मुसहरवस्ती हेर्न आउनेको भिड

आइतबार, ०३ बैशाख २०७४, १७ : ५८ महेशकुमार दास

महोत्तरी- धुर्मुस सुन्तली फाण्डेसनले मात्र ९५ दिनकै अवधिमा निर्माण कार्य सकेर हस्तान्तरण समेत गरि सकेको वर्दिवास १ स्थित एकीकृत नमुना मुसहरवस्ती हेर्न आउनेहरुको अचेल लर्को नै लाग्न थालेको छ।

मात्र ९५ दिनमा विजुलु ,पानि ,ढल पक्की सडक र एकै आकार प्रकारमा वनाइएको घर कस्तो देखिन्छ होला भनेर हेर्न वस्तीमा आउनेहरुको लर्को लाग्न थालेको मुसहर बस्तीका शिवकुमार सदाले बताए।

शुक्रबार हस्तान्तरण भएपछि शनिबारदेखि विधिवतरुपमा मुसहर समुदाय आ–आफना घरमा वास सरेपछि त्यहाँको रौनकता हेर्न टाढा टाढाबाट आउनेहरुको भिड ज्यादै नै बढन थालेको सदाले सुनाए।

बस्ती हेर्न पहिले पनि विभिन्न ठाउँहरुबाट आगन्तुकहरु आउँदे तर वस्ती हामीलाई हस्तान्तरण भए पछि अहिले हेर्न आउनेको संख्या ह्वातै बढेको सदाले बताए।  

धुर्मुस सुन्तलीले एकीकृत मुसहर वस्ती निर्माण गरेर हस्तान्तरण गरि सकेको समाचारहरु संचार माध्यमहरु मार्फत थाहा पाएर वस्ती हेर्न वर्दिवास १ स्थित मुसहरवस्ती आई पुगेका हेटौंडा घर भएका दम्पति अजित दवाडी र सुस्मा पराजुलीले बस्ती आफुहरुले सोचेको भन्दा पनि राम्रो बनेको बताए।

त्यस्तै धरान ८ बाट वस्ती हेर्न आई पुगेका विनौद निरौलाले पनि धुर्मुस सुन्तली फाण्डेसनद्वारा निर्मित बस्ती सुनेको भन्दा राम्रो बनेको बताए। यति कम समयमा यस्तो राम्रो संरचना निर्माण भएको हेर्दा मन गदगद भएको निरौलाले बताए।

मुसहरवस्तीमा अहिले सयौंको संख्यामा युवायुवतिहरु बस्ती हेर्न र त्यहाँ पुगेर सेल्फी खिच्नेमा व्यस्त देखिएका छन। बस्तीको बीचमा निर्माण गरिएको भ्यु टावरमा चढेर सेल्फी खिच्ने युवायुवतीहरुको संख्या बढी रहेको छ।









यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

परिवर्तन संघारमा नेपाली फिल्म

परिवर्तन संघारमा नेपाली फिल्म

सात वर्षअघि दयाहाङ राईले ‘दासढुंगा’मा अभिनय गर्दा जम्मा ३० हजार रूपैयाँ पारिश्रमिक पाएका थिए । २०६८ सालमा ‘लुट’ र त्यसको...

दातालाई स्वेताको सम्मान

दातालाई स्वेताको सम्मान

सिन्धुपाल्चोकमा माझी बस्ती निर्माण गर्न आर्थिक सहयोग गर्ने दातालाई नायिका श्वेता खड्काले सम्मान गरेकी छिन्। ...

लन्डनमा बक्स अफिस अवार्ड

लन्डनमा बक्स अफिस अवार्ड

नेपालसँगै यदाकदा विदेशमा हुँदै आएको फिल्मफेयर बक्स अफिस अवार्ड यसपटक बेलायतमा हुने भएको छ। बेलायतमा अवार्ड आयोजना गर्न लागेको आयोजक...

फिल्म निर्माण गर्दै धुर्मुस सुन्तली

फिल्म निर्माण गर्दै धुर्मुस सुन्तली

हालै महोत्तरीमा मुसरह बस्ती निर्माण कार्य सम्पन्न गरेका सिताराम कट्टेल र कुञ्जना घिमिरेले फिल्म निर्माण गर्ने भएका छन्। ...