निर्वाचन आयोगले पूर्णता पायो

शुक्रबार, ०६ फागुन २०७३, ०९ : ०७ नागरिक

काठमाडौं- सरकारले स्थानीयसहित तीनै तहको निर्वाचनका लागि राजनीतिक वातावरण बनाउन लागिपरेका बेला चुनाव गराउने मुख्य जिम्मेवारी पाएको निर्वाचन आयोगले पनि पूर्णता पाएको छ। राष्ट्रपति विद्यादेवी भण्डारीले आयोगमा तीन आयुक्त नियुक्त गरेसँगै आयोगले पूर्णता पाएको हो। केही समयदेखि आयोगमा आयुक्तका तीन पद रिक्त थिए। आयोमा प्रमुख आयुक्त एक र आयुक्त चारजना रहने व्यवस्था छ।

संवैधानिक परिषद्को सिफारिस र संसदीय सुुनुवाइ विशेष समितिको अनुमोदनपछि राष्ट्रपति भण्डारीले बिहीबार नरेन्› दाहाल, ईश्वरीप्रसाद पौडेल र सुधिरकुमार शाहलाई आयोगको आयुक्तमा नियुक्त गरेकी हुन्। नवनियुक्त आयुक्तहरूले बिहीबार नै पद तथा गोपनीयताको शपथ लिएका छन्।

राष्ट्रपतिको उपस्थितिमा प्रमुख निर्वाचन आयुक्त अयोधीप्रसाद यादवले राष्ट्रपति भवन शीतलनिवासमा उनीहरूलाई शपथ गराएका हुन्। सपथलगत्तै उनीहरूले आयोगमा पुगेर पदभार समाले। तीनै जनाले स्वच्छ, पारदर्शी, स्वतन्त्र ढंगले निर्वाचन गराउने प्रतिबद्धता जनाएका छन्। कार्यरत इला शर्मासँगै अब आयुक्तको संख्या चार पुगेको छ।

संवैधानिक व्यवस्था अनुसार आगामी २०७४ माघ ७ भित्र स्थानीय, प्रदेश र केन्द्रीय संसद्को निर्वाचन सम्पन्न गर्नुपर्छ। सरकारले जेठमा स्थानीय निर्वाचन गराउने गरी मिति निर्वाचन घोषणा गर्ने गृहकार्य गरिरहेको छ।









यसमा तपाईको मत

Loading...

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

लम्फू अब सुटिङमा

लम्फू अब सुटिङमा

दुई वर्ष अघि निर्माण घोषणा गरिएको फिल्म ‘लम्फू’ सोमबारबाट सुटिङका लागि फ्लोरमा जाने भएको छ। गोपालचन्द्र लामिछानेको निर्देशनमा बन्न लागेको...

धुर्मुस सुन्तलीलाई विवेकशीलको पाँच लाख सहयोग

धुर्मुस सुन्तलीलाई विवेकशीलको पाँच लाख सहयोग

भूकम्पपछिको पुनःनिर्माणका काममा सक्रिय धुर्मुस सुन्तली फाउन्डेसनलाई विवेकशील नेपाली दलले  पाँच लाख रुपैयाँ सहयोग गरेको छ। आइतबार राजधानीमा आयोजित कार्यक्रममा...

दोस्रो थारु साहित्यिक मेला कैलालीमा हुने

दोस्रो थारु साहित्यिक मेला चैतको १८ देखि २० सम्म धनगढी-७ को पटेला गाउँमा हुने भएको छ। टीकापुरमा फागुन १४ गते...

'देशभक्ति भावुकता हो, जो धनी वर्गमा बढी हुन्छ'

दक्षिण एसियाका साहित्यकार के लेखिरहेका छन्? सार्क मुलुकको साहित्य कता जाँदै छ? संसारमै सबैभन्दा बढी लेखक यही क्षेत्रमा छन्, तर...