Thursday 21 Falgun, 2071 |
Menu

खेल

HUB

ज्ञानेन्द्रले भिसा पाए

  • बुधबार ११ बैशाख, २०७०
  • विनोद पाण्डे
  • DISQUS_COMMENTS
(2 votes)
ज्ञानेन्द्र मल्ल ज्ञानेन्द्र मल्ल नागरिक
काठमाडौं– नेपाली राष्ट्रिय क्रिकेट टोलीका उपकप्तान ज्ञानेन्द्र मल्लले विश्व क्रिकेट लिग डिभिजन ३ मा सहभागिता जनाउने भएका छन्। दिल्लीस्थित ब्रिटिस उच्च नियोगले केही समयअघि मात्र ज्ञानेन्द्रलाई बेलायतको ट्रान्जिट भिसा प्रदान गरेको नेपाल क्रिकेट संघका सदस्य किरण राणाले नागरिकन्युजलाई बताए।

बेलायतको ट्रान्जिट भिसा नआए पनि ज्ञानेन्द्रबाहेक नेपाली टोली बुधबार दिउँसो दिल्ली उडेको थियो। दिल्लीमा नेपाली टोलीले ब्रिटिस भिसा बटुल्दै मध्यरातमा लन्डन हुँदै डिभिजन ३ आयोजक स्थल बर्मुडा लागेको छ। ज्ञानेन्द्र र नेपाली टोलीका प्राविधिक विश्लेषक रमन सिवाकोटी मंगलबार साँझ मात्र दिल्ली लागेका थिए। सिवाकोटी पनि मंगलबार मध्यरातमा नेपाली टोलीसँगै लन्डन हुँदै बर्मुडा लागिसकेका छन्। 
'ज्ञानेन्द्रको पहिला र अहिलेको राहदानीमा उमेर फरक देखिएको थियो। त्यसपछि उनको भिसा रोकिएको थियो। दिल्लीस्थित ब्रिटिश उच्च नियोगले ज्ञानेन्द्रसँग थप कागजात मागेको थियो, हामीले प्रहरी रिपोर्टसहित बुझाए पछि केही सोधपुछ गरेर ज्ञानेन्द्रलाई भिसा प्रदान गरेको छ,' राणले भने। उनले टिकट मिले आजै दिल्लीबाट ज्ञानेन्द्रलाई बर्मुडा पठाउने तयारी भइरहेको बताए। 
२००८ मा डिभिजन ५ खेल्न जर्सी जाँदा ज्ञानेन्द्रसहित नेपाली टोलीले बेलायतको भिसा लिएको थियो। ज्ञानेन्द्रको त्यति खेरको राहदानीको जन्म मिति र अहिलेको नयाँ राहदानीको जन्म मिति फरक छ। नेपाली टोली सबै मंगलबार राति दिल्लीबाट बमुर्डा उडे पनि ज्ञानेन्द्र भारतीय राजधानीमा भिसाको प्रबन्ध मिलाउन गएका क्यानका सदस्य बसन्तराज (अरुण) सत्यालसँगै थिए।
ज्ञानेन्द्रको अनिश्चितताका कारण वैकल्पिक नरेश बुढाऐरलाई पनि टोलीमा राखिएको थियो। नरेश मंगलबार नेपाली टोलीसँगै बर्मुडा लागिसकेका छन्। ज्ञानेन्द्र उपलब्ध हुने भएपछि नरेश नेपाली टोलीमा वैकल्पिक खेलाडीमात्र रहने छन्। 
मंगलबार बर्मुडा जाने नेपाली टोलीमा पारससहित, अनिल मण्डल, सुवाष खकुरेल, शरद भेषावकर, प्रदीप ऐरी, शक्ति गौचन, पृथु बाँस्कोटा, बसन्त रेग्मी, विनोद भण्डारी, सञ्जम रेग्मी, अमृत भट्टराई, चन्द्र साउद, राहुल विक छन्। त्यस्तै अफिसियलमा तारिणीविक्रम शाह (व्यवस्थापक), रमन सिवाकोटी (प्राविधिक विश्लेषक), पुबुदु दासानायके (प्रशिक्षक) र सुब्रमइएम (फिजियो) छन्। क्यान अध्यक्ष टंक आङबुहाङ केही दिनपछि बर्मुडा जाने कार्यक्रम छ।
कीर्तिमानै कीर्तिमान

कीर्तिमानै कीर्तिमान

क्यानबेरा– क्रिस गेलले विश्वकपमा कीर्तिमानी २ सय १५ रन जोडेपछि मंगलबार वेस्ट इन्डिजले जिम्बावेमाथि ७३ रनको पाएको छ। पहिलो खेलमा आइसिसीको एसोसिएट्स टोली आयरल्यान्डसँग ४ विकेटले स्तब्ध वेस्ट इन्डिजले तत्काल...

क्रिस गेल विद्रोही ब्याट्सम्यान

क्रिस गेल विद्रोही ब्याट्सम्यान

सिड्नी– धेरै कारणले गर्दा उनी एक विद्रोही हुन्, वेस्ट इन्डिजका क्रिकेट अधिकारीसँग उनको टसल त्यत्तिकै छ। तर तमाम विद्रोहीपनाका बाबजुद क्रिस गेल क्रिकेटका सुपरस्टार हुन् भन्नेमा कसैले अस्वीकार गर्न सक्दैन।...

क्रिकेट बिवादको अर्को शृंखला : कोइराला कार्यवाहक अध्यक्ष

क्रिकेट बिवादको अर्को शृंखला : कोइराला कार्यवाहक अध्यक्ष

काठमाडौं– राष्ट्रिय टोलीले मैदानभित्र दिनानुदिन सफलताका नयाँ सिढी चढिरहेका बेला नेपालको क्रिकेट प्रशासन भने बिवादको दलदलमा थप जाकिँदै गएको छ। सरकारबाट निलम्बित नेपाल क्रिकेट संघ (क्यान) का कार्यवाहक अध्यक्ष तारिणीविक्रम...

तेन्दुल्करविनाको भारत

तेन्दुल्करविनाको भारत

नयाँ दिल्ली– तेइस वर्षयता पहिलो पटक भारतीय क्रिकेट टोलीमा ब्याटिङ सुपर स्टार सचिन तेन्दुल्कर छैनन्।  करिब दुई वर्षअघि तेन्दुल्करले क्रिकेटबाट सन्यास लिएपछि त्यसको प्रत्यक्ष फाइदा चिर प्रतिद्वन्द्वी पाकिस्तानलाई पुग्ने अनुमान...

नेपालगन्जको क्रिकेट संकट

नेपालगन्जको क्रिकेट संकट

काठमाडौं-नेपाली क्रिकेटको उर्वरभूमि मानिने नेपालगन्ज अहिले संकटमा गुजि्ररहेको छ। नेपालगन्जलाई महिला क्रिकेटको उद्गमथलो नै मानिन्छ। तथापि थुप्रै पुरुष खेलाडीले पनि राष्ट्रिय टोलीबाट महत्व‍पूर्ण उपलब्धी बटुलेका छन्। घरेलु क्रिकेटमा विशेष योगदान...

एसपिए कपमा लम्कँदै पेन्टागन

एसपिए कपमा लम्कँदै पेन्टागन

धनगढी-राष्ट्रिय खेलाडीले भरिपूर्ण काठमाडौंको पेन्टागन कलेजले मंगलबार कञ्चनपुरको सनराइज उच्चमाविमाथि १६ रनले हराउँदै होटल डिभोटी एसपिए कप क्रिकेट प्रतियोगिताको सेमिफाइनलपक्का गरेको छ। टस हारेर ब्याटिङ गर्न आएको पेन्टागनबाट राष्ट्रिय खेलाडीद्वय...

अस्ट्रेलियाले उपाधि उचालेको एसियन कपका केहि झलक

अस्ट्रेलियाले उपाधि उचालेको एसियन कपका केहि झलक

सिड्नी– वैकल्पिक खेलाडी जेम्स ट्रोसीले दक्षिण कोरियाविरुद्ध अतिरिक्त समयमा आकर्षक गोल गरी आयोजक राष्ट्र अस्ट्रेलियाले एसियन कप फुटबलको ट्रफी उचालेको छ। अस्ट्रेलियाले ५५ वर्षयता ठूलो प्रतियोगिताको उपाधि जित्न सकेको थिएन।

पुबुदु र प्रफुल्ल सम्मानित

पुबुदु र प्रफुल्ल सम्मानित

धनगढी- नेपाली क्रिकेटका दुई हस्ती पुबुदु दासानायके र प्रफुल्ल वैद्य शुक्रबार सुदूरपश्चिमाञ्चल एकेडेमी (एसपिए) बाट सम्मानित भएका छन्। दी होटल डिभोटी कपको चौथो संस्करणको उद्घाटनका अवसरमा सिंचाइमन्त्री एनपी साउदले राष्ट्रिय...