यो नै नेपालको अन्तिम संविधानः आरजु देउवा

मङ्गलबार, ०३ फागुन २०७३, १६ : ४६ चिरन शर्मा  | @chiranuk


लन्डन—नेपाली कांग्रेसकी नेतृ आरजु देउवाले नेपाल अहिले संविधान कार्वान्यनको दिशातिर अगाडी बढेको बताएकी छन्। लिभरपुल नेपाली समाज र हेल्थ एक्चेञ्ज नेपालले संयुक्तरुपमा आयोजना गरेको च्यारिटी कार्यक्रमलाई सम्बोधन गर्दै नेतृ देउवाले उक्त कुरा बताएकी हुन्।

नेपालका धेरै पटक राजनीतिक परिवर्तन भए पनि त्यसका उपलब्धिहरु संस्थागत हुन नसकेको भन्दै अहिले संविधानबाटै समस्याको समाधान निकाल्न सकिने उल्लेख गरिन्।

उनले संविधानको कार्यान्वयका लागि निर्वाचन अरिहार्य भएको बताउदै सबै पक्षलाई एकसाथ लिएर अघि बढ्ने प्रयास भइरहेको बताइन्। नेपालका धेरै पटक राजनीतिक परिवर्तन भए पनि त्यसका उपलब्धिहरु संस्थागत हुन नसकेको भन्दै अहिले संविधानबाटै समस्याको समाधान निकाल्न सकिने उल्लेख गरिन्।

उनले अहिलेको संविधान नै नेपालको अन्तिम संविधान हुने दावी गरिन्। नेतृ देउवाले स्वास्थ्य क्षेत्रका लामो समयसम्म काम गरेको अनुभव सुनाउदै हेल्थ एक्चेञ्ज नेपालले जस्ता संघसंस्थाको गतिविधि राजधानी र वरिपरी मात्र केन्द्रित नभएर देशका दुरदराजसम्म पुर्‍याउन आग्रह गरिन्।

विदेशमा बसेर पनि नेपालको कला संस्कृति भाषालाई जगेर्ना गर्न नेपालीले संस्था स्थापना गरेको भूमिकाप्रति प्रसन्नता प्रकट गर्दै दोश्रो पुस्ताका नेपालीलाई समेत नेपालसँगको भावानात्मक सम्वन्ध कायम राख्न सके नेपालको विकासमा फाइदा पुग्ने विचार व्यक्त गरिन्।

कार्यक्रमलाई सम्बोधन गर्दै बेलायतका लागि नेपाली राजदूत डा.दुर्गाबहादुर सुवेदीले नेपाल र बेलायतबीचको ऐतिहासिक सम्वन्धको चर्चा गर्दै मार्च महिनामा हुने २०० वर्ष गाँठका कार्यक्रम लण्डनमा मात्र सीमित नगरी बाहिर पनि आयोजना गरिने जानकारी दिए।  यस्ता कार्यक्रमहरुले जनता-जनता बिचको सम्वन्ध अझै गाढा हुने बताए।

कार्यक्रममा गैरआवासीय नेपाली संघका पूर्व प्रवक्ता डा. हेमराज शर्माले नेपाल प्रकृति र भौगालिक रुपमा जति सुन्दर छ त्यसलाई सरकारीस्तरबाट पूर्णरुपमा सदुपयोग हुन नसक्दाँ नेपाली विदेशिन बाध्य भएको बताए। उनले भूकम्पपछि जुनस्तरमा पुनर्निमाणले गती लिन नसकेकोमा गुनासो पोखे। उनले नेपालको उज्वल भविष्यका लागि गैरआवासीय नेपाली आशावादी रहेको बताए।

लिभरपुल नेपाली समाजका अध्यक्ष कुमार घर्तीले स्वागत मन्तब्य दिएको सो कार्यक्रममा हेल्थ एक्चेञ्ज नेपालको गतिविधिबारे डा. शम्भु आचार्यले प्रकाश पारेका थिए।  कार्यक्रममा प्रविण घिमिरेको संयोजकत्वमा विशेष सांस्कृतिक कार्यक्रम प्रस्तुत गरिएको थियो। साथमा नेपालको बिषयमा वृतचित्र प्रस्तुत पनि गरिएको थियो। कार्यक्रममा सहभागी कलाकारलाई हेल्थ एक्चेञ्ज नेपालका सचिव प्राध्यापक सत्यन राजभन्डारीले प्रमाणपत्र वितरण गरे । 

हेल्थ एक्चेञ्ज नेपालको अध्यक्ष जेरेमी वार्डले उपस्थित सबैलाई धन्यबाद व्यक्त गर्दै नेपालको लागि अझ बढी सहयोग गर्न हौसला मिलेको बताए। 

तपाईको समाचार पठाउन यहाँ थिच्नुहोस् ।







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

मिस वर्ल्डको उपाधी मिस इन्डिया मानुषीलाई

मिस वर्ल्डको उपाधी मिस इन्डिया मानुषीलाई

यस वर्षको मिस वर्ल्डको उपाधी मानुषी चिल्लरको जितेकी छिन् । शनिबार चीनको सान्यामा आयोजित ६७ औं मिस वर्ल्डको फाइनलमा गत...

धनगढी तताए हेमन्तले

धनगढी तताए हेमन्तले

डोट्याली कवि हेमन्त विवशका सृजनाबाट शनिबार धनगढीका साहित्यपारखी मन्त्रमुग्ध बनेका छन्। रुबस होटलमा दिउँसो भएको एकल रचना वाचन कार्यक्रममा उनले...

‘बडी सेमिङ’ विरुद्ध विद्या

‘बडी सेमिङ’ विरुद्ध विद्या

हरेक प्रश्नको निरासपूर्ण उत्तर दिने बलिउड अभिनेत्री विद्या वालनको सम्बन्ध पत्रकारहरूसँग सौहाद्र रहँदैन । आगामी फिल्म ‘तुम्हारी सुलु’को प्रमोसनका बेला...

‘भैरे’ बन्दै दयाहाङ

‘भैरे’ बन्दै दयाहाङ

अभिनेता दयाहाङ राई पछिल्ला केही फिल्ममा टिपिकल चरित्रमा देखिन थालेका छन् । रिलिज भइसकेको फिल्म ‘वीरविक्रम’मा ‘वीर’ बनेका उनी पोस्ट...