‘घामपानी' बाट चम्केका अंकित

बिहिबार, ०७ बैशाख २०७४, ०८ : ५३ स्मृति ढुंगाना  | @aesmriti


काठमाडौं- फिल्म समीक्षक दीपेन्द्र लामाद्वारा निर्देशित ‘घामपानी' मा असई कमलप्रसाद अधिकारीको भूमिकामा देखिएका अंकित खड्का शुभचिन्तकहरुबाट तारिफ बटुल्न व्यस्त छन्। ‘घामपानी' बाट नेपाली फिल्म क्षेत्रमा डेब्यु गरिरहेको अंकित नेपाली रंगमञ्चमा कहिले मञ्चपछाडि त कहिले अगाडि देखिइरहने नाम हो।

राजधानीको मण्डला थिएटरसँग विगत साढे तीन वर्षदेखि आबद्ध उनलाई ‘घामपानी' फिल्मका रामबाबु गुरुङले अभिनय गर्न प्रस्ताव गरेका थिए। ‘फिल्मको स्त्रि्कप्ट पढेपछि प्रहरीमा जागिरे साथीहरुसँग केही दिन नियमित भेटघाट गर्न थाले। उनीहरुको हाउभाउलाई मलाई दिएको पात्रमा प्रस्तुत गर्न सफल भएजस्तो लाग्छ,' उनी भन्छन्, ‘स्त्रि्कप्टमा आँखा झिम्काउने शैली केही फरक भए पनि मेरो शैली निर्देशकलाई मन परेपछि त्यसैलाई निरन्तरता दिएको हुँ।'

लभस्टोरी फिल्ममा काम गर्ने तयारीमा रहेका उनी एकसाथ फिल्म र थिएटरमा काम गर्न अप्ठ्यारो हुने अनुभव सुनाउँछन्। ‘एकैसाथ थिएटर र फिल्ममा काम गर्न अप्ठ्यारो हुने रहेछ। थिएटरलाई प्राथमिकतामा राखे पनि फिल्ममा काम भने गर्नेछु।'

भारतको मेघालयमा जन्मिएका उनको बाल्यकाल सिन्धुपाल्चोकको लाँगर्चे गाविसमा बितेको थियो। पाँच दाजुभाइमध्ये कान्छा उनकी एक दिदी छिन्। ‘गाउँमा बिजुली नभए पनि नजिकै ओढारे भन्ने ठाउँमा ब्ल्याक एन्ड ह्वाइट टिभीमा नेपाली फिल्म सोलारबाट देखाइन्थ्यो। पाँच रुपैयाँ तिरेर साथीसँग एउटा फिल्म हेर्ने गर्थें। त्यतिखेर अभिनेता राजेश हमालको फ्यान थिए,' अभिनेता अंकितले भने, ‘पढ्दापढ्दै राजेश हमालजस्तो हिरो हुने भूत चढेपछि पढाइ भने खासै राम्रो हुन सकेन।'

२०६२ सालताका दर्पण फिल्मस्ले नेपाल टेलिभिजनमा ‘अब त अति भो' नामक सिरियलमा अभिनय गर्ने मौका दिनेे भएपछि अंकित आठ कक्षा पढिरहँदा आमाबुबासँग दुई सय ५० रुपैयाँ मागेर भक्तपुरमा रहेकी दिदीकोमा आए।

‘पहिलोपटक हिरो बन्छु भनेर काठमाडौं आएपछि थाहा भयो दर्पण फिल्मस्ले दिने तीनमहिने अभिनय कोर्सका लागि ५ हजार तिर्नुपर्ने रहेछ। पैसा जोरजाम गरे पनि तर त्सको काम लागेन,' अंकितले भने। पछि उनले कृष्ण फिल्मस्मा पुगेर नृत्यको प्रशिक्षण लिए। तर, सोचेजस्तो काम पाएनन्। आम मध्यमवर्गीय युवाझैं कलाकार बन्ने सपनाको माया मारेर जागिर गर्न लागे। ‘केही वर्ष जागिर खाएपछि अबचाहिँ अभिनयमा लाग्छु भनेर मण्डला थिएटर पुगें,' अंकितले अभिनयमा औपचारिक रुपमा लाग्नुअघिको आद्योपान्त सुनाए। । निर्देशक सुनील पोखरेलले मण्डला थिएटरमा सञ्चालन गरेको तीनमहिने अभिनय प्रशिक्षण लिएपछि इन्द्रबहादुर राईको कथामा बनेको ‘जार'मा पहिलोपल्ट कलाकारका रुपमा देखा परे। पहिलो नाटकबाटै सम्भावना देखाएका अंकित आफू  अभिनेता बन्नु पछाडि दयाहाङ राई, राजन खतिवडा र सृजना सुब्बाको हौसला खास रहेको बताउँछन्।

‘मण्डला थिएटरले मेरो अभिनय यात्रालाई निरन्तरता दिन प्रोत्साहन गर्‍यो। सुरुवाती दिनमा समस्या भए पनि आजभोलि राम्रो गर्छु भन्ने आत्मविश्वास बढ्दै गएको छ,' अंकित भन्छन्। पहिलो फिल्मबाटै छाप छाड्न सफल भए पनि उनले फिल्म र नाटकमध्ये नाटकमा बढी सन्तुष्टि मिल्ने बताए।

पछिल्लोपटक ‘युमा' नामक नाटकमा अभिनय गरेका उनले ‘जार', ‘माथापञ्चर', ‘वैतणी क्याफे',’छिद्र क्यानभास' र ‘योजना पार्क'लगायतमा अभिनय गरिसकेका छन्।





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

गृह जिल्लाबाट माया बुझाउँदै गायक हेमन्त

गृह जिल्लाबाट माया बुझाउँदै गायक हेमन्त

तानसेनको टुँडिखेलमा जारी पाल्पा महोत्सवमा गायक हेमन्त शर्मासँग पाल्पालीहरु रमाएका छन्। ‘न तेजाबी सुन हो माया न हो छापावाल...’ भन्दै ...

अक्षय कुमार ‘फ्लप’

अक्षय कुमार ‘फ्लप’

बलिउडमा एक पछि अर्काे हिट फिल्म दिँदै आएका अभिनेता अक्षयकुमारलाई पछिल्लो फिल्म ‘प्याड म्यान’ले फ्लप बनाइदिएको छ। फिल्मले सजिलैसँग सय...

दयाहाङ किराँत संग्रहालयको सद्भावना दूत

दयाहाङ किराँत संग्रहालयको सद्भावना दूत

अभिनेता दयाहाङ राईलाई खोटाङको ऐसेलुखर्क–५ रिब्दुङ महेश्वरीमा निर्माण सुरु गरिएको किराँत संग्रहालयको सद्भावना दूत बनाइएको छ। ...

सञ्जय दत्तको बायोपिक फिल्ममा विवाद

सञ्जय दत्तको बायोपिक फिल्ममा विवाद

बलिउडका अभिनेता सञ्जय दत्तको जीवनीमा आधारित बायोपिक फिल्मको नाममा विवाद भएको छ। निर्देशक राजकुमार हिरानी र निर्माता विनोद चोपडा फिल्मको नाम...