आफ्नो सीप र ज्ञान हस्तान्तरण गर्ने इच्छा

शुक्रबार, ०४ चैत २०७३, १८ : २१ नागरिक


काठमाडौं- थाइल्याण्डमा रहेका नेपाली पेशाकर्मी, शिक्षाकर्मी, व्यवासायीहरुले मातृभूमि नेपालमा आफूले सिकेको सीपलाई संगठित र स्वेच्छिकरुपमा हस्तान्तरण गर्ने इच्छा देखाएका छन्।  

नेपालमा सीप हस्तान्तरणको आवश्यकता र संभावनाबारे पथुम्थानीस्थित एसियन इन्ष्टिच्युट अफ टेक्नोलोजी (एआईटी)मा हालै आयोजित अन्तरक्रिया कार्यक्रमका सहभागीहरुले उक्त कुरा जनाएका हुन्।  

कार्यक्रममा बैंककस्थित संयुक्त राष्ट्र संघीय नियोगदेखि विभिन्न संस्थामा कार्यरत कर्मचारी, गैरआवासीय नेपाली संघ थाइल्याण्डका पदाधिकारी, अध्यापन क्षेत्रमा लागेका प्राध्यापक एवं कर्मचारीहरु, एआइटीका प्रतिनिधि सहभागी थिए।

कार्यक्रमको अध्यक्षता बेनीमाधव लेखकले गरेका थिए भने अनिलकुमार अनलले सहजकर्ताको भूमिका निर्वाह गरेका थिए। लेखकले थाइल्याण्डमा बसोबास गर्दै आएका विज्ञ एवं व्यवसायीहरु मिलेर तत्काल नेपालमा केही गतिविधि गर्ने उपाय खोज्नुपर्ने कुरामा जोड दिएका थिए।

गत महिना (फेब्रुअरी १०मा) पनि एआइटीले एआइटी एल्मुनाई एशोसियशनसँग मिलेर काठमाडौंमा यसै विषयमा केन्द्रीत भएर गोष्ठी आयोजना गरेको थियो । उक्त गोष्ठीमा सरकारी अधिकारीदेखि दाता, निजी क्षेत्रका प्रतिनिधि सहभागी थिए।

अन्तरक्रिया कार्यक्रममा विभिन्न वक्ताहरुले नेपालको संभावना र समस्या समाधानका बारेमा आआफ्नो धारणा राखेका थिए।

मुख्य गरेर चार विषयहरु विप्रेषणको सही व्यवस्थापन, नवीकरणीय उर्जाको विकास, मूल्यमा आधारित कृषि तथा जडिबुटी उद्योग र निर्माण क्षेत्रलाई प्राथमिकता दिइएको यस अन्तरक्रियामा सहभागी विज्ञ एवं व्यवसायीले मिलेर काम  गर्न सकिने क्षेत्रहरुको खोजी गरेका थिए।

त्यसका लागि नौ सदस्य कार्यसमिति समेत गठन गरिएको छ। समितिले सीप तथा ज्ञान हस्तान्तरण र आगामी कार्ययोजना निर्माणको काम गर्नेछ । स्कुल अफ इन्भाइरोमेन्ट, रिसोर्स एण्ड डेभलपमेन्ट (सेर्ड)का डिन राजेन्द्रप्रसाद श्रेष्ठको अध्यक्षतामा गठित कार्यसमितिमा बैंककस्थित संयुक्त राष्ट्र संघीय विकास कार्यक्रम (यूएनडिपी)मा काम गर्ने विश्वनाथ तिवारी, सिएच कार्चङ कम्पनीका बेनीमाधव लेखक, एआइटीका ज्ञानेन्द्र स्थापित, अनिलकुमार अनल, शोभाकर ढकाल, यनेस्केपका मदनबन्धु रेग्मी, किङ मोङकुट्स युनिभर्सिटी अफ टेक्नोलोजीका खगेन्द्र ढकाल, एनआएनए थाइल्याण्डका गाबो गुरुङ सदस्य छन्।

तपाईको समाचार पठाउन यहाँ थिच्नुहोस् ।







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

स्वास्थ्यका कारण कार्यक्रममा आउन सकिन: मार्समेलो

स्वास्थ्यका कारण कार्यक्रममा आउन सकिन: मार्समेलो

अन्तर्राष्ट्रिय कलाकार मार्समेलोले पूर्व निर्धारित कार्यक्रममा सहभागि हुन नसेकपछि नेपाली फ्यान तथा आयोजकसँग माफी मागेका छन्। ...

‘जोकमा पनि पटकथाको संरचना हुन्छ’

‘जोकमा पनि पटकथाको संरचना हुन्छ’

बलिउड लेखक अन्जुम राजाबलीले जोकमा पनि पटकथाको संरचना हुने बताएका छन् । दुई दिने कार्यशालाका लागि बुधबार नेपाल आएका उनले...

कौमार्य कथामा ‘मिस्टर भर्जिन’

कौमार्य कथामा ‘मिस्टर भर्जिन’

समाजमा सार्वजनिक चर्चाका लागि निषेध जस्तै मानिने यौन सम्बन्धी विषयलाई लिएर  ‘मिष्टर भर्जिन’ शीर्षकको फिल्म बन्ने भएको छ । बुधबार...

‘पिँजडा ब्याक अगेन’ ट्रेलर

‘पिँजडा ब्याक अगेन’ ट्रेलर

आगामी माघ ४ गते रिलिज हुन लागेको फिल्म ‘पिँजडा ब्याक अगेन’को ट्रेलर सार्वजनिक भएको छ । राजधानीमा मंगलबार पत्रकारमाझ सार्वजनिक...