Monday 16 Chaitra, 2071 |
Menu

खेल

HUB

सोसिडाड चौथो स्थानमा बलियो

  • मङ्गलबार १७ बैशाख, २०७०
  • एपी
  • DISQUS_COMMENTS
(0 votes)
स्ट्राइकर इमानोल एजिरेट्से स्ट्राइकर इमानोल एजिरेट्से
बार्सिलोना– रियाल सोसिडाडका स्ट्राइकर इमानोल एजिरेट्सेले दुई गोल गर्नुका साथै एक गोलको अवसर मिलाएपछि टोलीले आइतबार स्पेनिस ला लिगामा भ्यालेन्सियामाथि ४–२ को रोमाञ्चक जित पाएको छ।
पाँच खेल बाँकी छँदा पाएको जितपछि सोसिडाड चौथो स्थानमा पकड बलियो बनाउँदै आगामी सिजन च्याम्पियन्स लिग खेल्ने सम्भावना कायम राख्न सफल भयो। टोली पाँचौं स्थानको भ्यालेन्सियाभन्दा ५ अंकले माथि छ।
'हामीले पाएका अवसरको मौका उठायौं,' जारी सिजनमा व्यक्तिगत गोलसंख्या ११ पुर्याभएका एजिरेट्सेले भने, 'च्याम्पियन्स लिग खेल्ने अभियानमा यो एउटा ठूलो फड्को हो। तर, अझै  सकिएको छैन।'
रोबर्टो सोल्डाडोले भ्रमणकारी भ्यालेन्सियालाई २५औं मिनेटमा अग्रता दिलाएपछि सोसिडाडका लागि उरुग्वेका फरवार्ड गोन्जालो 'चोरी' क्यास्ट्रोको सहयोगमा इनिगो मार्टिनेजले गोल गर्दै ३८औं मिनेटमा खेल बराबरीमा ल्याए। चोरीले नै काउन्टर एट्याकमा गोल गर्दै ७३औं मिनेटमा खेल घरेलु टोलीको पक्षमा ल्याए। त्यपछि एजिरेट्सेले ८६ र ९०औं मिनेटमा गोल गर्दै सोसिडाडको जित पक्का गरे, जहाँ इन्जुरी समयमा जोनसले भ्यालेन्सियाबाट गरेको गोल सान्त्वनामा सीमित भयो।
पछिल्लो २३ खेलमा एकमात्र हार बेहोरेको सोसिडाड यो जितपछि अपराजित यात्रा १५औं खेलसम्म लम्ब्याउन सफल भयो।
अन्य खेलमा ग्रेनाडाले स्पान्योलमाथि १–० को विजय हासिल गर्दै रेलिगेसन क्षेत्रबाट माथि उठ्यो भने मालागाले गेटाफेलाई २–१ को नतिजामा हरायो। सेभिया र भालाडोलिडले १–१ को बराबरी खेले।
म्यानचेस्टरको बराबरी
लन्डन – रोबिन भान पर्सीको पेनाल्टी गोलमा उपाधि जितिसकेको म्यानचेस्टर युनाइटेडले आइतबार इङ्लिस प्रिमियर लिगमा आर्सनलसँग १–१ को बराबरी नतिजा निकालेको छ।
आर्सनल छोडेपछि इमिरेट्स रंगशालामा पहिलो पटक खेलेका २९ वर्षे डच स्ट्राइकरले मध्यान्तर हुन एक मिनेट बाँकीमा गोल गरेर खेल बराबरी गरेका थिए। आर्सनलका पूर्वस्टार भान पर्सी २ करोड ४० लाख पाउन्डमा गत अगस्टमा इमिरेट्सबाट ओल्ड ट्राफोर्ड आएका थिए। यसअघि दोस्रो मिनेटमा थिओ वाल्कोटले गरेको गोलमा घरेलु टोलीले अग्रता लिएको थियो।
कप्तान धोनीको प्रतिप्रश्न

कप्तान धोनीको प्रतिप्रश्न

सिड्नी– भारतीय क्रिकेट टोलीका कप्तान महेन्द्रसिंह धोनीले एकदिवसीय क्रिकेटबाट अलग रहने विषयमा कुनै संकेत गर्न अस्वीकार गरे। विश्वकप क्रिकेटको सेमिफाइनलमा बिहीबार अस्ट्रेलियासँग ९५ रनले पराजित भएपछि सञ्चारकर्मीले सोधेको प्रश्नको जवाफ...

अस्ट्रेलिया पाँचौं उपाधि नजिक

अस्ट्रेलिया पाँचौं उपाधि नजिक

सिड्नी– अस्ट्रेलियाले बिहीबार सिड्नी क्रिकेट मैदानमा भएको दोस्रो सेमिफाइनलमा भारतलाई ९५ रनले पराजित गर्दै पाचौं विश्वकप उपाधि नजिक पुगेको छ। टस जितेर ब्याटिङमा उत्रिएको अस्ट्रेलियाले स्टिभ स्मिथको १ सय ५...

आर्मी पहिलोपल्ट च्याम्पियन (फोटो फिचरसहित)

आर्मी पहिलोपल्ट च्याम्पियन (फोटो फिचरसहित)

काठमाडौं-त्रिभुवन आर्मी क्लबले पहिलोपल्ट एकदिवसीय राष्ट्रिय पुरुष क्रिकेटको उपाधि जितेको छ। आर्मीले मंगलबार कीर्तिपुरस्थित त्रिवि मैदानमा विभागीय प्रतिद्वन्द्वी एपिएफ क्लबलाई ५ विकेटले पराजित गरेपछि दोस्रो सहभागितामा उपाधि हत्याएको हो।

अनिल र महेशको कीर्तिमानी साझेदारी

अनिल र महेशको कीर्तिमानी साझेदारी

काठमाडौं-घरेलु क्रिकेटमा अनिल मण्डल र महेश क्षेत्रीले कीर्तिमान बनाएको दिन दुई विभागीय टोली त्रिभुवन आर्मी र एपिएफ क्लब राष्ट्रिय पुरुष एकदिवसीय क्रिकेटको फाइनलपुगेका छन्। आर्मीले बैतडीलाई १ सय १८ रनले...

टेभेजप्रेरित युभेन्ट्स क्वार्टरफाइनलमा

टेभेजप्रेरित युभेन्ट्स क्वार्टरफाइनलमा

पेरिस– इभान राकेटिकको गोलमा बार्सिलोना बुधबार विजयी भएसँगै इङ्लिस क्लब म्यानचेस्टर सिटी च्याम्पियन्स लिगबाट बाहिरीएको छ। पहिलो लेगमा २–१ ले गुमाएको सिटी दोस्रो लेगमा १–० ले पराजित भएपछि समग्रमा ३–१...

कीर्तिमानै कीर्तिमान

कीर्तिमानै कीर्तिमान

क्यानबेरा– क्रिस गेलले विश्वकपमा कीर्तिमानी २ सय १५ रन जोडेपछि मंगलबार वेस्ट इन्डिजले जिम्बावेमाथि ७३ रनको पाएको छ। पहिलो खेलमा आइसिसीको एसोसिएट्स टोली आयरल्यान्डसँग ४ विकेटले स्तब्ध वेस्ट इन्डिजले तत्काल...

क्रिस गेल विद्रोही ब्याट्सम्यान

क्रिस गेल विद्रोही ब्याट्सम्यान

सिड्नी– धेरै कारणले गर्दा उनी एक विद्रोही हुन्, वेस्ट इन्डिजका क्रिकेट अधिकारीसँग उनको टसल त्यत्तिकै छ। तर तमाम विद्रोहीपनाका बाबजुद क्रिस गेल क्रिकेटका सुपरस्टार हुन् भन्नेमा कसैले अस्वीकार गर्न सक्दैन।...

क्रिकेट बिवादको अर्को शृंखला : कोइराला कार्यवाहक अध्यक्ष

क्रिकेट बिवादको अर्को शृंखला : कोइराला कार्यवाहक अध्यक्ष

काठमाडौं– राष्ट्रिय टोलीले मैदानभित्र दिनानुदिन सफलताका नयाँ सिढी चढिरहेका बेला नेपालको क्रिकेट प्रशासन भने बिवादको दलदलमा थप जाकिँदै गएको छ। सरकारबाट निलम्बित नेपाल क्रिकेट संघ (क्यान) का कार्यवाहक अध्यक्ष तारिणीविक्रम...