रत्नपार्कमा वायुमापन केन्द्र

बुधबार, ०२ चैत २०७३, ०९ : ३३ नागरिक


काठमाडौं– उपत्यकामा भइरहेको वातवरण प्रदूषणको मापनका लागि जनसंख्या तथा वातावरण मन्त्रालय र अन्तर्राष्ट्रि«य पर्वतीय एकीकृत विकास केन्द्र (इसिमोड)ले संयुक्त रूपमा ‘वायु गुणस्तर मापन केन्द्र’ सञ्चालनमा ल्याएका छन् ।

मंगलबार एक समारोहका बीच केन्द्रको औपचारिक उद्घाटन गरिएको हो ।

बढ्दो वायु प्रदूषणको अवस्था हेरेर न्यूनीकरणका लागि गृहकार्य गर्न सहज गराउन केन्द्र सञ्चालनमा ल्याएको मन्त्रालयले जनाएको छ । ‘वायु प्रदूषण कसरी बढिरहेको छ भन्ने केन्द्रले देखाउँछ,’ मन्त्रालयका सचिव डा.विश्वनाथ ओलीले भने, ‘तथ्यांकको आधारमा प्रदूषण न्यूनीकरण गर्ने रणनीति ल्याइनेछ ।’ उनका अनुसार उपत्यकाको रत्नपार्क, पुलचोक र धुलिखेलमा केन्द्र सञ्चालनमा ल्याइएको छ । इसिमोडको साझेदारीमा मन्त्रालयले उपत्यकामा १५ र नेपालभर ५६ स्थानमा मापन केन्द्र विस्तार गर्न लागेको छ ।

केन्द्रले यन्त्रमार्फत धुलो र धुँवाको मात्र कहाँ कति मात्रामा छ भन्ने सजिलै थाहा पाउन सकिन्छ । एउटा यन्त्रले त्यस वरपर करिब १० किलोमिटरसम्मको तथ्यांक उपलब्ध गराउँछ ।

यन्त्रले उपलब्ध गराएको तथ्यांक सरकारले पोलुसन सम्बन्धीको अवस्था पोलुसन डट जिओभी डट एनपीबाट सबैले सजिलै हेर्न सक्ने मन्त्रालय वातवरण विभाग प्रदूषण महाशाखाका शंकरप्रसाद पौडेलले जानकारी दिए ।

सरकारले २४ घन्टाका लागि पार्टीकुलेट म्याटर (पिएम) १० को एक सय २०, पिएम २.५ को ४० माइक्रोग्राम प्रतिघनमिटर राष्ट्रिय मापदण्ड तोकेको छ । तर, उपत्यकाको प्रदूषण भने मापदण्डभन्दा उच्च रहँदै आएको विभिन्न तथ्यांकले देखाएको छ ।







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

‘महिलाको चरित्र चित्रणमा कमजोर नेपाली फिल्म’

‘महिलाको चरित्र चित्रणमा कमजोर नेपाली फिल्म’

नेपाली फिल्मलाई बलिउडको नक्कल गर्ने आरोप लागेको छ । अझ त्यसरी बनेका फिल्ममा पनि शिल्प र सौन्दर्य नभएको गुनासो सुनिन्छ...

धनगढी तताए हेमन्तले

डोट्याली कवि हेमन्त विवशका सृजनाबाट शनिबार धनगढीका साहित्यपारखी मन्त्रमुग्ध बनेका छन् । रुबस होटलमा दिउसो भएको एकल रचना वाचन कार्यक्रममा...

‘गुडबाई काठमाडौं’लाई कोलकातामा अवार्ड

‘गुडबाई काठमाडौं’लाई कोलकातामा अवार्ड

दशकअघि देशमा विद्यमान जनयुद्धको पृष्ठभूमिमा बनेको फिल्म ‘गुडबाई काठमाडौं’ले भारतको कोलकातामा भएको ‘कोलकाता इन्टरनेसनल फिल्म फेस्टिभल’मा ‘नेटप्याक अवार्ड’मा ‘उत्कृष्ट फिल्म’को...

मिस वर्ल्डको उपाधी मिस इन्डिया मानुषीलाई

मिस वर्ल्डको उपाधी मिस इन्डिया मानुषीलाई

यस वर्षको मिस वर्ल्डको उपाधी मानुषी चिल्लरको जितेकी छिन् । शनिबार चीनको सान्यामा आयोजित ६७ औं मिस वर्ल्डको फाइनलमा गत...