अप्ठेरो सडकमा बिना ट्याङ्कीका गाडी चल्दैै

बुधबार, ०९ चैत २०७३, १२ : २३ जनक केसी


जाजरकोट – जिल्लाको पूर्वी क्षेत्रको सडकमा निकै जोखिमपूर्ण ढंगले गाडी चलाउने गरिएको छ । अप्ठेरो सडकमा गाडीको ट्याङ्कीहरू फुटेको भन्दै खुल्ला गेलिनमा भरिएको डिजेलबाट पाइप जोडेर गाडी चलाउने गरिएको छ ।
जाजरकोट डोल्पा सडक खण्ड अन्तर्गत जिल्लाको त्रिवेणी नलगाड नगरपालिकाको खगेनकोट बगरादेखि भगवतीको तल्लुसम्मको सडकमा यसरी गाडी चलाउने गरिएको छ । 
२० किलो मिटर दुरीमा चलाइने अधिकांश गाडीहरूमा इन्धन गेलिनमा पाइप हालेर गाडी चलाउने गरिएको मात्र छैन पुरै सिसा फुटेका गाडीहरू पनि असुरक्षित ढंगले चलाउने गरिएको छ ।
  स्थानीय प्रशासनको लापरवाहीका कारण खुलेआम रुपमा यात्रु बस्ने सीट नजिकै राखिएका खुल्ला गेलिनबाट पाइपमा तेल तानेर गाडी चल्ने गरेका छन्। गाडीमा तेल भरेका गेलिनहरू खुल्ला राख्नु आफूहरूको रहर नभई  बाध्यता भएको बताउँछन् यातायात व्यवसायीहरू ।
 उक्त सडकमा साना गाडी चलाइरहेका जीप चालक खीमबहादुर मल्लले अप्ठेरोसडकमा गाडीको ट्याङ्की फुटेपछि गेलिनमा तेल राखेर गाडी चलाउनु परेको बताए ।
 उनले आगलागीको जोखिम भएपनि आफूहरूले सुरक्षित रुपमा गाडी चलाउने गरेको बताए । 
गाडीमा खुल्ला रुपमा तेल राखेर गाडी चलाउँदा दुर्घटनाको जोखिम अत्याधिक भएको खगेनकोट हलचौरका स्थानीय हेमन्त केसीले बताए । उनले गाडीमा  खुल्ला गेलिनवाट तेल आपुर्ति गरेर गाडी चलाउँदा आगलागी हुने मात्र नभइ  अप्ठेरो बाटोमा दुर्घटनाको जोखिम निकैरहेको बताए ।
 जति जोखिमपूर्ण ढंगले चलाएपनि प्रहरी र अन्य निकायले  कुनै वास्ता नगर्ने गरेको स्थानीय यात्रुहरूको गुनासो छ । एक त पहाडको बाटो निकै अप्ठेरो त्यही पनि व्यावसायीले खुल्ला गेलिनमा तेल राखेर गाडी चलाउँछन् यात्रा गर्न  निकै डर लाग्यो उक्त सडकमा यात्रा गरेर खलंगा फर्किएकी खलंगाकी स्थानीय सुधा हमालले  भनिन् । 
 ‘चढुँ भने गाडीको अवस्था निकै जोखिपूर्ण छ नचढौं भने कष्टपूर्ण पैदल यात्रा गर्नुपर्छ’, उनले भनिन् । निकै जोखिमपूर्ण अवस्थामा जनताले यात्रा गर्नु परेको  भएपनि सरोकारवालाले ध्यान नदिनु दुःखको कुरा भएको उनले गुनासो गरिन् । उता प्रमुख जिल्ला अधिकारी कृष्णचन्द्र पौडेलले यसबारे प्रहरीलाई आवश्यक निर्देशन गरिसकिएको  बताए । उनले जोखिमपूर्ण ढंगले चलाइएका गाडीहरू तुरुन्त बन्द गर्न प्रहरी परिचालन गरिएको  बताए । 
 







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

स्वास्थ्यका कारण कार्यक्रममा आउन सकिन: मार्समेलो

स्वास्थ्यका कारण कार्यक्रममा आउन सकिन: मार्समेलो

अन्तर्राष्ट्रिय कलाकार मार्समेलोले पूर्व निर्धारित कार्यक्रममा सहभागि हुन नसेकपछि नेपाली फ्यान तथा आयोजकसँग माफी मागेका छन्। ...

‘जोकमा पनि पटकथाको संरचना हुन्छ’

‘जोकमा पनि पटकथाको संरचना हुन्छ’

बलिउड लेखक अन्जुम राजाबलीले जोकमा पनि पटकथाको संरचना हुने बताएका छन् । दुई दिने कार्यशालाका लागि बुधबार नेपाल आएका उनले...

कौमार्य कथामा ‘मिस्टर भर्जिन’

कौमार्य कथामा ‘मिस्टर भर्जिन’

समाजमा सार्वजनिक चर्चाका लागि निषेध जस्तै मानिने यौन सम्बन्धी विषयलाई लिएर  ‘मिष्टर भर्जिन’ शीर्षकको फिल्म बन्ने भएको छ । बुधबार...

‘पिँजडा ब्याक अगेन’ ट्रेलर

‘पिँजडा ब्याक अगेन’ ट्रेलर

आगामी माघ ४ गते रिलिज हुन लागेको फिल्म ‘पिँजडा ब्याक अगेन’को ट्रेलर सार्वजनिक भएको छ । राजधानीमा मंगलबार पत्रकारमाझ सार्वजनिक...