नेता ठाकुरले ‘दलित’सँगै बसेर भोज खाए

शनिबार, २३ पुष २०७३, १७ : ४१ उपेन्द्र यादव


बारा– तराई–मधेश लोकतान्त्रिक पार्टीका अध्यक्ष महन्थ ठाकुरले ‘दलित’ समुदायसँगै बसेर सहभोज गरेका छन्। बारा जिल्लाको सदरमुकाम कलैयामा आयोजना गरिएको ‘दलित सम्मेलन एवं दलितसँग सहभोज कार्यक्रम’मा अध्यक्ष ठाकुरले दलितसँगै बसेर भोज खाएका हुन्।

दलितसँग सहभोज गर्ने क्रममा नेता ठाकुरले मुलुकको प्रमुख समस्या भनेको नेकपा एमाले रहेको आरोप लगाए।
‘वर्तमान समस्याको जड एमाले हो,’ उनले भने।

सर्वोच्च अदालतले पनि संविधान संशोधनको बाटो खुला गरिदिएको अवस्थामा एमालेले त्यसको बिरोध गरेर देशमा अनावश्यक समस्या खडा गरेको  बताए। मधेसी, दलित र पिछडिएका वर्गलाई अधिकार नदिनको लागि एमालेसहित बिपक्षी दलहरुले संविधान संशोधन विरोध गरेको उनले आरोप लगाए।  

एमालेसहितका राजनीतिक दलहरु संशोधन प्रस्तावको विरोधमा संसद अवरोध गरेर मधेशसँग राजनीतिक बेइमानी गरिरहेको आरोपसमेत ठाकुरले लगाए।

दलितहरुसँग खान पिन गर्दा कसैलाई अहित नहुने समेत ठाकुरले बताए।

कार्यक्रमलाई सम्बोधन गर्दै तमलोपाका महामन्त्री जितेन्द्र सोनलले तराई मधेशमा छुवाछुतको भावना अहिले पनि विद्यमान रहेको बताएका छन्।

मधेसी समुदायहरुले यस क्षेत्रमा रहेको छुवाछुतको परमपरालाई अन्त्य गर्न सामाजिक स्तरमा चेतना फैलाउनको साथ साथै देशका शासक वर्गले गरको बिभेदकारी नीतिको समेत बिरोध गर्ने समय आएको सोनलले बताए।

छुवाछुतलाई अन्तय गर्नको लागि तमलोपा अध्यक्ष ठाकुर र महामन्त्री सोनलले दतिल समुदायसँग खाना आएका थिए।
 







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

मिस वर्ल्डको उपाधी मिस इन्डिया मानुषीलाई

मिस वर्ल्डको उपाधी मिस इन्डिया मानुषीलाई

यस वर्षको मिस वर्ल्डको उपाधी मानुषी चिल्लरको जितेकी छिन् । शनिबार चीनको सान्यामा आयोजित ६७ औं मिस वर्ल्डको फाइनलमा गत...

धनगढी तताए हेमन्तले

धनगढी तताए हेमन्तले

डोट्याली कवि हेमन्त विवशका सृजनाबाट शनिबार धनगढीका साहित्यपारखी मन्त्रमुग्ध बनेका छन्। रुबस होटलमा दिउँसो भएको एकल रचना वाचन कार्यक्रममा उनले...

‘बडी सेमिङ’ विरुद्ध विद्या

‘बडी सेमिङ’ विरुद्ध विद्या

हरेक प्रश्नको निरासपूर्ण उत्तर दिने बलिउड अभिनेत्री विद्या वालनको सम्बन्ध पत्रकारहरूसँग सौहाद्र रहँदैन । आगामी फिल्म ‘तुम्हारी सुलु’को प्रमोसनका बेला...

‘भैरे’ बन्दै दयाहाङ

‘भैरे’ बन्दै दयाहाङ

अभिनेता दयाहाङ राई पछिल्ला केही फिल्ममा टिपिकल चरित्रमा देखिन थालेका छन् । रिलिज भइसकेको फिल्म ‘वीरविक्रम’मा ‘वीर’ बनेका उनी पोस्ट...