सुरु भयो मानवअधिकार फिल्म महोत्सव

बिहिबार, ०३ चैत २०७३, १७ : ४७ नागरिक

काठमाडौं – मानव अधिकारका विषयमा केन्द्रित फिल्महरुलाई प्राथमिकता दिदैं मानवअधिकार अन्तराष्ट्रिय फिल्म महोत्सव बिहीबारदेखि राजधानीमा सुरु भएको छ ।  ‘मेरो पनि अधिकार छ’  भन्ने नारासहित सुरु भएको महोत्सवको उद्घाटन मानव अधिकार आयोगका अध्यक्ष अनुपराज शर्माले गरे ।

‘फिल्मको माध्यमबाट कथा प्रस्तुत गर्दा एकदम प्रभावकारी हुन्छ । शान्ति, द्धन्द्ध, महिला र बसाई सराई लगायत विषयवस्तु मानव अधिकारभित्र पर्ने गर्छ । नेपालको सन्दर्भमा दाइजो प्रथादेखि छाउपडी लगायत प्रथाहरु कायम छन् । यसको न्यूनीकरणको लागि फिल्म महत्वपूर्ण विधा हुन्,’ मानव अधिकार आयोगका अध्यक्ष अनुपराज शर्माले भने । महोत्सवको यो पाँचौ संस्करण हो ।

महोत्सवको उदघाटनसँगै सुदुरपश्चिमको प्रचलित युवतीहरूलाई मन्दिरमा चढाउने प्रथामा आधारित पत्रकार देवकी बिष्टको ‘इन सर्च अफ देवकी’ नामक फिल्म प्रदर्शन गरियो । ‘सुदुरपश्चिममा अहिलेपनि प्रचलित रहेको देवकी  प्रथाबारे जानकारी गराउने फिल्म तयार गरेको हुँ,’ निर्देशक बिष्टले भनिन् । बिहीबार ‘ बटरफाइज्’, ‘हाउस’, ‘द गुड्स’, ‘आना’, ‘द बक्स’ र ‘द स्याड मोङ्क’ लगायत फिल्महरू प्रदर्शन भएका थिए । 

‘महिला, बालबालिका र शरणार्थी लगायत विभिन्न विषयमा बनेका छोटा लामो फिल्महरू महोत्वसमा प्रदर्शन हुनेछन् । यसपटक ३८ देशका एक सय १ वटा फिल्महरू प्रदर्शन हुँदैछ,’ महोत्सव निर्देशक पाण्डव खत्रीले भने । महोत्सवको आयोजना मानव अधिकार फिल्म सेन्टरले गरेको हो । निर्देशक तुलसी घिमिरे, भारतीय निर्देशक कासरावल्ली र बंगलादेशका फिल्म महोत्सव आयोजक अमेद मुज्ताब जामल र डच फिल्म निर्माता क्लेमेन्टाइन इड्रिभनले महोत्सवको निर्णायकको रुपमा देखिएका छन् । 
 









यसमा तपाईको मत

अन्य समाचार

‘कहिलेसम्म भात खान मात्र फिल्म बनाउने ?’

‘कहिलेसम्म भात खान मात्र फिल्म बनाउने ?’

‘फिल्म कसका लागि बनाउने ? फिल्म बनाउनुको ठोस उद्देश्य के हो ?’ आइतबार राजधानीमा फिल्म ‘नुमाफुङ’ हेरिसकेपछि यसका निर्देशक नविन...

‘मुसाफिर’ लिएर आए नृपेश

‘मुसाफिर’ लिएर आए नृपेश

पन्ध्र वर्षदेखि बेलायत बस्दै आएका गीतकार तथा गजलकार नृपेश उप्रेतीले ‘मुसाफिर’ नामक गजलसंग्रह गजल पारखीमाझ ल्याएका छन् । केही दिनअघि...

भूकम्पको वार्षिकीमा वृत्तचित्र प्रदर्शन

भूकम्पको वार्षिकीमा वृत्तचित्र प्रदर्शन

नुवाकोट रातोमाटेका भूकम्प पीडित लालबहादुरको कथामा आधारित रहेर निर्माण गरिएको वृत्तचित्र ‘लालबहादुरको कविता’ राजधानीमा प्रदर्शन गरिएको छ । विनाशकारी भूकम्पको...

क्षत्रीको ‘नमस्ते काठमाडौं’

क्षत्रीको ‘नमस्ते काठमाडौं’

फिल्म निर्देशक तथा सञ्चारकर्मी डब्बु क्षत्रीले कथा संग्रह ‘नमस्ते काठमाडौं’ पाठकमाझ ल्याउने भएका छन् । दुई दशकदेखि छापा पत्रकारितामा सक्रिय...