असिनाले ढाकेपछि भेडेटार सेताम्य (फोटो फिचर)

सोमबार, ०७ चैत २०७३, २० : ०१ रोहित राई


भेडेटार- भेडेटारको मौसम अनि सौन्दर्यले त्यसैपनि जो कोहीलाई लोभ्याउँछ। बादलसँग लुकामारी खेलिरहने भेडेटारलाई सोमबार भने हिउँ झै असिनाले ढाकेपछि पर्यटकहरुको घुइचो लाग्यो।

                बर्षासँगै परेको असिनाले भेडेटार र आसपासको डाँडा ढाकिएपछि ‘हिउँ परेको’ भन्दै फेसबुकमा पोष्ट गरिएको तस्बिर र भिडियोहरु भाइरल बन्यो। आन्तरिक पर्यटकसँगै भारतीय पर्यटकहरुको पनि भेडेटारमा ताती लाग्यो । मोटरसाइकल र चार पांग्रे गाडीले सडक जाम भयो । पर्यटकहरु हिउँ झै असिनासँग खेल्दै रमाएको रोमाञ्चक दृष्य देखिन्थ्यो। तिनैमध्येका एक हुन, धरान ८ स्थित गजुरमुखी ट्रेड एण्ड सर्भिस लिंकका प्रोपाइटर गोपाल आचार्य। हिउँ परेको सुन्नेबित्तिकै उनी साथीहरुसँग भेडेटार हुइकिएका थिए । ‘असिना परेको त देखेको थिए, तर यतिको मोटो पहिलो पटक देखेको हुँ । त्यसैले मन थाम्नै सकिन र रमाइलो गर्न आयौं’–उनले भने।

भेडेटारका बुढापाकाहरु भने २२ बर्षपछि मोटो हिउँ परेको भन्छन् । स्थानीय तथा भेडेटार खानेपानी तथा सरसफाई समितिका अध्यक्ष ६१ बर्षीय हरिबहादुर लिम्बुका अनुसार यसअघि २०५१ सालमा भेडेटारमा यस्तै मोटो हिउँ परेको थियो । ‘यो मोटो हिउँ नै हो । उच्च हिमाली भेगमा पातलो हिउँ पर्छ, जलवायु परिवर्तनले गर्दा यहाँ चै मोटो हिउँ परेको हो’–उनले भने–‘आज यही हिउँ हेर्नलाई पर्यटकहरुको घुइचो छ ।’ उनका अनुसार दिउँसो करिब २ बजेपछि पानीसँगै असिना र मोटो हिउँ पर्न शुरु गरेको थियो। डाँडाकाँडासँगै सडकमा डेढदेखि अढाई फिटसम्म मोटो हिउँ थुप्रिएपछि सवारी जाम भएको थियो।

भारतले पुरानो ५ सय र हजारको नोटमा प्रतिबन्ध लगाएपछि अर्थतन्त्रसँगै पुर्वको पर्यटनलाई पनि असर पुगेको थियो । असिना(मोटो हिउँ) परेपछि भारतीय पर्यटकहरुकोसमेत पुनः आगमन बढ्नेमा भेडेटारका पर्यटन व्यावसायीहरु आशावादी छन् । ‘आजै पनि भारतीय पर्यटकहरु धेरै आए । हिउँ परेको भन्ने सन्देश जादा भविष्यमा अझ बढ्छन् भन्ने आशा छ’–होटल भेडेटार भ्यु की सञ्चालिका पद्मिनी रुम्दाली राईले भनिन्।















यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

स्वास्थ्यका कारण कार्यक्रममा आउन सकिन: मार्समेलो

स्वास्थ्यका कारण कार्यक्रममा आउन सकिन: मार्समेलो

अन्तर्राष्ट्रिय कलाकार मार्समेलोले पूर्व निर्धारित कार्यक्रममा सहभागि हुन नसेकपछि नेपाली फ्यान तथा आयोजकसँग माफी मागेका छन्। ...

‘जोकमा पनि पटकथाको संरचना हुन्छ’

‘जोकमा पनि पटकथाको संरचना हुन्छ’

बलिउड लेखक अन्जुम राजाबलीले जोकमा पनि पटकथाको संरचना हुने बताएका छन् । दुई दिने कार्यशालाका लागि बुधबार नेपाल आएका उनले...

कौमार्य कथामा ‘मिस्टर भर्जिन’

कौमार्य कथामा ‘मिस्टर भर्जिन’

समाजमा सार्वजनिक चर्चाका लागि निषेध जस्तै मानिने यौन सम्बन्धी विषयलाई लिएर  ‘मिष्टर भर्जिन’ शीर्षकको फिल्म बन्ने भएको छ । बुधबार...

‘पिँजडा ब्याक अगेन’ ट्रेलर

‘पिँजडा ब्याक अगेन’ ट्रेलर

आगामी माघ ४ गते रिलिज हुन लागेको फिल्म ‘पिँजडा ब्याक अगेन’को ट्रेलर सार्वजनिक भएको छ । राजधानीमा मंगलबार पत्रकारमाझ सार्वजनिक...