दीपकलाई ‘राज्जा रानी’को दुई लाख

बुधबार, ०६ बैशाख २०७४, १० : ०९ नागरिक


काठमाडौं– चार वर्षदेखि घाँटीमा मासु पलाएर अस्वस्थ रहेका अभिनेता दीपक क्षेत्रीलाई फिल्म ‘ राज्जा रानी’ले दुई लाख ११ हजार रुपैयाँ सहयोग गरेको छ । 

यही फिल्ममा अभिनेत्रीका पिताको भूमिका निर्वाह गरेका कलाकार क्षेत्रीलाई फिल्मका निर्माता एमके पौडेल, निर्देशक यम थापा, अभिनेता नाजिर हुसेन र अभिनेत्री केकी अधिकारीसहितको टोलीले क्षेत्रीको डिल्लीबजारस्थित डेरामै पुगेर उक्त रकम प्रदान गरेको हो । 

५६ वर्षे क्षेत्रीको उपचारका लागि गत फागुन १८ गते फिल्मले नेपालगञ्ज सेटमै रकम संकलन थालनी गरेको थियो । ‘डबिङमा उहाँको वास्तविक आवाज रेकर्ड होस् भन्ने हामी चाहन्छौं,’ निर्माता पौडेलले भने ।
दीपकले टोलीसँग निजी क्षेत्रबाट सक्दो सहयोग भए पनि सरकारले आफ्नो उपचारमा वास्ता नगरेको भन्दै दुःखेसो पोखेका थिए ।

२०४१ मा फिल्म ‘विश्वास’बाट अभिनय थालेका क्षेत्रीले डेढ सयभन्दा बढी फिल्ममा अभिनय गरिसकेका छन् । उनकी अभिनेत्री पत्नी विपना बस्नेतले शल्यक्रियाका लागि आफूहरु जुट्ने जानकारी दिइन् । 

घाँटीको समस्याले कलाकार क्षेत्रीको स्वर सुकिसकेको छ । सुकेको स्वरमै उनले केही फिल्ममा समेत अभिनय गरेका छन् ।

कलाकार क्षेत्रीलाई यसअघि अमेरिकामा बस्दै आएका फिल्मकर्मीको समूहबाट ५ लाख र यूकेका नेपाली समुदाय तथा क्षेत्री समाज यूकेबाट ३ लाख रुपैंयाँ सहयोग प्राप्त भएको छ ।









यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।


अन्य समाचार

'पहिला नेपाली फिल्म हेर्दा झुर लाग्थ्यो'

'पहिला नेपाली फिल्म हेर्दा झुर लाग्थ्यो'

अभिनय क्षेत्रमा आउनुअघिसम्म नेपाली फिल्मप्रति अभिनेत्री सुरक्षा पन्तको धारणा सकारात्मक थिएन। नियमित फिल्म हेर्ने गरे पनि फिल्मप्रति उनको आलोचना तिखो...

विवादित बन्यो राष्ट्रिय कला प्रदर्शनी

विवादित बन्यो राष्ट्रिय कला प्रदर्शनी

आन्तरिक विवाद थाती राखेर सुरु भएको सातौं राष्ट्रिय ललितकला प्रदर्शनी विवादित बनेको छ। गलत कलाकृतिलाई पुरस्कृत गर्नेदेखि लिएर  प्रतिष्ठानका गतिविधी...

सायद २ को दोस्रो ट्रेलर सार्वजनिक

सायद २ को दोस्रो ट्रेलर सार्वजनिक

नेपाली फिल्म ‘सायद २’ ले दोस्रो ट्रेलर सार्वजनिक गरेको छ। आइतबार हाइलाइट्स नेपालको औपचारिक च्यानलमार्फत ‘सायद २’ को दोस्रो ट्रेलर...

प्रेमध्वज–दुर्गालालको ठट्टा

प्रेमध्वज–दुर्गालालको ठट्टा

श्रेष्ठले घोषणा गरे–‘कसैले प्रेमध्वज कहिल्यै रिसाएको, रिसाएर मुख बिगारेको देखेको भए भन्नु, तुरुन्तै १० हजार पुरस्कार ।’ प्रधानसँगै उपस्थित गलल...