डा समावेश गर्ने अहिले उचित समय भएको बताएका छन् ।