ट्रम्पको ज्वाइँ नियुक्तिको विरोधमा डेमोक्रेट

बुधबार, २७ पुष २०७३, ११ : ०४ एजेन्सी

वासिङटन–डेमोक्रेटसको एउटा समूहले ट्रम्पले आफ्ना ज्वाइँलाई सल्लाहकार नियुक्त गरेकोमा आपत्ति जनाएको छ । डेमोक्रेटहरुको एउटा समूहले ट्रम्पले नातावादलाई प्रश्रय दिनेगरी ३६ वर्षीय आफ्ना ज्वाइँ जरेड कुश्नरलाई नियुक्त गरेकोमा सो निर्णयमाथि पुनर्विचार गर्न दबाब दिएको हो । उनीहरुले ‘डिपार्टमेन्ट एन्ड अफिस अफ गभरमेन्ट इथिक्स’ लाई कुश्नरको नियुक्ति कानुनी आधार जाँच गर्न आग्रह गरेका हुन् । तर कुश्नरका वकिलले उनको नियुक्तिमा कुनै कानुनी अड्चन नरहेको दाबी गरेका छन् । कुश्नरले ट्रम्पकी छोरी इभान्कासँग विवाह गरेका छन् ।

दस दिनपछि राष्ट्रपतिको कार्यभार सम्हाल्न लागेका ट्रम्पले सोमबार कुश्नरलाई ह्वाइट हाउसको एक प्रमुख सल्लाहकारमा नियुक्ति गर्ने घोषणा गरेका थिए । उनले अब घरेलु तथा विदेश नीति निर्धारणमा भूमिका खेल्नेछन् । खासगरी उनले मध्यपूर्वमा रणनीति बनाउने भूमिका दिइने चर्चा छ ।  क्यामरासँग लजाउने कुश्नरको घर जग्गा कारोबार खानदानी व्यापार हो । उनले ट्रम्पको चुनावी अभियानमा पनि महत्वपूर्ण भूमिका खेलेका थिए ।

उक्त नियुक्तिका लागि सिनेटको अनुमोदन आवश्यकता पर्दैन तर केहि विज्ञहरुले त्यसले नातावाद विरोधी कानुन उल्लंघन गरेको भन्दै प्रश्न उठाएका छन् । कुश्नर घरजग्गा कारोबारी हुन र उनका व्यवसायिक स्वार्थहरु निकै बृहत् रहेको बताइन्छ ।

नातावाद विरोधी अमेरिकी कानून र सम्भावित स्वार्थका टकरावको कारण उनको नियुक्ति विवादमा तानिने देखिन्छ । तर अबको १० दिनपछि अमेरिकाको ४५ औँ राष्ट्रपति पदमा शपथग्रहण गर्न लागेका ट्रम्पले आफ्नो प्रशासनको मुख्य नेतृत्वदायी भूमिकामा कुश्नरलाई नियुक्त गर्न पाएकोमा गौरव लागेको बताएका छन् ।

ट्रम्पको टोलीका सदस्यहरुले नातेदारलाई सरकारी जागिरमा नियुक्त गर्न नपाइने कानुन व्हाइट हाउसका पदमा हुने नियुक्तीका हकमा लागू नहुने बताएका छन् । अमेरिकी संघीय कानुनले सरकारी कर्मचारीलाई नाफामुखी व्यवसायमा संलग्न हुन प्रतिबन्ध लगाएको छ ।

कुश्नरका वकिलले व्हाइट हाउसको नियुक्ति स्वीकार गर्दा उनले परिवारको घर जग्गा व्यवसायको प्रमुखको पदबाट राजीनामा दिने र व्यवसायबाट आफूलाई अलग गर्ने जनाएका छन् ।

तर ट्रम्पको परिवारका लागि त्यसरी अलग्गिन असम्भव भएको विश्लेषकहरु बताउँछन् । किन कि ट्रम्प परिवारले घर जग्गा व्यवसायको साम्राज्य खडा गरेको छ र त्यसमा अमेरिकामा लगानी गरिरहेका विदेशी नागरिकहरु पनि संलग्न छन् ।









यसमा तपाईको मत

Loading...

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

लेखन यात्रा अनवरत रहनेछ: जीवा लामिछाने

लेखन यात्रा अनवरत रहनेछ: जीवा लामिछाने

गैरआवासीय नेपाली संघका प्रमुख संरक्षक जीवा लामिछानेद्वारा लिखित कृति सरसर्ती संसार जर्मनीमा लोकार्पण गरिएको छ। ...

प्रियंका चोपडाको फिल्ममा मञ्जु केसी अभिनेत्री

प्रियंका चोपडाको फिल्ममा मञ्जु केसी अभिनेत्री

बलिउड अभिनेत्री प्रियंका चोपडाले आफ्नो फिल्म ‘पौवा’को लागि नेपालीभाषी अभिनेत्रीलाई छनोट गरेकी छन्। सिक्किमेली मोडल मञ्जु केसी क्षेत्रीलाई उनले आफ्नो...

कालो पोथी उत्कृष्ट फिल्म

कालो पोथी उत्कृष्ट फिल्म

माओवादी द्वन्द्वले नेपाली समाजमा पारेको प्रभाव र दुई बालकको मित्रतामा आधारित फिल्म कालोपोथीले धरानमा आइतबार सम्पन्न पहिलो अन्र्तराष्ट्रिय चलचित्र महोत्सव(आइफोन)मा...

अधुरै रह्यो यम बुद्धको ‘खतरा’

अधुरै रह्यो यम बुद्धको ‘खतरा’

यसै साता नयाँ एल्बम ‘खतरा’ सार्वजनिक गर्ने तर्खरमा थिए, यम बुद्ध । तर, २९ वर्षीय नेपाली ¥यापर यम बुद्ध (अनिल...