करेन्ट लगाएर मारिदै नदीका माछा

बुधबार, ०९ चैत २०७३, ११ : ४६ जनक केसी


जाजरकोट– जिल्लाको ग्रामीण भेगमा रहेका नदी र खोलाहरूमा केही वर्षदेखि करेन्ट लगाएर माछा मार्ने क्रम तिव्र बनेको छ । स्थानीय प्रशासनको  लापरवाही र सरोकारवालाहरूको गैरजिम्मेवारीपनका कारण खोला र नदीमा  करेन्ट लगाएर माछाका प्रजाति नै सखाप पार्ने काम हुने गरेको छ ।
 खुलेआम खोला र नदीमा करेन्ट लगाएर माछा मार्ने गरिएपनि प्रहरी र अन्य निकायले केही पनि नगरेको स्थानीयहरूको गुनासो छ । धेरै जसो खोला नदीहरूमा सोलार ब्याट्री र तारको जोहो गरी माछा मार्ने  गरिएको  लहँका स्थानीय बद्री पन्तले बताए । 
उनले पूर्वको नलसिंहगाड, भेरी नदी र झुम्रे खोलामा स्थानीय र  विकासका काममा खटिएका मजदुरहरूले खुलेआम करेन्ट लगाएर माछा मार्ने गरेको  बताए । 
  खोला र नदीमा  करेन्ट लगाएर माछा मार्दा माछाको प्रजाति नै सखाप हुने मात्र नभई अन्य जीव जन्तु समेत नास हुने खतरामा पुगेको पन्तले बताए ।   
त्यस्तै जिल्लाका पश्चिमी क्षेत्रका बिराखोला, साना खोला, छेडागाड, सरु खोला, झाप्रा खोला, रिसांग खोला लगायतका खोला र नदीहरूमा  पनि स्थानीय र अन्य व्यक्तिहरूले  करेन्ट लगाएर  तिव्र रुपमा माछा मार्ने गरेका छन् । 
 प्रहरी लगायत विभिन्न संघसंस्थाका ब्याट्री र तारको दुरुपयोग गर्दै खोलामा  करेन्ट लगाएर माछा मार्ने चलन तिव्र बनेको स्थानीय सरोकारवालाहरू बताउँछन् । 
 करेन्ट लगाएर माछा मार्ने काममा स्थानीय र सडक तथा अन्य संरचना निर्माणमा संलग्न मजदुरहरू र निर्माण व्यवसायीहरू नै रहेको  नागरिक अगुवा राजेन्द्र विक्रम शाह बताउँछन् । 
उनले प्रहरीले कडाइ नगरेका कारण ग्रामीण भेगका नदी र खोलाहरूमा करेन्ट लगाएर माछा मार्ने क्रम तिव्र बनेको बताए । पारिस्थितिक प्रणालीमा नै नकरात्मक असर पर्ने गरी गरिने यस प्रकारका काम रोक्नका लागि स्थानीय प्रशासन र प्रहरीले कडाइ गर्न आवश्यक रहेको उनले बताए । 
उता जिल्ला प्रहरी कार्यालयका प्रमुख डीएसपी भावेस रिमालले खोलामा करेन्ट लगाएर माछामार्ने काममा आफुहरूको तर्फवाट निकै कडाइ गरिएको बताए । 
उनले सो कार्यमा पहिलो पटक संलग्नलाई सम्झाइ बुझाइ गरी पठाइएको र धेरै पटक  करेन्ट लगाइ माछा मार्नेलाई कारवाही गर्ने गरिएको बताए ।  तर उनले को–को कति बेला कारवाहीमा परे भनेर खुलाएनन् । 
कतै कसैले खोला या नदीमा करेन्ट लगाउने  गरेको पाइएमा प्रहरीलाई खवर गर्न पनि उनले आग्रह गरे । करेन्ट लगाएर माछा मार्ने जो भएपनि आफुहरूले कानुनी कारवाही गर्ने उनको भनाई छ । 
करेन्ट लगाएर माछा मार्ने क्रम तिव्र बनेपछि अहिले जिल्लाका खोला र नदीहरूमा माछाका भुरा मात्र नभइ अन्य जीवजन्तुहरू पनि  प्रयाप्त मात्रामा देखिन छोडेको सरोकारवालाहरू बताउँछन् । नदी र खोलाहरूमा  करेन्ट लगाएर माछा मार्ने काम द्वन्द्वका बेला सुरक्षाकर्मीहरूले  गरेको र अहिले त्यही कुरा स्थानीय र अन्य व्यक्तिहरूले सिकेको  बताइएको छ ।   
   
 





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

मोफसलका दर्शकसँग ‘कान्छी’

मोफसलका दर्शकसँग ‘कान्छी’

नायिका श्वेता खड्का आफूले अभिनय तथा निर्माण गरेको फिल्म ‘कान्छी’को प्रतिक्रिया लिन व्यस्त छिन्। काठमाडौंका हलबाट राम्रो प्रतिक्रिया पाएकी श्वेता...

आठ जिल्लामा फेरि ‘संरक्षण’

आठ जिल्लामा फेरि ‘संरक्षण’

गत साउन २७ गते सार्वजनिक प्रदर्शनमा आएको फिल्म ‘संरक्षण’ फागु पूर्णिमाको अवसर पारेर तराईका ८ जिल्लामा पुनः प्रदर्शन हुने भएको...

दुलही बन्दै एमी

दुलही बन्दै एमी

क्रिकेटर बिराट कोहली र अभिनेत्री अनुष्का शर्माको विवाह सन् २०१७को सबैभन्दा चर्चित विवाह रह्यो । यो साल भने सोनम कपुर...

खानासँगै संगीतको स्वाद

खानासँगै संगीतको स्वाद

पछिल्लो समयमा युवापुस्तामाझ रुचाइएका गायक रोहित जोन क्षेत्री शनिबार राजधानीमा युवापुस्तामाझ देखिँदा हुटिङ र ताली राम्रै पाए । उनी युवा...