भोलिदेखि मानवअधिकार फिल्म मेला

बुधबार, ०२ चैत २०७३, १२ : १९ नागरिक


काठमाडौं– बिहीबारदेखि राजधानीमा मानवअधिकार फिल्म मेला लाग्ने भएको छ । मंगलबार अनामनगरको युनियन हाउसमा पत्रकार सम्मेलन गर्दै आयोजकले उक्त जानकारी गराएको हो ।

‘मेरो पनि अधिकार छ’  भन्ने मूल नारासहित हुन लागेको मेलामा मानव अधिकारको विषयसँग नजिक रहेका फिल्महरुको प्रदर्शन हुनेछन् । आयोजकका अनुसार ३८ देशका फिल्महरु पर्यटन बोर्डमा बिहीबारदेखि चार दिनसम्म देखाइनेछन् ।  

देवकी विष्टले निर्देशन गरेको ‘देउकी’को प्रदर्शनसँगै सुरु हुनेछ । फिल्ममा नेपालको पश्चिम र सूदुरपश्चिमाञ्चल क्षेत्रमा परम्परागतरुपमा धर्म र परम्पराका नाममा युवतीलाई मन्दिरमा चढाउने (देवीका नाममा छोडिदिने) परम्परागतको चित्रण गरिएको छ । 

महोत्सवमा विश्वभरिका विभिन्न देशबाट आएका फिल्मको प्रदर्शनसँगै ‘मानवअधिकार र नेपाली चलचित्र’ र ‘नेपाली चलचित्रको अन्तर्राष्ट्रियकरण’ शीर्षकका दुई विषयमा छलफल पनि आयोजना गरिने आयोजकले जानकारी गराए । यसका साथै एक दिन भारतीय फिल्मका निर्देशक गिरिस कासरावल्लीले मास्टर क्लास पनि लिनेछन् । 

‘नेपाल मानवअधिकार अन्तर्राष्ट्रिय चलचित्र महोत्सव’मा नेपाली फिल्मका चर्चित निर्देशक तुलसी घिमिरे, भारतीय निर्देशक कासरावल्ली र बंगलादेशका फिल्म समीक्षक अमेद मुज्ताब जामल र डच फिल्म निर्माता क्लेमेन्टाइन इड्रिभनले निर्णायकको भूमिका निर्वाह गर्नेछन् । 

महोत्सवको समापनमा निर्णायकहरुले छनोट गरेका चार वटा फिल्मलाई ‘राइनो अवार्ड’ प्रदान गरिनेछ । छनोटमा परेका उत्कृष्ट अन्तर्राष्ट्रिय फिल्म र वृत्तचित्रका साथै उत्कृष्ट नेपाली फिल्म र वृत्तचित्रका साथै एउटा जुरी अवार्ड प्रदान गरिनेछ । जुरी अवार्डबाहेक फिल्मले ४० हजार रुपैयाँ नगद प्राप्त गर्नेछन् । जुरी अवार्डमा भने रकम नराखिएको फेस्टिभल निर्देशक अरुणदेओ जोशीले बताए ।

अन्तर्राष्ट्रिय चलचित्र महोत्सवको यो पाँचौ संस्करण हो । महोत्सव अवधिभर ९० भन्दा ज्यादा फिल्म प्रदर्शन हुनेछन् भने सहभागीले यसका लागि कुनै शुल्क तिर्नु पर्ने छैन । 

 





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

मोफसलका दर्शकसँग ‘कान्छी’

मोफसलका दर्शकसँग ‘कान्छी’

नायिका श्वेता खड्का आफूले अभिनय तथा निर्माण गरेको फिल्म ‘कान्छी’को प्रतिक्रिया लिन व्यस्त छिन्। काठमाडौंका हलबाट राम्रो प्रतिक्रिया पाएकी श्वेता...

आठ जिल्लामा फेरि ‘संरक्षण’

आठ जिल्लामा फेरि ‘संरक्षण’

गत साउन २७ गते सार्वजनिक प्रदर्शनमा आएको फिल्म ‘संरक्षण’ फागु पूर्णिमाको अवसर पारेर तराईका ८ जिल्लामा पुनः प्रदर्शन हुने भएको...

दुलही बन्दै एमी

दुलही बन्दै एमी

क्रिकेटर बिराट कोहली र अभिनेत्री अनुष्का शर्माको विवाह सन् २०१७को सबैभन्दा चर्चित विवाह रह्यो । यो साल भने सोनम कपुर...

खानासँगै संगीतको स्वाद

खानासँगै संगीतको स्वाद

पछिल्लो समयमा युवापुस्तामाझ रुचाइएका गायक रोहित जोन क्षेत्री शनिबार राजधानीमा युवापुस्तामाझ देखिँदा हुटिङ र ताली राम्रै पाए । उनी युवा...