सर्वोच्चको अादेशपछि डिआईजी सिलवालको यस्तो प्रतिक्रिया

बुधबार, ३० चैत २०७३, १९ : ५२ नागरिक


काठमाडौं— डिआईजी नवराज सिलवालले आफूले जीवनभर अन्यायमा परेकाहरुका लागि काम गरेको दाबी गरेका छन्। प्रकाश अर्याललाई प्रहरी महानिरीक्षक नियुक्त गर्ने सरकारको निर्णय रोक्न उनले दायर गरेको रिटमा बुधबार सर्वोच्चले अन्तरिम आदेश नदिएपछि डिआइजी सिलवालले 'पीडितको पक्षमा इमान्दारिपूर्वक काम गर्दै आएको' उल्लेख गरेका हुन्।

‘मैले जीवनभर अन्यायमा परेकाहरुका लागि काम गरेको छु। भविष्यमा पनि हरकोही पीडितका लागि इमान्दारीपूर्वक काम गर्नेछु’, डिआईजी सिलवालले ट्विट गर्दै भनेका छन्।

‘मैले जीवनभर अन्यायमा परेकाहरुका लागि काम गरेको छु। भविष्यमा पनि हरकोही पीडितका लागि इमान्दारीपूर्वक काम गर्नेछु’, डिआईजी सिलवालले ट्विट गर्दै भनेका छन्।

सिलावलको रिटमा बुधबार सर्वोच्च अदालतको एकल इजलाशले अन्तरिम आदेश दिन अस्वीकार गरेको थियो। न्यायाधीश ईश्वर खतिवडाको एकल इजलासले बुधबार दुवै पक्षलाई छलफलमा बोलाउने र नियुक्ति गर्नुको कारण माग गर्ने आदेश मात्र जारी गरेको थियो।

प्रहरी प्रमुख नियुक्तिको विवाद लम्बिएपछि डेढ महिनादेखि प्रहरी संगठन निमित्त आइजीको भरमा चल्दै आएको अवस्थामा सरकारले कार्यसम्पादन मूल्यांकनका आधारमा अर्याललाई गत मंगलबार प्रहरी महानिरीक्षकमा नियुक्त गरेको थियो। नियुक्ति लगत्तै मध्यराति उनलाई गृह मन्त्रालयमा दज्र्यानी चिन्ह दिएर जिम्मेवारी सुम्पिएको थियो।

सो नियुक्तिविरुद्ध अदालतमा रिट दायर गरेका डिआइजी सिलवालले आफ्नो संघर्ष न्यायिक सर्वोच्चताका लागि भएको उल्लेख गरेका थिए। 'मेरो संघर्ष पदको लागि भन्दा न्यायिक सर्वोच्चता र प्रजातान्त्रिक मूल्यहरुको जगेर्नामा समर्पित छ', उनले भनेका थिए।

१ फागुनको मन्त्रिपरिषद् बैठकले डिआईजी जयबहादुर चन्दलाई प्रहरी प्रमुख बनाउने निर्णय गरेपछि त्यसविरुद्ध सर्वोच्चमा रिट परेको थियो। डिआईजी नवराज सिलवालसहितले सर्वोच्च अदालतमा रिट दायर गर्दा त्यतिबेला सर्वोच्चले अन्तरिम आदेश दिँदै चन्दको नियुक्ति रोकेको थियो। पछि सर्वोच्चको पूर्ण इजालशले चन्दको नियुक्ति बदर गर्दै सरकारलाई कार्यसम्पादन मूल्यांकनका आधारमा प्रहरी महानिरीक्षक नियुक्त गर्न आदेश दिएको थियो।

सिलवालको ट्विट

मैले जीवनभर अन्यायमा परेकाहरूका लागि काम गरेको छु। भविष्यमा पनि हरकोहि पीड़ितका लागि ईमान्दारीतापूर्वक काम गर्नेछु।

— Nawa Silwal (@Nawasilwal) April 12, 2017

 







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

‘पद्मावती’ विवाद

‘पद्मावती’ विवाद

महंगो सेटमा फिल्म बनाउन माहिर बलिउड निर्देशक सञ्जय लीला भन्सालीको फिल्म ‘पद्मावती’को फष्र्टलुक सार्वजनिक हुनासाथ फिल्मकर्मीदेखि दर्शकसम्मले फष्र्टलुकको तारिफ गरे...

फूलमानको ‘नीरफूल’मा म्यान्मारका राजदूत दम्पती

फूलमानको ‘नीरफूल’मा म्यान्मारका राजदूत दम्पती

सञ्चारकर्मी फूलमान बलको निर्देशन रहेको फिल्म ‘नीरफूल’मा म्यान्मारका राजदुत ऊ लिउन ऊ देखिने भएका छन् । भूकम्पले तितर वितर पारेको...

दसैंका गीतमा पीडा

दसैंका गीतमा पीडा

वाल्यकालमा औंला भाँँच्दै धेरैले यही गीत गाउँदै दसैंलाई निम्ता दिन्थे । यो गीत गाउँदा घरमै दसैं आइसकेको धेरैलाई आभाष हुन्थ्यो...

तीन फिल्मसँग आउँदै ‘तान्द्रो’

तीन फिल्मसँग आउँदै ‘तान्द्रो’

आगामी कात्तिक २४ गते ‘सकस’, ‘रोमियो’ र ‘मेला’ रिलिज हुने चर्चा चलिरहँदा यही मितिमा अर्को फिल्म ‘तान्द्रो’ पनि रिलिज हुने...