गाडीको ठक्करबाट महिलाको मृत्यु

भक्तपुर- भक्तपुरको चागुनारायण नगरपालिका ८ सुडालस्थित सरस्वती ईट्टा भट्टामा शनिबार भएको सवारी दुर्घटनामा परी एक महिलाको मृत्यु भएको छ। बा.४ ख. ६५२१ नं. को निशान गाडीले ईट्टा लोड गरी ब्याक गर्ने क्रममा ठक्कर दिंदा कोहलपुर ८ पिपरीगाँउ घर भई सोही ईट्टाभट्टामा काम गर्ने बर्ष ३५ की लाली पुनको मृत्यु भएको हो।

ठक्करपछि घाईते भई उपचारको लागि भक्तपुर अस्पताल पठाइएकोमा दिउँसो १ बजेको समयमा मृत्यु भएको महानगरीय प्रहरी परिसर भक्तपुरले जनाएको छ। घटनास्थलमा महानगरीय प्रहरी वृत्त जगाती भक्तपुरबाट प्रहरी निरीक्षक सहितको प्रहरी टोली खटी गई प्रारम्भिक अनुसन्धान कार्य गरिएको परिसरका प्रवक्ता कृष्ण प्रसाईले बताए। चालक काभ्रे जिल्ला साठ्ठिघर गाविस ९ बस्ने बर्ष ३७ को सिनाराम श्रेष्ठ प्रहरीको नियन्त्रणमा रहेको जनाइएको छ । साथै गाडी महानगरीय प्रहरी वृत्त जगाती भक्तपुरको नियन्त्रणमा रहेको प्रहरीले जनाएको छ।

प्रकाशित: १२ चैत्र २०७३ १२:१५ शनिबार

बिहे घरमा आगलागी हुँदा २ जना घाइते, ६ लाखभन्दा बढीको क्षति

सर्लाहीको बलरा नगरपालिकास्थित मिर्जापुरको बिहे घरमा आगलागी हुँदा दुई जना घाइते भएका छन्। घाइते हुनेमा घरधनी रामचन्द्र महतो र राज मङ्गल रहेका छन्।

इलाममा धुइरिए ‘इलेक्सन टुरिस्ट’

इलाम क्षेत्र नम्बर २ मा वैशाख १५ को उपनिर्वाचन नजिकिएसँगै जिल्लामा ‘इलेक्सन टुरिस्ट’ को चहलपहल बढेको छ। मतदाता नै नभएका व्यक्ति जिल्ला बाहिरबाट हुलका हुल आउन थालेपछि इलामका होटलहरू भरिन थालेका छन्।

दिगो ऊर्जा दिगो नीति

कुनै पनि देशमा विभिन्न प्रकारका ऊर्जा स्रोतको विकास र ऊर्जा संरक्षणसँग सम्बन्धित नीतिलाई ऊर्जा नीति भनिन्छ। कुनै पनि देशको आर्थिक विकासमा ऊर्जाको महत्त्वपूर्ण भूमिका हुन्छ।