जलवायु परिवर्तनको असर भयावहः राष्ट्रपति

बुधबार, २७ पुष २०७३, ०८ : १९ नागरिक


काठमाडौं– राष्ट्रपति विद्यादेवी भण्डारीले जलवायु परिवर्तन र त्यसबाट उत्पन्न समस्याका चाङलाई ‘भयावह भविष्य’ को रुपमा व्याख्या गरेकी छिन् ।

‘जैविक विविधता, जलवायु परिवर्तन तथा जीविकोपार्जनमा असर’ नामक  अन्तर्राष्ट्रिय सम्मेलन उद्घाटनमा राष्ट्रपति भण्डारीले संयुक्त राष्ट्रसंघ जलवायु परिवर्तनसम्बन्धी अन्तर्राष्ट्रिय महासन्धिअन्तर्गतको अन्तरसरकारी निकाय प्रतिवेदन उद्धृत गर्दै यस्तो व्याख्या गरेकी हुन् ।  तीनदिने अन्तर्राष्ट्रिय सम्मेलन मंगलबार राजधानीमा सुरु भएको छ ।

विश्वव्यापी उष्णता वृद्धिमा नेपालको योगदान नगन्य हु“दा पनि हामी यसको असरबाट प्रभावित भइरहेका छौं

‘औसत तापक्रम विश्वव्यापी रुपमा क्रमशः वृद्घि भइरहेको छ । सहस्राब्दी पर्यावरण मूल्यांकनले अझ निराशाजनक चित्रण गरेको छ र शताब्दीको अन्त्यसम्म जैविक विविधतामा ह्रास ल्याउने प्रमुख कारक तत्वमध्ये जलवायु परिवर्तनलाई औंल्याएको छ’, भण्डारीले भनिन् ।

उनले जलवायु परिवर्तनबाट उत्पन्न असरलाई भयावह भविष्यको रुपमा व्याख्या गर्दै थपिन्, ‘विविधतामा आएको ह्रासले संवेदनशील पर्यावरण प्रणालीमा गम्भीर असर पार्ने त छँदैछ,  यसबाट मानव समुदायमा विभिन्न प्रकारका सरुवा रोगको प्रकोप बढ्ने सम्भावना पनि छ । यसले जैविक विविधता तथा जीविकोपार्जनमा गम्भीर चुनौती खडा गरेको छ ।’
उनले विश्वव्यापी उष्णता वृद्धिमा नेपालको योगदान नगन्य हु“दा पनि हिउ“ पग्लने र हिमताल विष्फोटबाट हुनसक्ने बाढीको खतरा, वनविनास, भूक्षय र मरुभूमीकरण, अमूल्य जैविक सम्पदाको ह्रास, खडेरी, पहिरोलगायत समस्याबाट प्रभावित भइरहेको बताइन् ।

‘पानीको स्रोतमा कमी, वासस्थान र माटोको उत्पादकत्वमा प्रभाव र बसाइँसराइ जस्ता समस्याबाट पनि हामी ग्रसित भइरहेका छौं’, भण्डारीले भनिन् । उनले उत्पन्न चुनौती घटाउने मुद्दालाई नेपालले प्राथमिकता दिएको पनि बताइन् । ‘नेपाल जैविक विविधताको संरक्षण र जलवायु परिवर्तनका नकारात्मक प्रभाव घटाउन सक्रिय भूमिका निर्वाह गर्न चाहन्छ र सन् १९९५ देखि हालसम्म सबै (२२) वटै सम्मेलनमा सहभागी हँुदै आएको छ’, उनले भनिन् ।

उनले नेपाललाई विश्व विविधताको सूक्ष्मरुपमा व्याख्या गरिन् । भनिन, ‘अपूर्व वनस्पति र प्राणीको वासस्थान तथा उत्तरतर्पm विश्वकै सर्वोच्च हिमालय शृंखलादेखि दक्षिणतर्पm तराईका मैदानी इलाकासम्म पैmलिएका हिमाली, पहाडी, उपत्यका र समथल भूमिको सम्मिश्रणबाट बनेको हाम्रो देश यथार्थमा विविधताको सूक्ष्मरुप हो ।’ उनले नेपालका लागि यो सम्मेलन अझ बढी महŒवपूर्ण रहेको र यस क्षेत्रका विज्ञले यसबाट आफ्नो अमूल्य ज्ञान र अनुभव उजागर गर्ने विश्वास व्यक्त गरिन् । नेपाल जैविक विविधतासम्बन्धी महासन्धि र जलवायु परिवर्तनसम्बन्धी संयुक्त राष्ट्रसंघीय महासन्धि दुवैको पक्ष राष्ट्र हो ।

सम्मेलन आयोजक समितिका अध्यक्ष प्राध्यापक प्रमोदकुमार झाले जैविक विविधता, जलवायु परिवर्तन र जीविकोपार्जनबीच अन्तरसम्बन्ध रहेको उल्लेख गरे । ‘जलवायु परिवर्तन आजका दिनमा वातावरणीय, सामाजिक र आर्थिक मुद्दाका रुपमा पहिचान भएको छ । यसले सबै क्षेत्रलाई प्रभाव पारिरहेको छ । त्यसैले हामीले यी तीनवटा विषयलाई छनोट गरेका हौं’, उनले भने ।

कार्यक्रममा जैविक विविधता, जलवायु परिवर्तन र जीविकोपार्जनस“ग सम्बन्धित ३ सय ३० वटा कार्यपत्र प्रस्तुत गरनेछ । ती कार्यपत्र लेखनमा झन्डै ६ सय अनुसन्धानकर्ता सहभागी छन् । जसमा नेपालस“ग सम्बन्धित सबैभन्दा धेरै छन् ।
तीन दिनसम्म चल्ने उक्त सम्मेलनमा २५ वटा मुलुकबाट करिब सयजना वैज्ञानिक, प्राज्ञ, विज्ञ र प्राध्यापक सहभागी छन् । नेपालबाट दुई सय पचास प्रतिनिधि सहभागी छन् । सम्मेलन नेपालका वातावरण, वन, कृषिलगायत चार मन्त्रालय, वातावरणका क्षेत्रमा क्रियाशील संघसंस्था, अमेरिकास्थित विश्वविद्यालयले आयोजना गरेका हुन् ।







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

‘महिलाको चरित्र चित्रणमा कमजोर नेपाली फिल्म’

‘महिलाको चरित्र चित्रणमा कमजोर नेपाली फिल्म’

नेपाली फिल्मलाई बलिउडको नक्कल गर्ने आरोप लागेको छ । अझ त्यसरी बनेका फिल्ममा पनि शिल्प र सौन्दर्य नभएको गुनासो सुनिन्छ...

धनगढी तताए हेमन्तले

डोट्याली कवि हेमन्त विवशका सृजनाबाट शनिबार धनगढीका साहित्यपारखी मन्त्रमुग्ध बनेका छन् । रुबस होटलमा दिउसो भएको एकल रचना वाचन कार्यक्रममा...

‘गुडबाई काठमाडौं’लाई कोलकातामा अवार्ड

‘गुडबाई काठमाडौं’लाई कोलकातामा अवार्ड

दशकअघि देशमा विद्यमान जनयुद्धको पृष्ठभूमिमा बनेको फिल्म ‘गुडबाई काठमाडौं’ले भारतको कोलकातामा भएको ‘कोलकाता इन्टरनेसनल फिल्म फेस्टिभल’मा ‘नेटप्याक अवार्ड’मा ‘उत्कृष्ट फिल्म’को...

मिस वर्ल्डको उपाधी मिस इन्डिया मानुषीलाई

मिस वर्ल्डको उपाधी मिस इन्डिया मानुषीलाई

यस वर्षको मिस वर्ल्डको उपाधी मानुषी चिल्लरको जितेकी छिन् । शनिबार चीनको सान्यामा आयोजित ६७ औं मिस वर्ल्डको फाइनलमा गत...