जेम्स र सेन्ट मेरिजका विद्यार्थीद्वारा अात्महत्या

शुक्रबार, २१ माघ २०७३, २० : ३९ नागरिक


काठमाडौं- प्रज्जवल शर्मा जेम्स स्कुल धापाखेलमा कक्षा १० का विद्यार्थी थिए। यसै वर्ष प्रवेशिका परीक्षा दिने तयारीमा रहेका उनको पढाइ राम्रै थियो। कुमारी क्लब, बल्खुमा बुवाआमासँग बस्दै आएका उनको शव बिहीबार दिउँसो झुन्डिएको अवस्थामा भेटियो। पंखामा झुण्डिएको उनको शरीर देखेका परिवार सदस्य सुरुमा आश्चर्यमा परे।

दिउँसो ३:३० बजेतिर हतार हतार उनलाई नजिकैको बयोधा अस्पताल पुर्‍याइयो। बल्खुस्थित सो अस्पतालले उनलाई मृत घोषणा गर्‍यो। दाङ स्थायी घर भएका उनका पिता राजनीतकर्मी हुन् भने आमा त्रिभुवन विश्वविद्यालयकी कर्मचारी हुन्।

'स्कूलको सस्पेन्सपछि उ निकै तनाबमा देखिएको थियो। आत्महत्याको कारण त्यही हो भन्ने हाम्रो ठहर छ', परिवारका एक सदस्यले भने।

परिवारको भनाइ अनुसार जेम्सले उनलाई केही दिनका लागि 'सस्पेन्स्ड' गरेको थियो। विद्यालयकै एक छात्रासँग प्रेम सम्बन्ध रहेको थाहा पाएपछि उनी कारवाहीमा परेका थिए। हीनताबोधको अनुभव गरेका उनी घरमा झोक्राउने, कसैसँग नबोल्ने व्यवहार देखाइरहेका थिए।

'स्कूलको कारवाहीपछि उ निकै तनाबमा देखिएको थियो। आत्महत्याको कारण त्यही हो भन्ने हाम्रो ठहर छ', परिवारका एक सदस्यले भने।

यो प्रकरण अहिले प्रहरीले छानवीन गरिरहेको छ। घटनाको अनुसन्धान गरिरहेका महानगरीय प्रहरी प्रभाग कालिमाटीका प्रहरी अधिकृत विद्यालय बेइज्जत गर्दिएपछि दवाब सहन नसकेको सुनाउँछन्। 'अहिलेसम्मको अनुसन्धानबाट त्यो बाहेक अरु कारण भेटिएको छैन', उनले भने।

जेम्सका प्रिन्सिपल बादल प्रधानले घटनामा विद्यालयको कुनै दोष नरहेको बताउँछन्। 'सेन्टअप दिइसकेको विद्यार्थीलाई विद्यालयले रेस्टिकेट गर्ने भन्ने कुरै आउँदैन।'

उनले प्रज्ज्वल मंगलबार विद्यालय गएको दाबी गरे। बुधाबार श्रीपञ्चमीको विदा थियो भने बिहीबारदेखि विद्यालय खुला थियो। तर उनी बिहीबार बिद्यालय पुगेनन्। 'विद्यालयमा उनी अनुपस्थित भएपछि उनको परिवारलाई हामीले फोन गर्‍यौं', उनले भने, 'परिवारले दुःखद खबर सुनायो। विद्यालय परिवार स्तब्ध भएको छ।'

काठमाडौंमा बिहीबार नै यस्तै प्रकृतिको अर्को घटना पनि भएको छ। सेन्टमेरिज स्कूल जावलाखेलमा कक्षा १० मा पढ्दै गरेकी कृति थापा झुन्डिएको अवस्थामा भेटिइन्। फुपूसँग बस्दै आएकी उनको शव शौचालयमा भेटिएको थियो।

विद्यालयमा टेस्ट चलिरहँदा दुई वटा प्रयोगात्मक परीक्षमा अनुपस्थित भएपछि विद्यालयले अभिभावक बोलाएर छलफल गरेको थियो। पारिवारिक स्रोतका अनुसार बाँकी परीक्षा पछि दिने र लिखितमा सहभागी हुने सहमतिपछि अभिभावक घर फर्किएका थिए।

अहिले यो प्रकरण कमलपोखरी प्रहरी प्रभागले अनुसन्धान गरिरहेको छ। प्रारम्भिक अनुसन्धानले कृतिकाको केसमा पनि प्रेम सम्बन्धमा आएको उतारचढाब सहन नसक्दा आत्महत्या रोजेको निष्कर्ष निकालेको छ।

किशोरावस्थामा आत्महत्या कसरी रोक्ने?

मनोविज्ञ डा.नरेन्द्रसिंह ठगुन्ना किशोरावस्थामा आवेगमा आएर आत्महत्या गर्ने गरेको बताउँछन्। किशोरावस्थामा आत्महत्याको निर्णयमा पुगेको ८ देखि १० सेकेन्डभित्र अलमल्याइदिए उनीहरु आफ्नो निर्णयबाट पछि हट्छन्।

'विद्यार्थीका समस्या शिक्षक र अभिभावक दुवैले चासोका साथ सुनिदिनुपर्छ', उनी भन्छन्, 'विद्यार्थीमा मनोवैज्ञानिक देखिना साथ उसको मनमिल्ने व्यक्तिसँग राखेर कुरा गर्ने, मनोगत दवाब नपर्ने गरी उसलाई समस्याबाट बाहिर ल्याउनुपर्छ ।'









यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।


अन्य समाचार

'पहिला नेपाली फिल्म हेर्दा झुर लाग्थ्यो'

'पहिला नेपाली फिल्म हेर्दा झुर लाग्थ्यो'

अभिनय क्षेत्रमा आउनुअघिसम्म नेपाली फिल्मप्रति अभिनेत्री सुरक्षा पन्तको धारणा सकारात्मक थिएन। नियमित फिल्म हेर्ने गरे पनि फिल्मप्रति उनको आलोचना तिखो...

विवादित बन्यो राष्ट्रिय कला प्रदर्शनी

विवादित बन्यो राष्ट्रिय कला प्रदर्शनी

आन्तरिक विवाद थाती राखेर सुरु भएको सातौं राष्ट्रिय ललितकला प्रदर्शनी विवादित बनेको छ। गलत कलाकृतिलाई पुरस्कृत गर्नेदेखि लिएर  प्रतिष्ठानका गतिविधी...

सायद २ को दोस्रो ट्रेलर सार्वजनिक

सायद २ को दोस्रो ट्रेलर सार्वजनिक

नेपाली फिल्म ‘सायद २’ ले दोस्रो ट्रेलर सार्वजनिक गरेको छ। आइतबार हाइलाइट्स नेपालको औपचारिक च्यानलमार्फत ‘सायद २’ को दोस्रो ट्रेलर...

प्रेमध्वज–दुर्गालालको ठट्टा

प्रेमध्वज–दुर्गालालको ठट्टा

श्रेष्ठले घोषणा गरे–‘कसैले प्रेमध्वज कहिल्यै रिसाएको, रिसाएर मुख बिगारेको देखेको भए भन्नु, तुरुन्तै १० हजार पुरस्कार ।’ प्रधानसँगै उपस्थित गलल...