काठमाडौं– महाशिवरात्रीकाे दिन शुक्रबार बिहानैदेखि काठमाडाैंकाे पशुपतिनाथ मन्दिरमा भक्तजनकाे भीड लागेकाे छ। देशका अन्य शिवालयहरूमा पनि भत्तजनकाे भीड छ।
भक्तजनहरूलार्इ दर्शनकाे सुविधाका लागि बिहान साढे ३ बजेबाट नै पशुपतिनाथ मन्दिरकाे उत्तर, पश्चिम र दक्षिण ढोका खुला गरिएको थियाे। बिहान ३ बजेदेखि नै भक्तजनहरू दर्शन र पूजाका लागि लाइनमा बसेका थिए। यस वर्ष कोषले सशुल्क दर्शन पासको व्यवस्था भने खारेज गरेको छ।
पशुपति क्षेत्र विकास कोषका सदस्य सचिव डा. गोविन्द टन्डनका अनुसार सुरक्षााका लागि पशुपति क्षेत्रमा ४ हजार नेपाल प्रहरी, २ हजार ५ सय सशस्त्र प्रहरी र ४ सय राष्ट्रिय अनुसन्धान विभागका सुरक्षाकर्मी परिचालन गरिएकाे छ।
पशुपति आएका नागाबाबा, साधुसन्त एवम् महात्माका लागि कोष र गुठी संस्थानले फागुन ११ गतेदेखि नै पशुपति क्षेत्र र थापाथलीस्थित कालमोचनघाटमा निशुल्क बस्ने–खाने व्यवस्था गरेका छन्।
हेर्नुहाेस् तस्बिरहरू