एमालेको ‘दशक यताकै ठूलो’ प्रदर्शन, अस्तव्यस्त ट्राफिक

शुक्रबार, २२ पुष २०७३, १२ : ४८ नागरिक

काठमाडाैं-राजधानी काठमाडौंमा नेकपा एमालेसहित ९ विपक्षी दलको शक्ति प्रदर्शन सुरू भएको छ। दिउसो १ बजेदेखि उपत्यकाका ४० स्थानबाट र्‍याली निकाल्ने पूर्व योजना अनुसार नै र्‍यालीहरू सुरू भएका छन्। सबै र्‍यालीको जमघट रत्नपार्कमा हुनेछ। रत्नपार्कमा जुट्ने मुल र्‍यालीको अगुवाई एमाले अध्यक्ष केपी शर्मा ओलीले गर्नेछन्।

‘रत्नपार्कमा मुख्य जमघट हुनेछ,’ पार्टी प्रचार विभाग प्रमुख योगेश भट्टराईले नागरिकन्युजसँग भने ‘मुल र्‍यालीलाई अध्यक्षले नेतृत्व गर्नुहुनेछ र सभास्थल प्रदर्शनी मार्गमा पुगेर ३ बजे सभा सुरु हुनेछ।’

अन्य ८ दलका पार्टी अध्यक्ष र एमालेका वरिष्ठ नेताहरु पनि रत्नपार्कबाटै मुल र्‍यालीमा सहभागी हुनेछन्।

संविधान संशोधन प्रस्तावको विरोधमा यो प्रदर्शन आयोजना गरिएको हो। 

दशक यताकै ठूलो शक्ति प्रदर्शन
प्रचार विभाग प्रमुख भट्टराईले आजको शक्ति प्रदर्शन एमाले नेतृत्वमा भएको दशक यताकै ठूलो हुने दावी गरे। ‘दशक यता एमालेले ठूला प्रदर्शन गरेको छैन,’ उनले भने ‘चुनावी अभियानका बेला जस्तै यतिबेला एमालेका सबै संगठनात्मक अंगहरु सक्रिय छन्, काठमाडौंमा चुनाव पछिको यो ठूलो शक्ति परिचालन हो।’

अध्यक्षहरुले सम्बोधन गर्ने
प्रदर्शनी मार्गमा हुने सभामा एमाले अध्यक्ष ओली सहितअन्य ८ दलका अध्यक्षहरुले सम्बोधन गर्नेछन्। नेपाल मजदुर किसान पार्टी, राष्ट्रिय जनमोर्चा, नेकपा माले, राष्ट्रिय जनमुक्ति पार्टी, नेपाल परिवार दल, बहुजन शक्ति पार्टी, नेपास् राष्ट्रिय पार्टी र मधेस समता पार्टीका अध्यक्षले सम्बोधन गर्ने छन्। एमालेबाट अध्यक्ष अोलीले मात्र सम्बोधन गर्नेछन्। साढेचार बजे सभा सकिने भट्टराईले बताए।

अस्तव्यस्त ट्राफिक
र्‍याली र सभाको पूर्व तयारी र जमघटका कारण उपत्यकाको ट्राफिक व्यवस्था विहान ११ बजेदेखि नै अस्थव्यस्त बनेको छ। एकलाख बढि कार्यकर्ता सडकमा उतार्ने योजना रहेको एमालेको दावी छ।

कम ट्राफिक जाम गर्ने उद्देश्यले सभास्थल प्रदर्शनीमार्ग रोजिएको एमाले नेताहरूको भनाइ छ। प्रदर्शनी मार्गमा सभा हुँदा वैकल्पिक मार्गहरू प्रयोग गर्ने सुबिधा रहेको उनीहरूको तर्क छ।

‘यति ठूलो प्रदर्शनमा सडक प्रभावित हुनेनै भयो,’ प्रचार विभाग प्रमुख भट्टराईले भने ‘ट्राफिक जामको चिन्ता हो भने, म प्रचण्ड नेतृत्वको सरकारलाई ५ लाख जनता अट्ने टुडिखेल बनाउन आग्रह गर्छु, एमाले पनि श्रमदान गर्न तयार छ।’ उनले थपे ‘अब एमालेका सभामा लाख भन्दा कम जनता हुँदैनन्, ठूलै टुडिखेल चाहिन्छ।’










यसमा तपाईको मत

Loading...

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

महोत्सवमा दर्शक तताउँदै कलाकार

महोत्सवमा दर्शक तताउँदै कलाकार

पाल्पा उद्योग वाणिज्य संघले आयोजना गरेको पाल्पा महोत्सवमा राष्ट्रिय लोकगायक तथा गायीकाहरुले महोत्सव अवलोकनकर्तालाई नचाएका छन्। कार्यक्रममा राष्ट्रिय लोक तथा...

अस्करमा कसले के जिते ?

अस्करमा कसले के जिते ?

गए राति ८९ औं अस्कर अवार्ड वितरण गरिएको छ। लस एन्जलसस्थित डल्बी थिएटरमा भव्य समारोहका बीच विभिन्न २४ विधामा अवार्ड...

अस्कर अवार्डमा तीन मिनेटभित्र दोस्रो पटक 'बेस्ट पिक्चर' घोषणा

अस्कर अवार्डमा तीन मिनेटभित्र दोस्रो पटक 'बेस्ट पिक्चर' घोषणा

८९ औं एकेडेमी अर्वाड्स समारोह क्यालिफोर्नियाको डल्बी थिएटरमा गत राति सम्पन्न भएको छ। विश्वले चासोका साथ हेरेको यो समारोहमा एउटा...

रहेनन् वरिष्ठ कलाकार रामशेखर नकर्मी

रहेनन् वरिष्ठ कलाकार रामशेखर नकर्मी

वरिष्ठ कलाकार, लेखक तथा निर्देशक रामशेखर नकर्मीको सोमबार निधन भएको छ। उपचारको क्रममा बिहान ६ बजे भक्तपुर क्यान्सर अस्पतालमा उनको...