'लुट' सिक्वेलको ट्रेलर सार्वजनिक

शुक्रबार, २२ पुष २०७३, ०९ : १६ नागरिक


काठमाडौं- वर्षकै प्रतीक्षित फिल्म मानिएको 'लुट २' को ट्रेलर सार्वजनिक भएको छ। बिहीबार क्युज सिनेमा हलमा ट्रेलर सार्वजनिक गरिएको हो। २०६९ सालमा रिलिज भएको 'लुट' नेपाली फिल्म उद्योगको 'गेम चेन्जर' फिल्म मानिन्छ। फिल्मले बक्स अफिसमा कमाइको रेकर्ड बनाएसँगै नेपाली फिल्मको विषय र प्रस्तुतिमा पनि गहिरो प्रभाव पारेको थियो। चार वर्षपछि निर्देशक निश्चल बस्नेतले लगभग उनै कलाकार र प्राविधिक लिएर सिक्वेल बनाएका हुन्।

'हाकु कालेले बैंक लुटेर धोका दिएपश्चात् जेल गएका बाँकी चरित्रले जेलबाट निस्केपछि उनलाई भेटेरे बदला लिन गरेको प्रयत्न फिल्मको कथा हो,' कार्यक्रममा निर्देशक निश्चल बस्नेतले भने, 'फिल्मलाई थप स्टाइलिस र प्राविधिक रुपमा उत्कृष्ट बनाउने प्रयास गरेका छौं।'

पहिलो शृंखलामा छाडा संवाद र गलत सन्देश दिएको आरोप खेपेका बस्नेतले सिक्वेलमा छाडा संवादमा कमी गरिएको भए पनि फिल्मले दिने सन्देशका विषयमा ठेक्का लिन नसक्ने बताए।

'मैंले फिल्म बनाउने हो तर यसले दिने सन्देश दर्शकअनुसार फरकफरक हुन सक्छ। यो विषयमा मैंले ग्यारेन्टी लिन सक्दिनँ,' बस्नेतले भने।

सेन्सरले हिंसा तथा यौनजन्य अभिव्यक्ति समेटिएका संवाद काट्न पनि लगाउने अनि एडल्ट सर्टिफिकेट पनि दिने दोहोरो चरित्र निर्वाह गर्दै आएको आरोप उनले लगाए। 'सेन्सर बोर्डलाई गलत लागेका दृश्य काट्न वा हटाउन छुट छ। तर त्यति गरेपछि एडल्ट सर्टिफिकेट दिए म लिन्नँ। पिजी वा युनिभर्सल सर्टिफिकेट चाहिन्छ,' बस्नेतले भने। नेपालको सेन्सर बोर्डले फिल्मको विषयवस्तु हेरी एडल्ट, पिजी र युनिभर्सल सर्टिफिकेट दिने गरेको छ।

फिल्मको पहिलो भाग निर्माण गरेका माधव वाग्ले र नरेन्द्र महर्जन  सिक्वेलका पनि निर्माता हुन्। नरेन्द्र कार्यक्रममा अनुपस्थित भए पनि अर्का निर्माता माधव वाग्लेले भने 'लुट २' ले 'छक्का पन्जा' को रेकर्ड ब्रेक गर्ने दाबी गरे।

'लुटले उति बेला धेरै रेकर्ड बनाएको थियो। छक्का पन्जाले १६ करोड कमायो। अब यो फिल्मले १७ करोड कमाउँछ,' वाग्लेले दाबी गरे।

फिल्ममा सौगात मल्ल, कर्म, दयाहाङ राई, ऋचा शर्मा, विपिन कार्की, कामेश्वर चौरसिया, प्रवीण खतिवडा, सिर्जना सुब्बा, सुशीलराज पाण्डे, प्रतीकराज न्यौपाने, सुशील उप्रेती, अलिशा राईलगायतको अभिनय छ। निश्चल बस्नेतकै लेखनको फिल्मलाई पुरुषोत्तम प्रधानले खिचेका हुन् भने सम्पादन सुरेन्द्र पौडेलले गरेका हुन्। फिल्ममा कालीप्रसाद बाँस्कोटा, रोशन थापा, हर्कुलिस बस्नेत र सुरज शाही ठकुरीको संगीत छ।









यसमा तपाईको मत


अन्य समाचार

मनसुनमा के खाने के नखाने ?

मनसुनमा के खाने के नखाने ?

सहरमा मनसुन सुरु भइसकेको छ । गर्मीको रापिलो घाममा पानीले शीतल त बनाउँछ नै, तर यसका नकारात्मक पाटाको लिस्ट पनि...

भुटानबाट लखेटिँदा...

भुटानबाट लखेटिँदा...

बलराम पौडेलको पुख्र्यौंली घर इलामको साबिक माइमझुवा– १, याङ्मा (हालको सन्दकपुर गाउँपालिका) हो । दक्षिण भुटानको साम्ची जिल्लास्थित बाँडा ब्लक...

गायिका गुरुआमा

गायिका गुरुआमा

हान ४ बजेको ‘अलार्म’ बजेस“गै रञ्जना प्रधानको दैनिकी सुरु हुन्छ अचेल । योगाभ्यास, दैनिक पूजाआराधना र चियानास्ता सक्दा खाना पकाउने...

चर्चामा ‘कारखाना’

चर्चामा ‘कारखाना’

आगामी शुक्रबार रिलिज हुन लागेको चलचित्र ‘कारखाना’ अहिले चर्चामा छ । ‘मायाले बोलेको...’ बोलको यो चलचित्रको गीत युट्युबमा लाखौंले हेरिसकेका...