थाई नेपाली संघमा कुमार कार्की सर्वसम्मत

सोमबार, ०२ फागुन २०७३, १४ : १३ नागरिक


काठमाडौं—थाई नेपाली संघको चौथो अध्यक्षमा कुमार कार्की सर्वसम्वत रुपमा चयन भएका छन्। नेपाल, थाइल्याण्ड र बर्मा लगायतका अन्य ठाउँमा जन्मेर थाइल्याडमा बसोबास गरिरहेका गैर आवसीय नेपालीहरुको संगठन थाई नेपाली संघ हो।

कार्कीले आफ्नो कार्यकालको मुख्य काम भनेको नेपालीहरुको धर्म,संस्कृतिको प्रचार गर्ने भएको बताए।

यसअघि वरिष्ठ उपाध्यक्ष रहेका कार्की पूर्व अध्यक्ष जयन्ती पाण्डेको प्रस्तावमा सर्वसम्वत अध्यक्षमा चयन भएका हुन्। संघमा दुई लाख नेपाली सदस्य रहेका छन्। थाइल्याण्डमा विभिन्न पेशा र व्यवसाय गरे बसेका नेपालीहरुले आफ्नो हितका कार्य गर्नका लागि २०१० सालमा संघ गठन गरेका थिए।

कार्कीको कार्यकाल दुई वर्षको हुनेछ। प्रत्येक दुई वर्षमा सर्वसम्वत रुपमा नेतृत्व चुन्दै आएको संघले यसपटक कार्कीलाई चुनेको हो। संघले उपाध्यक्षमा चार जनाको नाम चयन गरेको छ। उपाध्यक्षहरुमा लक्ष्मण केसी, गोपाल लामा, ओम गौतम, घनश्याम खनाल चयन भएका छन्।

महासचिवमा विश्व धिताल,मुख्य सचिवमा विनोद लामिछाने, सहसचिवमा सोमवात राई र दिपक पराजुली चयन भएका छन्। संघले आगामी कार्यकालका लागि एक कोषध्यक्ष र दुई निरीक्षक समेत चयन गरेको छ। संघको अधिवेशनले विभिन्न विभागिय प्रमुखहरुमा पनि जिम्मेवारी तोकेको छ। संघका लागि ११ सदस्य सल्लाहाकार पनि चयन भएको कार्कीले बताए।

कार्कीले आफ्नो कार्यकालको मुख्य काम भनेको नेपालीहरुको धर्म,संस्कृतिको प्रचार गर्ने भएको बताए। बर्मा र म्यानमारमा रहेको नेपालीहरुलाई नेपालको परम्परा कायम राख्न सहयोग गर्ने, दु:खमा परेका गैरआवसीय नेपालीहरुलाई सहयोग गर्ने काममा आफू केन्द्रित हुने उनको भनाइ थियो।

बर्मामा जन्मेका कार्की थाइल्याण्डलाई कर्मभूमि बनाई विगत लामो समयदेखि व्यवसाय गर्दै अाएका छन्।

संघले २०७२ सालको महाविनाशकारी भूकम्पको समयमा राहत, पून उद्दार र पूर्न निर्माणको काम गरेको थियो। संघकै पहलमा सिन्धुपाल्चोकको मेलम्ची नगरपालिका वडा नम्वर १२मा दलित माझीहरुका लागि ४८ घरधुरीको नमुना वस्ती निर्माणको गरेको थियो।

भूकम्प गए लगत्तै संघले सिन्धुपाल्चोकमा पहिलो नमुना वस्ती निर्माण गरेको थियो। पुन: निर्माणको नेतृत्व कार्की आफैले नेपाल वसेर गरेका थिए। थाइल्याडवाट नेपालीहरुले स्वतफूर्त रुपमा कमदारको भूमिका नमुना माझी वस्ती निर्माण गर्दा गरेका थिए।

तपाईको समाचार पठाउन यहाँ थिच्नुहोस् ।









यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।


अन्य समाचार

'पहिला नेपाली फिल्म हेर्दा झुर लाग्थ्यो'

'पहिला नेपाली फिल्म हेर्दा झुर लाग्थ्यो'

अभिनय क्षेत्रमा आउनुअघिसम्म नेपाली फिल्मप्रति अभिनेत्री सुरक्षा पन्तको धारणा सकारात्मक थिएन। नियमित फिल्म हेर्ने गरे पनि फिल्मप्रति उनको आलोचना तिखो...

विवादित बन्यो राष्ट्रिय कला प्रदर्शनी

विवादित बन्यो राष्ट्रिय कला प्रदर्शनी

आन्तरिक विवाद थाती राखेर सुरु भएको सातौं राष्ट्रिय ललितकला प्रदर्शनी विवादित बनेको छ। गलत कलाकृतिलाई पुरस्कृत गर्नेदेखि लिएर  प्रतिष्ठानका गतिविधी...

सायद २ को दोस्रो ट्रेलर सार्वजनिक

सायद २ को दोस्रो ट्रेलर सार्वजनिक

नेपाली फिल्म ‘सायद २’ ले दोस्रो ट्रेलर सार्वजनिक गरेको छ। आइतबार हाइलाइट्स नेपालको औपचारिक च्यानलमार्फत ‘सायद २’ को दोस्रो ट्रेलर...

प्रेमध्वज–दुर्गालालको ठट्टा

प्रेमध्वज–दुर्गालालको ठट्टा

श्रेष्ठले घोषणा गरे–‘कसैले प्रेमध्वज कहिल्यै रिसाएको, रिसाएर मुख बिगारेको देखेको भए भन्नु, तुरुन्तै १० हजार पुरस्कार ।’ प्रधानसँगै उपस्थित गलल...