इटहरी–पूर्व–पश्चिम राजमार्ग अन्तर्गत सुनसरी हरिपुरमा शनिबार भएको दुर्घटनामा मोटरसाइकलमा सवार तीन जनाको घटनास्थलमै मृत्यु भएको छ।

पूर्वतर्फ आउँदै गरेको को १९ प ५५३० नम्बरको यात्रुबाहक बसले ५ बजेतिर मोटरसाइकललाई ठक्कर दिँदा तीन जना पुरुषको घटनास्थलमै मृत्यु भएको हो ।

जिल्ला प्रहरी कार्यालय सुनसरीका अनुसार दुर्घटनामा मोरङ हसन्दहका २६ बर्षीय सुमन बास्तोला, इटहरी वडा नं. ५ का अन्दाजी ३० बर्षीय कान्छा तामाङ् र अर्का पहिचान हुन नसकेका एक जना पुरुषको मृत्यु भएको हो । बसले ठक्कर दिँदा तीनै जनाको शव क्षतविक्षत हुन पुगेको डिएसपी प्रवीण धितालले बताए ।

पूर्वबाट पश्चिमतर्फ जाँदै गरेको मोटरसाइकललाई जनकपुरबाट विराटनगर आउँदै गरेको ना ६ ख २९३१ नम्बरको बसले ठक्कर दिँदा दुर्घटना भएको हो ।

प्रकाशित: १ माघ २०७३ १३:१८ शनिबार