कार्की अझै सरकारी निवासमा

बुधबार, २७ पुष २०७३, ०८ : ३७ नागरिक

काठमाडौं– सर्वोच्च अदालतको फैसलाले अख्तियार दुरुपयोग अनुसन्धान आयोगको प्रमुख आयुक्तबाट पदमुक्त भएका लोकमानसिंह कार्कीले अझै सरकारी निवास छाडेका छैनन् ।

सर्वोच्चले तीन दिनअघि कार्की अख्तियार दुरुपयोग अनुसन्धान आयोग प्रमुख आयुक्त हुन अयोग्य भएको फैसला सुनाएको थियो । फैसलासँगै स्वतः पदमुक्त भएका कार्कीले सरकारी निवास पनि छाड्नुपर्ने हो । सरकारी सेवाबाट हटेलगत्तै पदमा रहँदा लिएका सेवासुविधा पनि छाड्नुपर्छ ।

नियुक्ति बदर भएको तीन दिन बितिसक्दा पनि कार्कीले अख्तियार कार्यालयसँगै जोडिएको प्रमुख आयुक्तका लागि बनाइएको सरकारी निवास छाडेका छैनन् । स्रोतका अनुसार कार्कीले निवास छाड्ने तयारी भने गरिसकेका छन् । ‘अहिलेसम्म त सरकारी निवासमा नै बसिरहनु भएको छ,’ स्रोतले भन्यो, ‘अर्को स्थानमा जान उचित व्यवस्था नभएका कारण अड्िकनु भएको हो । घर सर्नका लागि सामानसमेत प्याक गरिसकिएको छ ।’

कार्कीलाई सर्वोच्चले अख्तियार प्रमुख हुन आवश्यक उच्च नैतिक चरित्र र २० वर्षे सेवा अवधि नपुगेको भन्दै अयोग्य ठहर गरेको हो । कार्की अख्तियार प्रमुख भएको ४४ महिनापछि सो पदका लागि अयोग्य भएको फैसला आएको हो ।

कार्कीविरुद्धको महाअभियोग प्रस्ताव संसद्मा विचराधीन अवस्थामा छ । संसद्मा कात्तिक ३ गते महाभियोग प्रस्ताव दर्ता भएपछि कार्की निलम्बनमा परेका थिए । निलम्बनमा परेका बेला सरकारी निवासमा बस्दा पदको दुरुपयोग हुने भन्दै अधिवक्ता ओमप्रकाश अर्यालले उनको सेवा सुविधा खोस्न पुरक निवेदनसमेत दर्ता गराएका थिए । पुरक निवेदन दर्ता गर्दासमेत सरकारी निवास र सुविधा त्याग्न अटेरी गर्दै आएका कार्की सर्वोच्चले पदमुक्त गरेपछि मात्र निवास छाड्ने मनस्थितिमा पुगेका हुन् ।

कार्कीको बानेश्वरमा घर छ । तर घरमा सामसुङ कम्पनीको गोदाम रहेका कारण उनी अन्यत्र बस्न सक्ने निकट स्रोत बताउँछ ।
‘उहाँको घरमा सामसुङको गोदाम छ र उक्त घर तुरुन्तै खाली हुने अवस्था देखिएको छैन,’ स्रोतले भन्यो, ‘त्यही कारण उहाँले सरकारी निवास छाड्न ढिलाइ भएको हो ।’

कार्की २०७० वैशाख २५ गते अख्तियार प्रमुखमा नियुक्त भएका थिए । दोस्रो संविधानसभा चुनाव गराउन गठित मन्त्रिपरिषद्का बेला संवैधानिक परिषद्ले कार्कीलाई अख्तियार प्रमुख आयुक्तमा नियुक्त गर्न राष्ट्रपतिसमक्ष सिफारिस गरेको थियो । सोही आधारमा तत्कालीन राष्ट्रपति रामवरण यादवले कार्कीलाई अख्तियार प्रमुखमा नियुक्त गरेका थिए ।










यसमा तपाईको मत

Loading...

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

महोत्सवमा दर्शक तताउँदै कलाकार

महोत्सवमा दर्शक तताउँदै कलाकार

पाल्पा उद्योग वाणिज्य संघले आयोजना गरेको पाल्पा महोत्सवमा राष्ट्रिय लोकगायक तथा गायीकाहरुले महोत्सव अवलोकनकर्तालाई नचाएका छन्। कार्यक्रममा राष्ट्रिय लोक तथा...

अस्करमा कसले के जिते ?

अस्करमा कसले के जिते ?

गए राति ८९ औं अस्कर अवार्ड वितरण गरिएको छ। लस एन्जलसस्थित डल्बी थिएटरमा भव्य समारोहका बीच विभिन्न २४ विधामा अवार्ड...

अस्कर अवार्डमा तीन मिनेटभित्र दोस्रो पटक 'बेस्ट पिक्चर' घोषणा

अस्कर अवार्डमा तीन मिनेटभित्र दोस्रो पटक 'बेस्ट पिक्चर' घोषणा

८९ औं एकेडेमी अर्वाड्स समारोह क्यालिफोर्नियाको डल्बी थिएटरमा गत राति सम्पन्न भएको छ। विश्वले चासोका साथ हेरेको यो समारोहमा एउटा...

रहेनन् वरिष्ठ कलाकार रामशेखर नकर्मी

रहेनन् वरिष्ठ कलाकार रामशेखर नकर्मी

वरिष्ठ कलाकार, लेखक तथा निर्देशक रामशेखर नकर्मीको सोमबार निधन भएको छ। उपचारको क्रममा बिहान ६ बजे भक्तपुर क्यान्सर अस्पतालमा उनको...