भिजिट नेपाल युरोप २०१७ को शुरुआत लण्डनबाट

शुक्रबार, ०४ चैत २०७३, १७ : ३३ चिरन शर्मा  | @Chiran_London


लन्डन - युरोपेली नागरिकहरुलाई नेपालको भ्रमण गर्न प्रोत्साहित गर्ने उद्देश्यले “भिजिट नेपाल युरोप २०१७” का लण्डनमा औपचारिक शुरुआत गरिएको छ।

वेलायतकालागि नेपाली राजदूत डा दुर्गाबहादुर सुवेदीले बुधबार वेबसाइट उद्घाटन गरी कार्यक्रमको शुरुआत गरे।

सो अवसरमा बोल्दै राजदूत सुवेदीले पर्वतारोहण र पदयात्राका लागि नेपाल विश्वमै सर्वोत्कृष्ट गन्तव्यको रुपमा चिनिएको स्मरण गर्दै साहसिक, धार्मिक र सांस्कृतिक पर्यटनकालागि पनि एक विशिष्ट गन्तव्यको रुपमा रहको बताए । 

नेपाल सरकारले आफुलाई लण्डनमा मुख्यालय रहेको वर्ल्ड टुरिज्म अरगनाइजेशनकालागि स्थायी प्रतिनिधि नियुक्त गरेको बताउँदै उनले नेपालमा पर्यटन प्रबर्द्धन गर्न आफुले सक्दो प्रयास गर्ने पनि राजदूत सुवेदीले बताए।

प्रमुख अतिथि ब्रिटेनको लेबर पार्टीका एकजना नेता तथा सांसद वीरेन्द्र शर्माले आफुले चार पटक नेपालको भ्रमण गरिसकेको र हरेक पटक आफुले नेपाल अत्यन्त सुन्दर र नेपाली जनता अत्यन्त सहृदयी भएको पाएको बताए।

कार्यक्रमको शुरुमा ब्रिटेनकालागि नेपाल पर्यटन बोर्डका मानार्थ जनसंपर्क प्रतिनिधि पशुपति भण्डारी, नेपाल आइरिश समाजका अध्यक्ष दीपेशमान शाक्य तथा डनमार्ककालागि मानार्थ जनसंपर्क प्रतिनिधि सोमनाथ सापकोटाले नेपालमा पर्यटन संभाव्यताकाबारे प्रस्तुति दिएका थिए। सो अवसरमा बोल्दै  भण्डारीले नेपाल जाने पर्यटकहरुमध्ये ब्रिटिश पर्यटकहरु चौथो स्थानमा रहेको जानकारी दिए।  

कार्यक्रममा ब्रिटेनस्थित विभिन्न ट्राभल तथा टुर अपरेटर कम्पनीका प्रतिनिधिहरु सहभागी थिए। सो समारोहमा जर्मनीका लागि नेपाल पर्यटन बोर्डका मानार्थ जनसंपर्क प्रतिनिधि सन्तोष भट्टराई पनि सहभागी थिए।

 



 

तपाईको समाचार पठाउन यहाँ थिच्नुहोस् ।









यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।


अन्य समाचार

'पहिला नेपाली फिल्म हेर्दा झुर लाग्थ्यो'

'पहिला नेपाली फिल्म हेर्दा झुर लाग्थ्यो'

अभिनय क्षेत्रमा आउनुअघिसम्म नेपाली फिल्मप्रति अभिनेत्री सुरक्षा पन्तको धारणा सकारात्मक थिएन। नियमित फिल्म हेर्ने गरे पनि फिल्मप्रति उनको आलोचना तिखो...

विवादित बन्यो राष्ट्रिय कला प्रदर्शनी

विवादित बन्यो राष्ट्रिय कला प्रदर्शनी

आन्तरिक विवाद थाती राखेर सुरु भएको सातौं राष्ट्रिय ललितकला प्रदर्शनी विवादित बनेको छ। गलत कलाकृतिलाई पुरस्कृत गर्नेदेखि लिएर  प्रतिष्ठानका गतिविधी...

सायद २ को दोस्रो ट्रेलर सार्वजनिक

सायद २ को दोस्रो ट्रेलर सार्वजनिक

नेपाली फिल्म ‘सायद २’ ले दोस्रो ट्रेलर सार्वजनिक गरेको छ। आइतबार हाइलाइट्स नेपालको औपचारिक च्यानलमार्फत ‘सायद २’ को दोस्रो ट्रेलर...

प्रेमध्वज–दुर्गालालको ठट्टा

प्रेमध्वज–दुर्गालालको ठट्टा

श्रेष्ठले घोषणा गरे–‘कसैले प्रेमध्वज कहिल्यै रिसाएको, रिसाएर मुख बिगारेको देखेको भए भन्नु, तुरुन्तै १० हजार पुरस्कार ।’ प्रधानसँगै उपस्थित गलल...