अमेरिकी उपराष्ट्रपति इन्डोनेसियामा

बिहिबार, ०७ बैशाख २०७४, १२ : ४६ एजेन्सी

जाकार्ता – अमेरिकी उपराष्ट्रपति माइक पेन्स आफ्नो १० दिने एसियाली मुलुकहरु भ्रमणको क्रममा विहीबार इन्डोनेसिया आइपुगेका छन् ।

 उनले इन्डोनेसियाली राष्ट्रपति तथा देशका उच्चस्तरीय नेता तथा राष्ट्रिय अधिकारीहरुसँग बैठक र छलफल गर्नेछन् । अमेरिका तथा इन्डोनेसियाबीच केही अघिदेखि उत्पन्न ब्यापारिक तथा बाणिज्यगत बिबाद सुल्झाउने पनि द्विपक्षीय छलफलको एउटा एजेन्डा रहने बताइएको छ । 

केही अघि इन्डोनेसियामा सम्पन्न गभर्नरस्तरीय आम निर्वाचनमा आफ्ना कट्टर समर्थक जाकार्ताका गभर्नरको हार भएपछि बिचलित भई राष्ट्रपति जोको जोकोवी विडोडो गम्भीर राजनीतिक चिन्तामा फसेको जनाइएको छ । यस्तै परिस्थितिबीच अमेरिकी उपराष्ट्रपति पेन्स इन्डोनेसिया भ्रमणमा आइपुगेका हुन्। उनको इन्डोनेसिया बसाई दुई दिनको हुनेछ । 

इन्डोनेसियाले अमेरिकाप्रति देखाउँदै आएको कूटनैतिक ब्यबहार र रबैयाबाट अमेरिकी राष्ट्रपति डोनाल्ड ट्रम्प भने सन्तुष्ट छैनन् । उनले इन्डोनेसियालाई व्यापारिक प्रहार सूचि (ट्रेड हिट लिस्ट) मा राखेका छन् । कुरा यहाँनेर अल्झिएको छ कि इन्डोनेसियाली सरकारसँग बिबाद र खरखिचोलाका बीच इन्डोनेसियाको पापुआ प्रान्तमा एउटा ठूलो अमेरिकी कम्पनीले विश्वको सबभन्दा ठूलो तामा खानी उत्खनन र सन्चालन गरिरहेको छ । 

यद्यपि, उपराष्ट्रपति पेन्सको इन्डोनेसिया भ्रमण र छलफलले अमेरिका तथा इन्डोनेसियाबीच कायम रहँदै आएको व्यापारिक तथा वाणिज्यगत विवाद र तिक्तता सुल्झिने अपेक्षा गरिएको जनाइएको छ । 








यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

'पशुपति' पछि 'धनपति'

'पशुपति' पछि 'धनपति'

अघिल्लो फिल्ममा फिल्म 'पशुपति' बनेर दर्शक रिझाएका खगेन्द्र लामिछाने लगभग उही टिमका साथ 'धनपति' बनेर आएका छन्। 'पशुपतिप्रसाद' बाट सहकार्य...

किताब यात्रामा  'हरिबहादुर'

किताब यात्रामा  'हरिबहादुर'

हास्य कलाकार हरिवंश आचार्य पुस्तक यात्रामा निस्किएका छन्। आचार्य गत साता सार्वजनिक उपन्यास 'हरिबहादुर' लाई आम मानिससम्म पुर्‍याउने उद्देश्यले यात्रामा...

तेरियाका गुरु

तेरियाका गुरु

तीन वर्ष अघि रुपन्देही रुद्रपुरकी १२ वर्षीया तेरिया फौजामगर भारतको मुम्बईमा धेरै प्रतिस्पर्धीलाई उछिन्दै डिआइडी लिटिल मास्टरको उपाधि जित्न सफल...

सम्पदा संरक्षणमा सकस

सम्पदा संरक्षणमा सकस

ललितपुर पाटन क्षेत्रलाई पुरानो र ऐतिहासिक सहर मानिन्छ । नेपाल भाषामा ‘यलः’ भनिने यो स्थान बरदेवले स्थापना गरेको इतिहासविद् बताउँछन्...