हमाललाई रोचक लाग्यो 'निभ्न लागेको दियो'

शुक्रबार, ०६ फागुन २०७३, १० : ०७ नागरिक

काठमाडौं- जीवनभर व्यावसायिक फिल्म खेलेका अभिनेता राजेश हमालले अर्ग्यानिक स्वादको फिल्म 'निभ्न लागेको दियो' को प्रशंसा गरेका छन्। आफ्ना सहयोगीका साथ बिहीबार फिल्म हेर्न लाबिम मल पुगेका हमालले फिल्मले नेपाली संस्कार र संस्कृति मिहीन रूपमा प्रस्तुत गरेको भन्दै प्रशंसा गरेका थिए।

'मिनिमालिज्म थिममा बनेको रहेछ। सानो क्यानभासमा पनि निर्देशकले रोचक  फिल्म बनाउनुभएको रहेछ। मलाई  त मन पर्‍यो,' हमालले भने।

हमालसँगै गायिका आस्था राउत पनि फिल्म हेर्न पुगेकी थिइन्। सामाजिक सञ्जालमा फिल्मको प्रशंसा सुनेर फिल्म हेर्न पुगेकी आस्थाले फिल्मले पहाडी जनजीवन दुरुस्त उतारेको बताइन्। उनले पनि 'कालो पोथी' पछि 'निभ्न लागेको दियो' आफूलाई मन परेको प्रतिक्रिया दिइन्।

रसुवाको गत्लाङलाई पृष्ठभूमि बनाई खिचिएको फिल्मले हिमाली जनजीवनसँगै दिदीभाइको कथालाई मुख्य विषय बनाएको छ। एक दिन एक रातको कथा पस्किएको फिल्मको छायांकन र कलाकारको अभिनय प्रशंसनीय मानिएको छ। व्यावसायिक मसला नभएका फिल्म हलमा केही दिनमै उत्रने परम्पराविपरीत फिल्म राजधानीसँग काठमाडौंका केही हलमा दोस्रो साततामा प्रवेश गरेको निर्माण टिमले जनाएको छ। निर्देशक नरेश कुमार केसीले 'अकुपेन्सी' आइतबार /सोमबारको तुलनामा बढिरहेको बताए। उनले फिल्मबाट भने मिश्रित प्रतिक्रिया पाएका छन्। 'केहीले एकदमै मनपराउनुभएको छ भने केहीले ठिकैको फिल्म भन्ने प्रतिक्रिया दिनु भएको छ।  दुवैखाले प्रतिक्रियाको सम्मान गर्छु म,' नरेशले भने।

गत शुक्रबारदेखि प्रदर्शनमा आएको फिल्ममा सौगात मल्ल, अर्पण थापा, सिर्जना सुब्बा, विद्या कार्की र लाक्पा सिडी तामाङको अभिनय छ।










यसमा तपाईको मत

Loading...

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

बुँख्याचा मनको रंगशिल्प

बुँख्याचा मनको रंगशिल्प

'बुँख्याचा मन'को निर्देशकीय परिकल्पनाका दृष्टिले रंगमञ्च संयोजनले उच्चता प्राप्त गरेको देखिन्छ। मितव्ययी रंगप्रविधिबाट पनि यति गहिरो कथालाई सहजै प्रस्तुत गर्न...

'निशा नभएको भए म डुबिसक्थेँ'

'निशा नभएको भए म डुबिसक्थेँ'

सँगै नाटक गर्दागर्दै सुनील र निशाले एकअर्कालाई मन पराए, प्रेमिल व्यवहार दर्शाउन थाले। उनीहरूको कलिलो प्रेमको पालुवाले रंगमञ्चको पर्दा छिचोल्यो,...

'उपन्यासलाई नाटकमा उतार्न गाह्रो भयो'

'उपन्यासलाई नाटकमा उतार्न गाह्रो भयो'

जनकपुरमा रहँदा रेडियो नाटक गर्दागर्दै मैथिली नाट्यकर्मी रविन्द्र झाको सहयोगमा सरिता साह शरंगमञ्चमा प्रवेश गरेकी हुन्। नाटककै लागि २०६९ मा...

हलमा अस्कर विजेता फिल्म

हलमा अस्कर विजेता फिल्म

हलिउड फिल्म नेपालमा वितरण गर्दै आएको एप्पल इन्टरटेनमेन्टले अस्कर अवार्ड विजयी र मनोनीत तीन सिनेमा नेपाली मल्टिप्लेक्स हलमा प्रदर्शन गर्ने...

Fixed Ad