Sunday 13 Bhadra, 2072 |
Menu

समाज

republica-header

ist-cc

कालीगण्डकीमा पानी खेर फालियो

  • मङ्गलबार १७ बैशाख, २०७०
  • टेकनारायण भट्टराई
  • DISQUS_COMMENTS
(2 votes)
कालीगण्डकीमा पानी खेर फालियो
स्याङ्जा - विद्युत प्राधिकरण र कालीगण्डकी 'ए’ जलविद्युत केन्द्रबीच तालमेल नहुँदा बिजुली उत्पादन नगरी पानी खेर फाल्ने गरिएको छ।
मुलुकभर लोडसेडिङ कायमै भएको अवस्थामा यही वैशाख ८, ९, ११ र १५ मा बिजुली उत्पादन नगरी पानी खेर फाल्नुपरेको केन्द्रका कर्मचारीले जानकारी दिए।



प्राधिकरण भारप्रेषण केन्द्रका अधिकारीको लापरबाहीका कारण केन्द्रबाट क्षमताभन्दा कम परिमाणमा बिजुली उत्पादन भइरहेको ती कर्मचारीले बताए। भारप्रेषण केन्द्रको आदेश नभएसम्म कुनै पनि आयोजनाले बिजुली उत्पादन थपघट गर्न सक्दैन।
'पानी खेर फाल्दा एक दिनमा २ लाख ५० हजार युनिटसम्म बिजुली खेर गएको छ,’ ती कर्मचारीले भने, 'उत्पादन बढाउन माथिको आदेश नपाएपछि पानी खेर फाल्नुपरेको हो। जनतालाई ढाँट्न पानी नभएर बिजुली उत्पादन भएन भन्छन्, हामीले गेट खोलेर पानी फाल्नुपरेको छ।’
उनका अनुसार फागुनमा पनि ९ लाख युनिट बिजुली उत्पादन क्षमता बराबरको पानी खेर फालिएको थियो। पटकपटक लापरबाही हुँदा लोडसेडिङमात्र नभई प्राधिकरणले करोडौं घाटा सहनुपरेको छ।
भारप्रेषण केन्द्र प्रमुख भुवन क्षेत्रीले हावाहुरीका कारण प्रणालीमा समस्या हुँदा कहिले काहीँ तालमेल नमिलेर पानी खेर फाल्नुपरेको स्वीकार गरे। 'यो लापरबाही हैन प्राविधिक दुर्घटना हो,’ उनले भने, 'तीनवटा उत्पादन युनिटमध्ये एउटा बिग्रिएकाले कालीगण्डकी 'ए’ मा समस्या हुँदै आएको छ।’
कालीगण्डकी 'ए’ को १ सय ४४ मेगावाट उत्पादन क्षमतामध्ये ४८ मेगावाट क्षमताको एउटा मेसिन बिग्रिएका कारण अहिले ९६ मेगावाटमात्रै उत्पादन हुँदै आएको छ। बेलाबेलामा हुने लापरबाहीका कारण यही उत्पादन पनि नियमित हुन सकेको छैन।
भारप्रेषण केन्द्रका अधिकारीको लापरबाहीले पानी खेर गएको भन्दै प्राधिकरण ट्रेड युनियन सम्बद्ध कर्मचारी र स्थानीयवासीले सम्बद्ध अधिकारीलाई पटक–पटक ध्यानाकर्षण गराउँदै आएका छन्।
वर्षा हुने र पानीको बहाव बढ्ने सम्भावनालाई हेर्दै अहिले उत्पादन बढाएर जलाशयको तहलाई घटाई राख्नुपर्नेमा बेवास्ता गरिएको छ। काली गण्डकी ए को मिर्मीस्थित जलाशयको ६ सय २४ मिटर तहलाई घटाएर ६ सय २१/२२ सम्ममा झार्नुपर्नेमा उत्तिकै तहमा राखिएको छ।  
ठूला विद्युत सञ्चालन एवं संभार विभागले फागुन ९ मा भारप्रेषण केन्द्रलाई परिपत्र गरेर पानीको सञ्चयलाई व्यवस्थित गर्न निर्देशन दिएको थियो।
ठूला विद्युत सञ्चालन एवं सम्भार विभागका निर्देशक हितेन्द्र शाक्यले के कारणले पानी खेर फाल्नुपरेको भन्नेबारे खोजि गर्ने बताए। 'जलाशयको अवस्था निरन्तर अध्ययन गरेर कति उत्पादन गर्ने भन्ने योजना बनाउने काम भारप्रेषण केन्द्रको हो,’ शाक्यले नागरिकसँग भने 'उत्पादन क्षमता हुँदाहुँदै कम हुनु राष्ट्रकै लागि घाटा हो,।’

प्रतिक्रिया

१० लाख अमेरिकी डलरको सुनहक शान्ति पुरस्कार टोङ र गुप्तालाई

१० लाख अमेरिकी डलरको सुनहक शान्ति पुरस्कार टोङ र गुप्तालाई

दक्षिण कोरिया (सोल)– युनिभर्सल पिस फेडेरेसनको विश्व सम्मेलन तथा सुनहक शान्ति पुरस्कार कार्यक्रम शनिबार सम्पन्न भएको छ।

इट्टा उत्पादन गर्दै विद्यालय

सुर्खेत–पश्चिम सुर्खेतको जनज्योति उच्च मावि बड्डीचौरले इट्टा उत्पादन सुरु गरेको छ। विद्यालय भवन निर्माणका लागि इट्टा उत्पादन सुरु गरेको विद्यालयले यसलाई व्यवसायिक रुप दिने बताएको छ ।

२ लाख नगद रुपैयाँसहित जुवातास खेल्नेहरु पक्राउ

काठमाडौं– काठमाडौं बौद्ध धाराटोलस्थित आङगिल्डी शेर्पाको घरमा कोठा भाडामा लिई बस्ने ३० वर्षीय बुङमा लामाको कोठामा जुवातास खेलिरहेका १४ जनालाई पक्राउ गरेको प्रहरीको केन्द्रीय समाचार कक्षले जनाएको छ।

भरुवा बन्दुक पड्किँदा मृत्यु

काठमाडौँ-घर्तीगाउँ–३ लामिडाँडाका नगेन्द्र मगरकी दुई वर्षीया छोरी सृष्टिको भरुवा बन्दुक पड्कँदा शुक्रबार मृत्यु भएको छ।

खुकुरी प्रहारबाट ८ घाइते, घटनामा संलग्न ३ पक्राउ

ओखलढुंगा– जन्तरखानी–२ ठाडे बजार बस्ने १०–१२ जना व्यक्तिहरु मादक पदार्थ सेवन गरी एकआपसमा झगडा भएपछि खुकुरी प्रहार गर्दा सिद्धिचरण नगरपालिका–३ बस्ने २३ वर्षीय सुमन राईसहित ८ जना घाइते भएका छन्।

ललितपुरमा करिब दुई सय ट्रक गाँजाका बोट नष्ट

ललितपुर– ललितपुर जिल्लाका प्रहरी प्रमुख वरिष्ठ प्रहरी उपरीक्षक पीताम्बर अधिकारीले यस जिल्लामा प्रहरीले हाल अभियानका रूपमा काम गरी करिब ४ सय युवकलाई लागू पदार्थ दुव्र्यसनबाट मुक्त गर्न प्रयास गर्नुका साथै...

६ वर्षीया बालिका बालात्कृत

रौतहट–रौतहटको चन्द्रपुरमा नगरपालिकामा एक ६ वर्षीया बालिकामाथि बालात्कार भएको छ । चन्द्रपु नगरपालिका–१२ बसन्तपुरटोलमा १९ वर्षीय अजयराम चमारले छिमेकी ६ वर्षीया बालिकालाई बलात्कार गरेको प्रहरीले जनाएको छ।

मरिण खोलाले बगाएर ६० वर्षे वृद्धको मृत्यु

सिन्धुली– जिल्लाको कपिलाकोट–८ स्थित मरिणखोला तर्ने क्रममा एक बृद्धको खोलाले बगाएर ज्यान गएको छ।