दुवई विमानस्थलद्वारा लगेज नियम परिवर्तन, डोरीले बाँधेका झोला, गुन्टा लान नपाइने

आइतबार, २२ फागुन २०७३, १६ : ४३ नारायण भुर्तेल, युएई


युएई-  युएईको दुबईस्थित अन्तरार्ष्ट्रिय विमानस्थले सेवालाई सुधार गर्न लगेजसम्बन्धी नियम परिवर्तन गर्ने भएको छ। नयाँ नियमअनुसार युएईमा कार्यरत कामदारहरुले घर फर्किंदा विमानस्थलबाट डोरीले बाँधिएका झोला, गुन्टा र कार्टुन लैजान पाउने छैनन्।

नेपाल एयरलाइन्सका कन्ट्री म्यानेजर रमेश पौडेलले डोरीले बाँधेका लगेज लैजान नपाइने स्थिति भएकाले अब यस्ता सामान नल्याउन नेपालीहरु समक्ष आग्रह गरे।

वैदेशिक रोजगारीमा आएकाहरु नेपालीले घर फर्किंदा डोरीले बाँधेका गुन्टा तथा कार्टुन लाने गरेका थिए। नयाँ नियम ८ मार्चदेखि लागू हुनेछ।

'दुवई अन्तरार्ष्ट्रिय विमानस्थलसँग विश्वकै सुविधासम्पन्न ब्यागेज प्रणाली छ', ट्रमिनल अपरेसन हेर्ने उपाध्यक्ष अलि अजिजले भनेका छन्, 'यस्तो सुविधासम्पन्न प्रणालीलाई अनियमित आकार र बढी तौल भएका ब्यागेजले असर पारिरहेको छ।'

सुरक्षाका दृष्टिले पनि विमानस्थल लगेज नियम परिवर्तन गर्नुपरेको उनले बताए।

डोरीले बाँधिएका झोला, गुन्टा र कार्टुनका कारण 'लगेज क्लेमर'मा जाम हुने गरेको उनले बताए। 'त्यस्तो जामले हाम्रो सम्पूर्ण प्रणाली बन्द गर्न सक्छ। यात्रुले ढिलो लगेज पाउने, विमान कम्पनीलाई गाह्रो हुने र हाम्रा ग्राहकलाई असर परिरहेको छ', उपाध्यक्ष अजिजको भनाई उदृत गर्दै इमिरेट्स ट्वान्टी फोर न्युजले जनाएको छ।

परिवर्तित नियमपछि एयरलाइन्स कम्पनीहरुले आफ्ना यात्रुहरुलाई लगेजको रुपमा डोरीले बाँधेका गुन्टा, कार्टुन नबनाउन आह्वान गरेका छन्। युएईमा नियमित उडान गर्ने नेपाल एयरलाइन्सका कन्ट्री म्यानेजर रमेश पौडेलले डोरीले बाँधेका लगेज लैजान नपाइने स्थिति भएकाले अब यस्ता सामान नल्याउन नेपालीहरु समक्ष आग्रह गरे।

सुरक्षा र लगेज व्यवस्थापनको कारण देखाउँदै दुवई विमानस्थलले लगेजसम्बन्धी नियम परिवर्तन गरेको हो।

नेपालको राष्ट्रिय ध्वजाबाहक नेपाल एयरलाइन्सले काठमाडौं फर्किने नेपालीहरुलाई डोरीले नबाँधेका, गुन्टा नबनाएका दुई वटा लगेजमा ४० केजीसम्म लगेज निःशुल्क हुने जनाएको छ। दुई वटाभन्दा धेरै लगेजको हकमा ४० केजी निःशुल्क सुविधा नपाइने पौडेलले जानकारी दिए।

नेपाल एयरलाइन्सले काठमाडौं-दुवईको रुटमा दैनिक उडान गर्दै आएको छ।

तपाईको समाचार पठाउन यहाँ थिच्नुहोस् ।







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

स्वास्थ्यका कारण कार्यक्रममा आउन सकिन: मार्समेलो

स्वास्थ्यका कारण कार्यक्रममा आउन सकिन: मार्समेलो

अन्तर्राष्ट्रिय कलाकार मार्समेलोले पूर्व निर्धारित कार्यक्रममा सहभागि हुन नसेकपछि नेपाली फ्यान तथा आयोजकसँग माफी मागेका छन्। ...

‘जोकमा पनि पटकथाको संरचना हुन्छ’

‘जोकमा पनि पटकथाको संरचना हुन्छ’

बलिउड लेखक अन्जुम राजाबलीले जोकमा पनि पटकथाको संरचना हुने बताएका छन् । दुई दिने कार्यशालाका लागि बुधबार नेपाल आएका उनले...

कौमार्य कथामा ‘मिस्टर भर्जिन’

कौमार्य कथामा ‘मिस्टर भर्जिन’

समाजमा सार्वजनिक चर्चाका लागि निषेध जस्तै मानिने यौन सम्बन्धी विषयलाई लिएर  ‘मिष्टर भर्जिन’ शीर्षकको फिल्म बन्ने भएको छ । बुधबार...

‘पिँजडा ब्याक अगेन’ ट्रेलर

‘पिँजडा ब्याक अगेन’ ट्रेलर

आगामी माघ ४ गते रिलिज हुन लागेको फिल्म ‘पिँजडा ब्याक अगेन’को ट्रेलर सार्वजनिक भएको छ । राजधानीमा मंगलबार पत्रकारमाझ सार्वजनिक...